12
-
Meydana çıxan mənfi əlamətləri təhlil edir və müəssisə və təşkilatın gələcək
fəaliyyətinə onların mümkün təsirini qiymətləndirirlər
-
Həmin əlamətləri doğuran səbəblər haqqında informasiya toplayırlar
-
Mənfi əlamətlərin və onların nəticələrinin aradan qaldırılması üzrə tövsiyələr
hazırlayırlar
-
Informasiyanın müəssisə və tşkilatın rəhbərliyinə və mülkiyyətçilərinə
çatdırırlar
-
Tövsiyələrin yerinə yetirilməsinə nəzarət edirlər
1.2
Müə ssisə nin maliyyə nə zarə ti sistemində auditorun fə aliyyə tinin
normativ-hüquqi bazası
Rəhbərlik tərəfindən müəssisə və təşkilatın maliyyə təsərrüfat fəaliyyətinə
gündəlik nəzarətin o cümlədən daxili auditin təşkili həm qanunvericilik həm də
digər normativ sənədlər səviyyəsində nizamlanıır.
Azərbaycan Respulikasında daxili audit bir sıra normativ aktlarla tənzimlənir
ki bunlardan da ən mühümü daxili “daxili audit haqqında” Azərbaycan
Respublikasının 2007-ci il 22 may tarixli qanunudu. 5 fəsil və 15 maddədən ibarət
olan bu qanun Azərbaycan Respublikasında təsərrüfat subyektlərinin idarə
edilməsinin səmərəliliyinin artırılması məqsədilə daxili audit xidmətinin təşkilinin
və həyata keçirilməsinin hüquqi əsaslarını daxili auditorların hüquq və vəzifələrini
müəyyən edir.
Qanuna görə, daxili audit dedikdə, təsərrüfat subyektinin fəaliyyətinin
inkişafına və səmərəliliyinin yüksəldilməsinə yönəldilmiş risklərin idarə olunması,
nəzarət və idarəetmənin səmərəliliyinin qiymətləndirilməsi və inkişafına sistemli
yanaşmaqla, təsərrüfat subyektinə öz məqsədlərinə nail olmaqda köməklik edən
obyektiv, təminatverici və məsləhətverici fəaliyyət başa düşülür. Daxili audit
xidməti isə təsərrüfat subyektində daxili audit fəaliyyətini həyata kemirən struktur
bölməsidir (audit komitəsi, departament, şöbə, bölmə, daxili auditor). Audit
Komitəsi, bu qanuna uyğun olaraq, təsərrüfat subyektində yaradılan, daxili audit
13
siyasətinin və strategiyasının hazırlanması, həyata keçirilməsi və auditor
nəzaərtinin təşkilinə məsul olan struktur bölməsidir, daxili audtor isə daxili audit
xidmətinin daxili auditi həyata keçirən əməkdaşı kimi başa düşülür.
Qanunun ikinci maddəsinə görə, “Daxili audit haqqında” qanun mülkiyyət və
təşkilati hüquqi formasından aslı olmayaraq, Azərbaycan Respublikasının
ərazisində fəaliyyət göstərən və məcburi auditin obyekti olan təsərrüfat
subyektlərinə şamil edilir. Digər təsərrüfat subyektləri bu qanunun müddialarına
könüllülük prinsipi əsasında tətbiq edə bilərlər.
Qanuna əsasən, təsərrüfat subyektində daxili audit xidmətinin yaradılmasına
məsul olan müvafiq idarəetmə orqanı:
-
Daxili audit xidmətinin rəhbərini və daxili auditorları (Audit Komitəsinin
üzvlərini) vəzifəyə təyin edir və vəzifədən azad edir
-
Daxili audit xidmətinin əsasnaməsini təsdiq edir.
-
Daxili audit planlarını, habelə daxili auditorların vəzifə bölgüsünü təsdiq
edir
-
Daxili audit siyasətini və strategiyasını müəyyən edir və həyata keçirilməsini
təmin edir.
-
Audit fəaliyyətinin həyata keçirilməsi üçün lazımi şərait yaradır
-
Daxili audit xidmətinin aşkar eetdiyi nöqsan və çatışmazlıqların aradan
qaldırılması üçün müvafiq tədbirlər görür
-
Daxili audit xidmətinin hesabatında verilmiş məqsədə uyğun təkliflərin
həyata keçirilməsilə bağlı qərarlar qəbul edir.
Qanunun dördüncü maddəsinə görə daxili audit xidmətinin vəzifələri
aşağıdakılardır:
-
Təsərrüfat subyektində müntəzəm və səmərəli fəaliyyətin təmin edilməsi,
məqsədlərə nail olmaq üçün risklərin idarə edilməsi, istənilən dəyişikliyə qısa
müddət ərzində münasibət bildirilməsi məqsədilə yaradılan daxili nəzarət
sisteminin səmərəliliyini və adekvatlığını müəyyən etmək
14
-
Mühasibat uçotu və maliyyə hesabatlarının düzgünlüyünü və etbarlılığını
yoxlamaq
-
Təsərrüfat subyektinin xərclərinin səmərəliliyini qiymətləndirmək
-
Təsərrüfat subyektinin ona tabe olan müəssisə və təşkilatıların (onun törəmə
təsərrüfat cəmiyyətlərinin) struktur bölmələrinin fəaliyyətinin normativ hüquqi
aktlara və təsdiq edilmiş fəaliyyət planına uyğunluğunu yoxlamaq
-
Ehtiyatlardan istifadənin səmərliliyi, düzgünlüyü, onlardan istifadəyə
nəzarəti və zərərdən mühafizə olunmanın yetərililiyini qiymətləndirmək
Audit Komitəsi isə bir qayda olaraq, ictimai əhəmiyyətli qurumlarda yaradılır
və aşağıdakı vəzifələri yerinə yetirir:
-
Təsərrüfat subyektində daxili audit siyasətini və strategiyasını müəyyən edir,
daxili audit planlarını təsdiq edir və daxili audit fəaliyyətinə nəzarət edir
-
Daxili audit xidmətinin rəhbəri və əməkdaşlarının vəzifə təlimatlarını,
proqramlarını, daxili audit hesabatlarını nəzarət sisteminin təkmilləşdirilməsinə
dair tövsiyələri təsdiq edir
-
Daxili nəzarət sisteminin yaradəılması və tətbiqinə, daxili nəzarətin və
risklərin idarə edilməsi sisteminin təkmilləşdirilməsinə dair müvafiq diarəetmə
orqanına təkliflər verir.
-
Kənar auditin təyin edilməsi ilə əlaqədar müvafiq idarəetmə orqanına
təkliflər verir
-
Təsərrüfat subyektlərinin icra orqanlarından kənar və daxili auditorlarının
daxili nəzarət sisteminə dair verdikləri tövsiyyələrin yerinə yetirilməsinin vəziyyəti
barədə məlumat əldə edir
-
Maliyyə risklərinin yüksək olduğu sahələri müəyyənləşdirir və təsərrüfat
subyektlərinin icra orqanları tərəfindən onların səmərəli idarə edilməsinə əminlik
əldə edir.
-
Kənar və daili auditin və ya digər yoxlamaların gedişində aşkar olunan
saxtakarlıq hallarını, nöqsan və çatışmazlıqları müzakirə edir və onların ardan
qaldırılması üçün müvafiq idarəetmə orqanına təkliflər verir.
Dostları ilə paylaş: |