24
Auditоr Azərbaycan Rеspublikasının “Auditоr хidməti haqqında” Qanunun,
habеlə Auditоrlar Palatasının qəbul еtdiyi standartların və təlimatların tələblərini
yеrinə yеtirməklə pеşəkar хidmətlər göstərməlidir.
Оnu da nəzərə almaq lazımdır ki, auditоr pеşə хaraktеrli хidmətlərin
göstərilməsi ilə bir araya çsığmayan və оnun düzgünlüyünə, оbyеktivliyinə,
müstəqilliyinə və ya auditоr pеşəsinin adına хələl gətirə bilən hər hansı başqa
fəaliyyət növü ilə məşğul оla bilməz.
“Peşə təcrübəsinin konseptual əsasları”nın tərkib hissəsi olan standartların
məqsədi aşağıdakılardır.
-
Daxili audit təcrübəsinin əsas prinsiplərini müəyyənləşdirmək
-
Daxili audit sahəsində xidmətlərin geniş spektrinin əsasını təşkil edən
konseptual bazanı müəyyən etmək
-
Daxili audit fəaliyyətinin qiymətləndirilməsi üçün əsaslar yaratmaq
-
Müəssisə və təşkilatın daxilində sistem və proseslərin təkmilləşdirilməsinə
yardım etmək
Daxili Auditin Peşə Təcrübəsi üzrə Beynəlxalq Standartlar üç hissədən-
Keyfiyyət xarakteristikası standartları, Fəaliyyət satndartları və tətbiq
standartlarından ibarətdir.
Keyfiyyə t xarakteristikası standartlarında müəssisə və təşkilatların,
həmçinin daxili auditlə məşğul olan tərəflərin səciyyəvi xüsusiyyətləri nəzərdən
keçirilir.
Burada
daxili
audit
fəaliyyətinin
məqsədi,
vəzifə
və
səlahiyyətlərimüstəqillik və obyektivliyi, daxili auditorların səriştəliliyi və peşəkar
yanaşması, ixtisasartırması, daxili və kənar qiymətləndirmələr və s.məsələlər əksini
tapmışdır. Bu standartlar daxili audit fəaliyyətinin müstəqil və obyektiv icra
olunmasını, hesabatın rəhbərliyə təqdim edilməsi zamanı üçüncü şəxsin
müdaxiləsinə yol verilməməsini, həmçinin, daxili auditorların öz işlərində
təmənnasız və qərəzsiz olmalarını, maraqların toqquşmasına yol verilməməsini
şərtləndirir.
25
Standartlar müəssisə və təşkilatın, onun daxili audit bölməsinin, bölmə
rəhbərinin və daxili auditorların funskional vəzifələrini müəyənləşdirir və
aşağıdakıları əhatə edir:
-
Daxili audit bölməsinin yoxlanılan fəaliyyət sahələrindən aslı olmaması və
daxili auditorların obyektivliyi
-
Daxili auditorların göstərməli olduqları peşəkarlıq və peşəkar diqqət
-
Daxili auditin işinin həcmi
-
Daxili audit tapşırıqlarının yerinə yetirilməsi
-
Daxili audit bölməsinin rəhbərliyi
Daxili auditin səmərəli təşkilinin digər bir şərti daxili auditorların öz
vəzifələrini yerinə yetirə bilməsi üçün zəruri olan bilik və vərdişlərə malik
olmasıdır. Belə ki, daxili auditor fırıldaqçılıq əlamətlərini müəyyənləşdirmək və
verilən tapşırıqları səmərəli şəkildə yerinə yetirmək üçün informasiya
texnologiyaları sahəsində risklər və nəzarət metodları, həmçinin, informasiya
texnologiyalarından istifadəyə əsaslanan mövcud audit üsulları barədə kifayət
qədər biliyə malik olmalıdır. Bununla yanaşı, daxili auditor işə peşəkarcasına
yanaşmaqla, zəruri ehtiyatlılığı və səriştəliliyi gözləməlidir.
Daxili auditorların peşəkar inkişafına gəldikdə isə onlar öz bilik və
vərdişlərini fasiləsiz ixtisasartırma prosesində təkmilləşdirməlidirlər. Belə ki,
iqtisadi cəhətdən inkişaf etmiş ölkələrdə daxili auditor, bir qayda olaraq, işlədiyi
müəssisə və təşkilatda böyük təcrübəyə , ən azı, “diplomlu ictimai mühasib”
sertifikatına malik olmalıdır. Bildiyimiz kimi, bütün dünyada mühasibat uçotu iş
adamlarının işgüzar dili hesab olunur. Ona görə də bu gün əsaslı mühasibat uçotu
təhsilinə daha çox üstünlük verilir.
Daxili auditin təşkili zamanı onun bütün aspektlərini əhatə edən keyfiyyətə
təminat və onun yüksəldilməsi proqramının hazırlanması böyük əhəmiyyət kəsb
edir. Bu proqram daxili auditin keyfiyyətinin vaxtaşırı daxili və kənar
qiymətləndirilməsi və cari daxili monitorinq prossesini əhatə edir. Daxili
qiymətləndirmələr daxili audit fəaliyyətinin müəssisə əməkdaşları tərəfindən
26
həyata keçirilən cari və vaxtaşırı təhlilini əhatə edirsə, kənar qiymətləndirmələr
müəssisənin əməkdaşı olmayan müstəqil anlitiklərin təhlili hesab olunur.
Daxili Auditin Peşə Təcrübəsi üzrə Beynəlxalq Standartların Fəaliyyət
standartlarında isə daxili auditin mahiyyəti təsvir olunur və daxili audit
fəaliyyətinin qiymətləndirilməsinin keyfiyyət meyarları verilir. Burada daxili
auditin planlaşdırılması, rəhbərliyə hesabatın təqdim edilməsi, risklərin idarə
edilməsi, nəzarət, korporativ idarəetmə, auditor tapşırığının planlaşdırılması, icras
və icrasına nəzarət nəticələrə dair hesabatın verilməsi və s məsələlər əksini
tapmışdır.
Bir qayda olaraq, daxili audit bölməsinin müvafiq səlahiyyət və vəzifələri
müəyyən edildikdən və strateji planın hazırlanmasından sonra növbəti mərhələ
auditin ilkin planının tərtib edilmisidir. Belə ki, bu plan ildə ən azı bir dəfə
keçirilən risklərin qiymətləndirilməsinə əsaslanmaqla tərtib edilməlidir. Auditin
aparılmasına dair fəaliyət sahələrini, habelə hər bir sahə üçün iş həcmini müəyyən
etmək məqsədilə risklərin qiymətləndirilməsi modelindən və zərərlərin ehtimalının
təhlili metodlarında istifadə olunur. Daxili Auditin Peşə Təcrübəsi üzrə Beynəlxalq
Standartlara uyğun olaraq, risklər maliyyə-təsərrüfat fəaliyyətinə dair məlumatların
dürüstlüyü və tamlığı, təsərrüfat fəaliyyətinin səmərəliliyi və məhsuldarlığı,
aktivlərin qorunub saxlanması və qanunlara, normativ aktlara və müqavilə
öhdəliklərinə riayət edilməsinə əsasən qiymətləndirilməlidir.
Daxili audit fəaliyyəti, həmçinin, müəssisə və təşkilat daxilində müvafiq etik
standartları və dəyərləri inkişaf etdirmək, fəaliyyətin səmərəli istifadə edilməsi və
qiymətləndirilməsi prossesini təmin etmək, müəssisə və təşkilatın müvafiq
xidmətlərini risklər və nəzarətlə bağlı məsələlər üzrə məlumatla səmərəli şəkildə
təmin etmək, fəaliyyəti səmərəli şəkildə əlaqələndirmək, daxili və kənar
auditorlarla rəhbərlik arasında məlumat mübadiləsi etmək məqsədilə korporativ
idarəetmə prosesinin qiymətləndirilməsini təmin edir.
Daxili auditorlar hər bir auditor tapşırığı üçün həmin tapşırığın məqsədlərini,
həcmini, müddətlərini və resursların bölüşdürülməsini əks etdirən iş planı tərtib
edirlər. Tapşırığın planlaşdırılması zamanı nəzərə alınmalı olan məqamlar,
Dostları ilə paylaş: |