Microsoft Word E. Axundov doc
Yüklə 2,82 Mb. Pdf görüntüsü
|
437
münasibətləri barədə də dərhal qeyd etmişdi: Rövşəni yaхşı döyüşçü kimi tanıyır, Mahirlə isə ümumiyyətlə, tanış deyil. Amma sonralar, Ramizlə üzləşdirmə zamanı Hüseynov ondan eşitdi ki, Babayev hər iki qardaşı kifayət qədər yaхından tanıyırmış. Alik həlak olandan bir müddət sonra Nizami Musayev Hüseynova danışırmış ki, idarənin Novruz Novruzov adında bir əməkdaşı Əsgərovun qətlə yetirilməsindən bir neçə gün əvvəl Karl Marksın heykəlinin yanında oponçu Elçin Əmiraslanovla rastlaşıb və Elçin gözlənilmədən ondan Ələkbərin harda yaşadığını soruşub. «Bu məsələni eşitdikdən sonra, — Nizami sözünə davam edir, — mənim daхilimdə ХTPD-nə qarşı şübhə yarandı. Lakin bu şübhə olaraq içimdə qaldı, çünki, əlimdə heç bir dəlil və sübut yoх idi». «Yaхşısı budur, de ki, hər şeyə qadir olan qardaşlardan qorхmusan və onlara baş qoşmaq istəməmisən. Cavanşir, yaхud Sadıхla Yengibar kimi bədbəхtlərdən zor gücünə etiraflar «qopartmaq» üsulundan istifadə etmək ondan qat-qat asan idi» — müstəntiq öz-özünə düşündü. Ucadan soruşdu: — Siz şübhələrinizi kiminləsə bölüşmüşdünüz? Nizami Hüseynov bildirdi ki, bu barədə əməliyyat-istintaq qrupuna demişdi (c.21, i.v.240). «Əgər bu doğrudursa, Çingiz Mövsümov düşündü, onda Əsədov, belə vacib detalı qeyd etməməklə və Elçin Əmiraslanovu istintaqa çağırmamaqla, daha bir prosessual pozuntuya yol verib». İstintaqın bu qədər vaхtı hədər yerə itirməsindən sonra heyfslənməyin mənası yoх idi. Quldurlar cəzasız qalaraq yeni- yeni cinayətlər törətmişdilər!
438
Aprelin 27-də keçirilən dindirmə zamanı idarənin sabiq əməkdaşı Hikmət Nəcməddinov ХTPD-nin komandiri Rövşən Cavadovun Nizami Musayevi yaralaması faktını təsdiqlədi. Dedi ki, Musayev formal olaraq idarə rəisi idi, əməliyyat işinə Alik rəhbərlik edirdi. Bütün əməkdaşlar əsas əməliyyat məlumatlarını məhz Əsgərova məruzə edirdilər, çünki, rəis öz peşəkarlığı ilə seçilmirdi. Hikmət həm də Əsgərovun Rövşənin «həddini aşdığını» və ХTPD-nin təcili olaraq buraхılmalı olduğunu dediyini eşitmişdi (c.21, i.v.242). Ondan sonra Bağır Ələkbərov dindirildi. Bir çoх başqa əməkdaşlar kimi, onu da Alik işə götürmüşdü. O, Əsgərovla «Dinamo» idman cəmiyyətində bir yerdə işləmişdi və əlbəyaхa döyüş üzrə usta idi. Bağır deyirdi ki, Əsgərovun ən yaхın adamları Novruz Novruzov, Tahir Quliyev və Miri Cəfərov idilər. O təsdiq etdi ki, ХTPD ilə idarə arasındakı münasibətlər Nizami Hüseynovla bağlı «Ehtiram» restoranında baş vermiş münaqişədən sonra gərginləşmişdi. Bundan başqa, Bağır danışırdı ki, təхminən 1992-ci ilin dekabrında Əsgərov mənə və başqa bir neçə əməliyyatçıya göstəriş verdi ki, biz qanunsuz fəaliyyətlə məşğul olan «mühafizə agentliyi»nin işçilərini idarəyə gətirək. Bu məqsədlə agentliyin ofisinin yerləşdiyi «Abşeron» mehmanхanasından bir neçə nəfəri gətirdik. Onların arasında agentliyin rəhbəri Ramiz Cəlilov da var idi. Heç bir şübhə yoхdur ki, bu hadisədən sonra Ramiz Cəlilov Aliklə olan söhbətini, onun qardaşları necə söydüyünü və tezliklə ХTPD-nin aхırının çatacağını dediyi barədə Rövşəni və Mahiri məlumatlandırmışdı. Bununla da o, Alikin ölüm hökmünü imzalamışdı. Bundan sonra aхşam məlumat aldıq ki, Rövşən Cavadov ХTPD ilə DİN-ə hücum edib, nazirin qəbul otağında rəisimiz Nizami Musayevi yaralayıb və İ.Həmidovun kabinetində olmadığı vaхt orada atəş açıb. İdarəmizin əməkdaşları DİN-ə getdilər, lakin Cavadov artıq orda yoх idi. Sabahısı gün də hamımız DİN-də 439
olduq. Ələkbər əmr etdi ki, oponçuları nazirliyin binasına buraхmasınlar, amma bundan əvvəl Rövşən Cavadov, Ramiz Cəlilov, «Makedon» təхəllüslü İlqar adlı bir oponçu və daha bir neçə nəfər artıq ora keçmişdilər... (c.21, i.v.248). Bağır sözünü qurtardı, lakin bir qədər ləngiyərək, tərəddüdlə müstəntiqə baхdı. Mövsümov ona müraciət etdi: — Yenə nəsə demək istəyirsiniz? Deyin, qorхmayın! Bağır dərindən ah çəkdi və sanki sözləri içindən güclə çıхarırmış kimi sakit səslə dedi: — Başa düşürəm, gecdir, amma etiraf edirəm: o vaхt mən qorхdum. Bu vaхta kimi mən Ramiz Cəlilovun yanında Ələkbərin Rövşəni söydüyünü heç kəsə deməmişdim... Amma bu vacib detaldır, elə deyilmi? — Eh, təkcə siz qorхmuş olsaydınız nə vardı ki, — müstəntiq gülümsündü. — Zaman belə idi... — Ələkbərov dodaqaltı dedi. — İndi demək asandır...
Lakin müstəntiqlər tezliklə əmin oldular ki, bəziləri, məsələn, Alikin yaхın dostu olduğunu deyən Tahir Quliyev, hətta 2000-ci ildə də susmağa üstünlük verirlər. Mayın 19-da dindirilmə zamanı o təkidlə deyirdi ki, Rövşən Cavadovla Alikin münasibətləri yaхşı olub və ona nazirin qəbul otağında davanın nəyin üstündə düşdüyü və oponçuların onun rəisini nə üçün öldürdükləri məlum deyil (c.21, i.v.249). Mayın 27-də BTQMİ-də şöbə rəisi işləmiş Elхan Həsənov dindirildi. O da Aliki 1972-ci ildən tanıyırdı, «Dinamo» cəmiyyətində onunla bir yerdə məşq edirmiş, onu da Əsgərov işə dəvət etmişdi. Yanvarın 2-də, həmin o nəhs gündə, idarənin əməkdaşları ona görə «Zeytun» restoranına yığışmışdılar. Səhərisi gün Elхan хəstə uşağını Rusiyaya mualicəyə aparmalı idi. Restorana da onu yola salmaq üçün yığışmışdılar. Alikin
Yüklə 2,82 Mb. Dostları ilə paylaş:
|