Suisidal davranış konsepsiyalarına dair
293
tiplər üçün, sui-qəsd isə sensitiv (63 %) və tsikloid (25 %) tip üçün xarakterikdir. [7,
səh.145]
A.E.Liçko yeniyetmənin suisidal davranışı ilə xarakterin aksentuasiyası tipləri
arasında müəyyən əlaqə olduğunu göstərir.Onun fikrincə,yeniyetmələr arasında
intihar hallarının əsas səbəbi bunlardır:
1.Sevimli adamın itirilməsi;
2.Həddindən artıq yorğunluq vəziyyəti;
3.Şəxsi ləyaqətin təhqir olunması;
4.Spirtli içkilərin və narkotik maddələrin qəbulu nəticəsində şəxsiyyətin müdafiə
mexanizmlərinin dağılması;
5.Özünü intihar etmiş adama oxşatmaq;
6.Müxtəlif səbəblərdən qorxunun,qəzəbin,kədərin ayrı-ayrı formaları.
N.V.Konançuk, V.K.Myager suisidentlər üçün tipik olan üç əsas xüsusiyyət
ayırmışlar:
-tələbatların yüksək gərginliyi;
-əhəmiyyətli münasibətlərdə emosional yaxınlığa yüksək tələbat;
-aşağı frustrasion tolerantlıq və kompensasiyaya zəif qabiliyyət.
E.Şneydman qeyd edirdi: "Suisid özünəqəsdi problemin ən yaxşı həlli hesab edən
fərdin öz vəziyyətini yaxşı anlamağa əsas verən şüurlu özünü məhv etmədir". [5,
səh.8]. E.Şneydman bütün suisidlər üçün tipik olan xüsusiyyətləri təsvir etmişdir:
1) suisidlər üçün ümumi məqsəd həllin axtarışıdır.
2) suisidlər üçün ümumi vəzifə şüurun dayandırılmasıdır (bloklanmasıdır).
3) suisidlər üçün ümumi stimul dözülməz psixi ağrıdır.
4) intihar zamanı ümumi stressor frustrasiya olunmuş ümumi tələbatlardır.
5) ümumi intihar emosiyası acizlik-ümidsizlikdir.
6) intihara ümumi daxili münasibət ambivalentlikdir.
7) intihar zamanı psixikanın ümumi vəziyyəti koqnitiv sferanın daralmasıdır.
8) intihar zamanı ümumi davranış qaçışdır (aqressiya).
9) intihar zamanı ümumi kommunikativ hərəkət öz niyyəti haqqında xəbərdir.
10) suisidlər üçün ümumi qanunauyğunluq həyatda davranışın ümumi üslubu
təşkil edir. [4, səh. 12].
Suisid fenomeni əksər hallarda psixoloji böhran haqqında təsəvvürlərlə
əlaqəlidir. Bu mənada, psixoloji böhran xarici qıcıqlandırıcıların yaratdığı
təhlükələrin insan psixikasına təsiri nəticəsində emosional balansın pozulması kimi
nəzərdən keçirilir. A.Q.Ambrumova hesab edir ki, psixoloji böhran fərdin əhəmiyyətli
tələbatlarının frustrasiyasını və bu frustrasiyaya spesifik şəxsi reaksiyanı özündə
ehtiva edir. Müəllifin fikrincə, "intihar təhlükəsi" gələcəyin konstruktiv
planlaşdırılması qabiliyyətinin kəskin şəkildə zəifləməsi ilə müəyyən edilir.
Psixoloji konsepsiya suisidal davranışı sosial-psixoloji və ya fərdi amillərlə izah
edir. Hər şeydən əvvəl, intihar həyatın mənasının itməsi ilə bağlıdır. V.Frankl
göstərirdi ki, bununla bağlı ekzistensional həyəcan zamanı ümidsizlik, boşluq və
mənasızlıq hissi, günahkarlıq hissi yaşanır. İntihar halında həyat məğlubiyyətlə
Sədirova Nərmin Cumay qızı
294
nəticələnir. Nəticədə intihar edən ölümdən qorxmur – o həyatdan qorxur, V. Frankl
belə hesab edirdi.
A.Q.Ambrumova və bir sıra başqa tədqiqatçılar suisidal davranışı mikrososial
konflikt şəraitində şəxsiyyətin sosial-psixoloji dezadaptasiyasının nəticəsi kimi
qiymətləndirir. [1, səh.10]. Z.Freyd hesab edirdi ki, şəxsiyyətlərarası konfliktlərin
başlıca mənbəyi insan psixikasına əvvəlcədən xas olan şüur və şüursuzluq, dolaşıq
instinktiv meyllərlə əxlaq və hüquq normalarının tələbləri arasındakı konfliktdir.
A.Adler şəxsiyyətin mikromühitlə konfliktlərinin məzmununu fərdin natamamlıq və
birinin digəri üzərində üstünlüyü hissindən qurtulmaq cəhdlərində görürdü. [1,
səh.13].
Sosial-psixoloji dezadaptasiya orqanizmin və mühitin uyğunsuzluğu kimi,
müxtəlif səviyyədə və müxtəlif formalarda görünə bilər. Müəllif məhdudlaşdırıcı
(patoloji olmayan) və transformasiya edici (patoloji) dezadaptasiyanı fərqləndirir. Bu
formalardan hər biri parsial (hissəvi) və total (ümumi) ola bilər. Adaptasiya,
ümumiyyətlə, canlı sistemlə xarici şərait arasında uyğunluğun olmasıdır.
Dezadaptasiya anlayışı isə orqanizmlə mühit arasısında uyğunsuzluğun müxtəlif
dərəcə və keyfiyyətlərini əks etdirir. Tam uyğunluq inkişafı sürətləndirir, tam
uyğunsuzluq isə həyat fəaliyyəti ilə bir araya sığışmır. Bu iki qütb arasında yerləşən
aralıq vəziyyətdə olan sistemlər üçün isə həm adaptasiya, həm də dezadaptasiya
terminləri eyni dərəcədə qəbul edilir.
A.Q. Ambrumova suisidal davranışı xarakterizə edərək situasiya reaksiyalarının
bir sıra tipini ayırmışdır:
1. Emosional disbalans reaksiyaları. Əhval-ruhiyyənin ümumi fonunun
zəifləməsi, diskomfort hissinin yaranması, həyəcanlılıq səviyyəsinin qeyri-iradi
olaraq artması ilə səciyyələnir.
2. Pessimistik situasiya reaksiyaları ilk növbədə əhvali-ruhiyyənin, dünyagö-
rüşünün, fikirlərin və qiymətləndirmənin, dəyərlər sisteminin yenidənqurmasındakı
dəyişikliklərlə xarakterizə olunur.
3. Mənfi balans reaksiyaları – bu situasiya reaksiyalarıdır, rasional "həyat
nəticələrinin yaxınlaşdırılması", keçilmiş yolun qiymətləndirilməsi məzmununu
özündə ehtiva edir.
4. Demobilizasiyanın situasiya reaksiyası – əlaqələr sahəsində ən kəskin
dəyişikliklərlə fərqlənir: adət edilmiş əlaqələrdən imtina ilə səciyyələnir.
Z.Freydin suisid haqqında təsəvvürləri insanın iki əsas meylinə
əsaslandırılmışdır:
-Eros – həyat instinkti;
-Tanatos - ölümün instinkti.
İnsan həyatı bu iki instinkt arasındakı döyüş sahəsidir. İnsan yalnız yaşamaq,
sevilən olmaq və öz uşaqlarını böyütmək istəyi ilə yaşamır, həmçinin ölümün
arzuolunan olduğu dövrlər və ruhi vəziyyətlər olur. Yaş artdıqca Erosun gücü azalır,
amma Tanatos daha güclü, inadkar. Freydə görə, intihar Tanatosun dağıdıcı təsirinin,
yəni aqressiyanın təzahürüdür.
Dostları ilə paylaş: |