Suisidal davranış konsepsiyalarına dair
295
Karen
Xorni güman edirdi ki, insanlar arasında qarşılıqlı münasibətlərin
pozulması nevrotik konfliktlər yaradır. İnsanlar nevrotik situasiyalarda tənhalıq,
köməksizlik, asılılıq və düşmənçilik hisslərini yaşayır. Bu fenomenlər suisidal
davranışın əsası ola bilər. Konfliktlər zamanı düşmənçilik hissləri aktuallaşır, K.
Xorni hesab etdiyi kimi, "dağıdıcı meyllər insanın özünə yönəlmişdir". [8, səh.665]
Amerika psixoanalitiki H.S.Salliven suisidə özünün şəxsiyyətlərarası ünsiyyət
nəzəriyyəsi nöqteyi-nəzərindən baxırdı. Fərdin özünüqiymətləndirməsi ətrafdakı
insanların ona münasibətindən yaranır. Bunun sayəsində onda üç "Mən" obrazı əmələ
gələ bilər: "yaxşı Mən", əgər başqaların münasibəti təhlükəsizliyi təmin edirsə, "pis
Mən", əgər mühit həyəcan və ya başqa emosional pozuntular doğurursa və "qeyri-
Mən": bu hal ruhi nasazlıq və ya suisidal situasiya zamanı baş verir. Həyat böhranları
və ya şəxsiyyətlərarası konfliktlər fərdi "pis Mən" obrazında
uzunmüddətli
mövcudluğa məhkum edir və əzab, diskomfort mənbəyinə çevrilir.
Suisidal davranışı proqnozlaşdırmağa imkan verən əsas amillərdən biri kimi
şəxsiyyətin fərdi-psixoloji xüsusiyyətlərinin öyrənilməsi xüsusi maraq doğurur
(S.P.Korolenko, A.L.Qalin və b.). A.Q.Ambrumova, E.M.Vrono suisidal davranışlı
yeniyetmələrin xüsusiyyətlərini
tədqiq edərək göstərmişlər ki, onların əksəriyyəti
üçün səciyyəvi cəhət impulsivlikdir: bütün suisidentlər üçün davamlı olmayan
emosionallıq və çılğınlıq xasdır ki, bunlar da əsasən suisidal davranışla nəticələnən
konfliktli situasiyaların çox olması ilə izah edilə bilər. Suisidal davranışlı
yeniyetmələrin çoxu üçün təlqinə yüksək meyllilik səciyyəvidir [2, səh. 179].
İntihar davranışının mənbəyində həyəcan və başqa emosional yaşantıların rolunu
humanist psixologiyasının nümayəndələri (R. Mey, K. Rocers və başqaları) də
vurğulayırdılar. və R. Meyə görə, həyəcan varlığın ekzistensional
təzahürü və insan
həyatında ən əhəmiyyətli konstruktiv gücdür. O, həyəcanı"yoxluqla varlığın görüşü"
və "azadlıq və insanın real mövcudluq paradoksu" hesab edirdi.
K.Rocers güman edirdi ki, həyatın əsas tendensiyası mühitlə başqa insanların
qarşılıqlı təsirində formalaşdırılan "Mən"in aktuallaşdırılması, saxlanması və
gücləndirilməsindən ibarətdir. Əgər "Mən"in strukturu rigiddirsə, onda ona müvafiq
olan şəxsiyyətin həyat təhlükəsi kimi qəbul edilən real
təcrübə təhrif olunur və ya
inkar edilir. [8, səh.666]
Əgər insan onu tanımırsa, o özünü "qaranlığa salır". Onda arzu olunmayan
təcrübə "Mən"dən müsadirə olunur, reallıqla əlaqəni itir. Beləliklə, "Mən" əvvəlcə
şəxsi təcrübəsinə etibar etmir, nəticədə özünə etibar tamamilə yox olur.
Bu bütövlükdə
tənhalığın dərk edilməsinə səbəb olur. Özünə inam itir, həyata nifrət yaranır, ölüm
ideallaşdırılır, bu isə suisidal tendensiyalar doğurur.
Seyr suisidal davranışın əsasında dayanan hissləri təhlil edərək intiharın dörd əsas
səbəbini müəyyən etmişdir:
-təcrid etmə hissi (səni heç kim anlamır, səninlə heç kim maraqlanmır hissi ilə
xarakterizə olunur) ;
köməksizlik hissi (insana elə gəlir ki, həyata nəzarət
edə bilmir, heç nə ondan
asılı deyil);
Sədirova Nərmin Cumay qızı
296
ümidsizlik hissi (insana elə gəlir ki, gələcək qabaqcadan yaxşı heç nə vəd etmir);
şəxsi əhəmiyyətsizlik hissi (aşağı özünüqiymətləndirmə, özünü günahlandırma
hissi ilə səciyyələnir). [7, səh.154]
Qeyd olunan tədqiqatçıların işləri nəzərdən keçirilərkən müşahidə olunur ki,
tədqiqatçıların əksəriyyəti suisidal davranışı yaşanılan
konfliktlər şəraitində
şəxsiyyətin sosial-psixoloji dezadaptasiyası kimi nəzərdən keçirirlər. Bunun
nəticəsində suisid ekstremal situasiyalarda insanın davranış variantlarından biri kimi
özünü göstərir.
İSTİFADƏ EDİLMİŞ ƏDƏBİYYAT
1. Abbasbəyli A.N., Darabadi P.Q., İbrahimov Ə.G., Konfliktologiya. Bakı,
2006. – 251 səh.
2. Cavadov R.Ə., Tağıyeva G.B.Ekstremal şəraitlərdə psixoloji xidmət. Ali
məktəblər üçün dərslik. Bakı, 2006, 258 səh.
3. İsmayılov N.V., İsmayılov F.N. Tibbi psixologiya və psixoterapiya (dərslik),
II nəşr, Bakı, 2008. - 416 səh
4. Алимова М.А. Суицидальное поведение подростков: диагностика,
профилактика, коррекция. Барнаул, 2014. – 100 с.
5. Говорин Н.В., Сахаров А.В. Суицидальное поведение: типология и
факторная обусловленность. – Чита : Изд-во «Иван Федоров», 2008. - 178 с.
6. Дюркгейм Э. Самоубийство: Социологический этюд. - М.: Мысль, 1994.-
399 с.
7. 3мановская Е.В., Рыбников В.Ю., Девиантное поведение личности и
группы: Учебное пособие. - СПб.: Питер, 2010. - 352 с.
8. Малкина-Пых И. Г. Психологическая помощь в кризисных ситуациях. –
М.: Изд-во Эксмо, 2008. – 928 с.
9. http://ncpz.ru/lib/1/book/55/chapter/20
10. http://www.aquarun.ru/psih/extrem/extrem13.html
Suisidal davranış konsepsiyalarına dair
297
XÜLASƏ
Məqalədə suisidal davranışın təsnifatı, ayrı-ayrı yanaşmalar çərçivəsində suisidal
davranışın tədqiqi (Z.Freyd, E.Dürkheym, A.T.Ambrumova, V. Frankl, R. Mey, K.
Rocers və başqaları) nəzərdən keçirilir. Suisidlər üçün tipik olan şəxsiyyət
xüsusiyyətləri qeyd olunur. Suisidal davranış şəxsiyyətin
sosial-psixoloji
dezadaptasiyasının nəticəsi kimi nəzərdən keçirilir.
РЕЗЮМЕ
В статье рассматриваются различные классификации суицидального
поведения, исследования суицидов в рамках различных подходов (З. Фрейд, Э.
Дюркгейм, А.Т. Амбрумова, В. Франкл, Р. Мей, К. Роджерс и др.). Были
отмечены типичные черты суицидальной личности. Суицидальное поведение
было рассмотрено как результат социально-психологической дезадаптации.
SUMMARY
The main issues discussed in the article are classifications of suicidal behavior,
researches of suicides within different approaches (S. Freud, E. Durkheim, A.T.
Ambrumova, V. Frankl, R. May, C. Rogers etc.). The main features of suicidal
personality were mentioned. The suicidal behavior was considered
as a result of socio-
psychological disadaptation.
Çapa tövsiyə etdi: p.e.d. R.Qədirova