_____________ Milli Kitabxana_____________
118
Ən geniş yayılmış ritm xira-nori (“səlis oxuma”) adlanır.
Tünori (“orta oxuma”) və onori (“böyük oxuma”) digər iki
ritm tipidir.
Noh teatrında demək olmaz ki, musiqi müşayəti var.
Musiqi vokal partiyaları ilə vəhdət təşkil eləmir, lakin onlara
zidd də getmir. Burada musiqi tam müstəqil şəkildə mövcuddur,
tamaşanın və tamaşada oxunan mətnin yaraşığıdır, bəzəyidir.
Yaponiyada Noh “orkestri” “xayasi” sözü ilə bildirilir. Bu
“orkestr” uzunluğu 37.5 sm. olan bir fleyta və üç təbildən
ibarətdir. Fleyta bambuk ağacının müxtəlif növlərindən
hazırlanır: bu alət üç hissəlidir, geydirilmə prinsipi üzrə
quraşdırılır. Beləliklə, bir fleytada üç bambuk ağacı təmsil
olunur. Fleytada “yeddi üstəgəl iki” nisbətində dəliklər var.
Kotsucumi dayça, otsucumi və ya okava öküz dərisindən
çəkilmiş təbillərdir. Onların sağanağı gilənar ağacından kəsilir.
Boğuq, küt səslər birinciyə, cingiltili, gur səslər ikinciyə
məxsusdur. Taykonu isə qoşanağara kimi çubuqlarla çalırlar.
Noh teatrında “ciutayi” adlanan və tərkibinə, bayaq
dediyimiz kimi, 8-10 nəfər adam daxil olan xor səhnədə iki
cərgə ilə əyləşir. Onların hər birinin yanında bükülü yelpik olur.
Nəğmə oxunuşundan öncə xor üzvləri yelpiklərini açıb yuxarı
qaldırırlar: sonradan yelpiyi qatlayıb təzədən yerə qoyurlar.
Musiqiçilərin və xor üzvlərinin üzü tamaşa boyu sanki maska
kimidir, statikdir, ifadəsizdir. Noh teatrında hər bir pyesin
səhnələnmə müddətinin 30 dəqiqədən 70 dəqiqəyədək
uzanması mümkündür və bu, seyrçi tərəfindən adi hal kimi
qavranılır. Yapon mədəniyyətinin sehrli dünyası Noh
teatrının səhnəsində güzgülənir.
_____________ Milli Kitabxana_____________
119
7. Noh teatrında aktyor tərbiyəsi
Bütün dediklərimizdən aydın olur ki, rolun səhnə rəsmi,
nitqin, oxumaların xarakteri öncədən aktyora məlumdur və o,
yalnız təklif edilən şərtlərin dəqiq icraçısıdır. Burada aktyorun
əsas vəzifəsi yugeni bəlirtmək, onu görümlü etməkdir. Yugen
məxfi mənadır, dramın daxili atmosferinin cövhəridir. Noh
teatrında ideya da emosional yaşantı vasitəsilə açıqlanır.
Yugenin səhnə təcəssümü üçün hər aktyorun öz bənzərsiz
üslubu var. Bu bacarıq bir növ ruhi improvizədir. Ceami bunu
XANA, yəni “çiçək” adlandırıb. Bu əfsanəvi aktyorun “Üslub
çiçəyi haqqında rəvayət” (üslubun cövhəri kimi başa düş)
risaləsi də aktyorun səhnədə yugeni təcəssüm etdirmək
yollarını aşkarlamağa həsr olunmuşdur. “ÇİÇƏK” (cövhər)
sənətkar məharətinin, ustad dəst-xəttinin simvolik terminoloji
bildiricisidir. Bu elə bir haldır ki, yolu gedə-gedə məxfi
mənanın tam dərkinə gəlib çıxırsan.
Ceaminin teatr nəzəriyyəsi əsasında artıq XV yüzildə
aktyor hazırlığından ötrü dəqiq sistem mövcud idi. Yaponiyada
teatr məktəbləri
“MƏKTƏB-EVLƏR” timsalında
formalaşmışdı. Hər məktəb-evin ustadı, böyüyü, başçısı vardı
və o, hər hansı bir konkret Noh truppasının oyun ənənələrini,
repertuarını gənc nəsillərdən ötrü qoruyub saxlayan əcdad
qismində qavranılırdı. Son zamanlara qədər Noh teatrında
aktyorluğun sirləri, hər məktəbə xas təkrarsız xüsusiyyətlər
varislik prinsipi üzrə nəsildən-nəslə ötürülüb. Aktyorluq yapon
mədəniyyəti şəbəkəsində heç vədə peşə sayılmayıb; onu
həmişə həyat yolu, həyat tərzi kimi anlayıblar. Gündoğan
ölkəsində sənətkarlıq heç bir vaxt fərdin fiziki və mənəvi
kamilliyindən kənarda təsəvvür edilməyib. Burada da aktyorun
tərbiyə üsulu
“USTAD - ŞAGİRD”
prinsipinə söykənir. Şagird
_____________ Milli Kitabxana_____________
120
hər gün dəfələrlə ustadın görsətdiyini təkrar etməlidir: o,
haradasa Şərq əlbyaxa dö- yüşünü öyrənən idmançıya bənzəyir.
Təlim prosesinin heç bir mərhələsində aktyordan rolun analizi,
obrazın, xarakterin psixoloji təhlili tələb olunmur. Sənətçi
gündəlik təkrarlar zamanı intuitiv şəkildə duymalıdır ki, ona
konkret şəraitdə nə lazımdır. Aktyora bu vaxt intellektdən
faydalanmaq məsləhət görülmür. Burada hər şeyin başlanğıcı
duyumlar, yaşantılardır. Aktyor rolu öz körpəsitək içində
böyütməlidir və onu sənət dünyasına bu vərəsəliklə
gətirməlidir. Yəni rol aktyorun varisidir. Ceami üçün bu halət
“kurai”dir, ləyaqətin bildiricisidir.
KURAİ
zahirən aktyorun
mütləq sükunət vəziyyətilə onun intensiv daxili həyatının
birgəliyinin, vəhdətinin işarəsidir. Noh teatr məktəblərinin əsas
məqsədi aktyora dünyanı intuitiv tərzdə qavramaq, dərk etmək
bacarığını aşılamaqdır. Təlim-tərbiyə prosesində etik məsələlər
də ön planda dayanır, həya, şərəf, qürur hissi olduqca üstün
tutulur. Şagirdlər bu məktəblərdə asketik həyat tərzi keçirirlər
və taleyin onlar üçün seçdiyi
AMPLUANI
ləyaqət duyğusu ilə
qəbul etməyi öyrənirlər. Bu o deməkdir ki, Yapon Noh
teatrının ənənəsinə görə vaki personajlarını oynamış aktyorun
ailəsində doğulmuş uşaq heç vaxt site kimi səhnəyə çıxa
bilməz. Həqiqi ustad məharəti öz sənətinə daimi xidmət zamanı
meydana gəlir. Noh aktyoru üçün ən pis cizgi özbaşnalıq və
müştəbehlik sayılır. Dünya mədəniyyətində Noh teatrının
tərbiyə sistemini “aktyorluğun yoqası” adlandırırlar. Ona görə
də Ceami yazırdı ki, insan həyatı sonlu, sənətkarlıq isə
sonsuzdur. Məhz bu yöndən Noh aktyorunun sənətinə yanaşan
Ceami onun həyatını, yəni sənətçi ömrünü 7 dövrə bölür:
1) 7 yaşından 12-13 yaşınadək;
2) 12-13 yaşından 18-ə qədər;
3) 18-dən 25 yaşınadək;
4) 25-dən 35 yaşına kimi;
5) 35 yaşından 45-ə qədər;
Dostları ilə paylaş: |