Fəlsəfə və sosial-siyasi elmlər – 2011, № 2
- 156 -
anlatdıqları bir-birinin eynidir”. İlk baxışda fikir çox cazibədar görünür.
Hərə öz vasitələri və imkanları ilə eyni bir gerçəkliyi anladırsa, son nəticədə
eyni həqiqətlərə gəlib çıxa bilər. Lakin, fəlsəfə ilə poeziya doğrudanmı əks
qütblərdə dayanırlar? Və doğrudanmı eyni həqiqətlərə gəlirlər? Məsələ bu-
rasındadır ki, poeziya insanın müəyyən bir məqamda keçirdiyi hissləri ifadə
etməkdən o tərəfə getmir. İnsan həyatının hər bir anını bir şeirlə təcəssüm
etdirsək, bu həyat həmin şeirlərin toplusundanmı ibarət olacaqdır, yoxsa hər
şey bu toplama qaydasından, yəni hansı istiqamətdə toplamaqdanmı asılı
olacaqdır? Müəyyən bir anda keçirilmiş acı hisslər başqa bir andakı xoş
duyğularla kompensasiya olunurmu? Əgər arifmetik qaydalardan çıxış et-
sək, həyatın müsbətləri ilə mənfiləri toplanaraq yekunda sıfır verməzmi?
Bəs nə müsbət, nə də mənfi emosiya keçirməyən, həmişə sıfır vəziyyətində
dayanan biganə və buz kimi soyuq adamların həyatı nədir? Bu sıfırla o biri
sıfırın fərqi nədən ibarət olacaqdır? İnsanın həyatının mənası anların toplan-
ması iləmi, yoxsa anlar içərisində bir anlamı müəyyən olunur? Biz burada
iki fərqli toplanma qaydası ilə üzləşmiş oluruq. Ənənəvi riyaziyyata görə,
insanın ömrü yaşadığı anların toplusudur. Bu baxımdan, insan həyatının (ye-
kun) mənası da müxtəlif anlardakı mənaların məcmuyudur. Amma Əbu
Turxan fəlsəfəsində başqa bir toplanma qaydasından istifadə olunur: topla-
nanların cəmi mütləq qiyməti ən yüksək olan toplanana bərabərdir. Yəni,
həyatın mənası da hansı isə bir andakı mənaya bərabər olacaqdır. O anda ki,
həyat öz daxili potensialını ən yüksək səviyyədə təzahür etdirə bilir.
Həyatın ən lirik anı!
Həyatın ən müdrik anı!
Həyatın ən çılğın anı!
Həyatın matrisasında onun müxtəlif keyfiyyətləri içərisində ən yüksək
məqamlar öz əksini tapmalıdır. Yəni, biz həyatı birölçülü deyil, çoxölçülü
fəzada nəzərdən keçiririksə, onda hər bir koordinat oxu üzərində ancaq zir-
vələr matrisaya daxil edilməlidir. Müxtəlif zaman anlarına səpələnmiş mə-
na. Təzahürlərin müxtəlifliyi müxtəlif zaman anlarının da bir araya gətiril-
məsini tələb edir.
Fəlsəfi esselər
- 157 -
Dünyanın mənası
Dünyadakı şeylərin və hadisələrin hər birinin mənası ilə yanaşı bütöv-
lükdə dünyanın da ümumi bir mənası vardır. Əslində kiçiklərin həqiqəti
üçün meyar daha böyük olanın həqiqətidir. Hissənin ahəngi bütövün ahəngi-
nin bir parçası olmalıdır. Bütövlə uzlaşmayan hissə öz mühitinə yad olmaq-
dan başqa öz təbiətindən, ilkin ahəngindən də uzaqlaşmışdır.
Dünya sanki universal bir zəka ilə idarə olunur. Dünyanın ahəngi bu
universal zəkanın məntiqidir. Öz iradəsi, fərdi maraqları olmayan və özü
üçün, öz kiçik mühiti üçün tama xəyanət etməyən, ona qarşı getməyən cisim
və hadisələr ümumi ahəngi pozmurlar. Universal ahəng o zaman pozulur ki,
hansı isə lokal sahələrdə universal Zəka alternativ zəkalar, universal İradəyə
alternativ iradələr peyda olur. Əslində yer üzərində belə alternativ zəka və
iradəyə sahib olan yalnız insanlardır. Və deməli, insanlar həmişə seçim qar-
şısındadırlar. İnsan ya öz kiçik zəkaları və iradələri ilə hərəkət edərək dün-
yanın ahənginə, universal Zəkaya meydan oxumalı, Fələklə çilik-toxmaq
oynamalı, ya da dünyanın ahəngini və bu ahəngin əsasında duran universal
Zəkanı mənimsəyərək öz fəaliyyətini ona uyğunlaşdırmalıdır.
Min illər boyu insan zəkası qarşısında duran ən böyük vəzifələrdən
biri məhz dünyanın ahəngini, onun qanunauyğunluqlarını öyrənmək və öz
fəaliyyətində bunları nəzərə almaq olmuşdur. Bu dünyada insan iradəsi üçün
də, onun azad fəaliyyəti üçün də meydançalar saxlanmışdır. Və insan öz
azadlığının çərçivəsini müəyyənləşdirə bilmək üçün əvvəlcə dünyanın zəru-
rətini dərk etməlidir. Və Spinozanın məşhur “azadlıq dərk olunmuş zəru-
rətdir” kəlamı da insan-dünya münasibətlərindəki bu məqamı nəzərdə tutur.
Heraklit insanlara təbiətlə həmahəng olmağı tövsiyə edirdi. Mark
Avrelinin məşhur duasında isə belə deyilirdi: “Ey dünya, məni də öz
ahəngindən ayırma”.
Təbiətin, dünyanın ahəngi əslində həm də zərurətdir. Lakin dünya
çoxpilləli, iyerarxik quruluşa malikdir. Hər bir şeyin öz daxili strukturu, da-
xili aləmi olmaqla bərabər, ətraf aləmi, mühiti də vardır. Avenariusun prin-
sipial koordinasiya nəzəriyyəsinə görə, dünyada istənilən münasibətə mər-
kəzi element və onu əhatə edən mühitin münasibəti kimi baxmaq olar. Məhz
Fəlsəfə və sosial-siyasi elmlər – 2011, № 2
- 158 -
bu kontekstdə insan özü də mərkəzi elementə çevrilir: “Mən” və “qeyri-
Mən” münasibəti də insan-mühit sistemi kimi nəzərdən keçirilir. Sadəcə
olaraq mühit çox müxtəlif miqyaslarda götürülə bilər: bilavasitə mühit və bu
mühitin özünün daxil olduğu mühitlər şəbəkəsi. İkinci halda yaxın mühit
mərkəzi element kimi götürülür və böyük mühit mühit üçün mühitə çevrilir.
Həyatın mənası
İndi elə bir dövrdə yaşayırıq ki, bütün fəaliyyət sahələrində
ixtisaslaşma gedir və hər bir sahənin daha optimal təşkilatlandırılması,
fəaliyyətin daha səmərəli olması üçün müvafiq araşdırmalar aparılır.
İnsanın özünü dərk etməsi haqqında çox yazılıb. Lakin “öz”ün özü də
differensiallaşmalı və müxtəlif rakurslarda nəzərdən keçirilməlidir. Belə ki,
insan ailənin bir üzvü kimi, cəmiyyətin bir üzvü kimi işlədiyi sahədə
kollektivin bir üzvü kimi və s. ayrı-ayrı keyfiyyətlərlə səciyyələnir. Əlbəttə,
belə bir yanaşma da ola bilər ki, insanın sosial özünüdərki, siyasi
özünüdərki, bir mütəxəssis kimi özünüdərki, bir övlad kimi, bir valideyn
kimi, ...özünüdərki çıxıldıqdan sonra yerdə yenə də bir “öz” qalırmı?
İnsan sanki müxtəlif radiuslu konsentrik çevrələrin mərkəzindədir.
Yaxın mühit, bir az daha böyük çevrədəki mühit, nəhayət, bütün ölkə, bütün
planet, bütün kainat...və bu kainatdan kənarda insanı gözləyən daha böyük
əbədi bir həyat – o dünya.
İnsan üçün mühit onun öz güzgü əksi də ola bilər. Güzgüyə baxıb
düzlənər və süslənər.
İnsan üçün mühit başqa bir şəxs də ola bilər. Ona baxıb düzlənər, ona
baxıb süslənər, özünü onun istəklərinə uyğunlaşdırar. Onun zövqü həyat
meyarına çevrilər.
İnsan üçün mühit qonu-qonşu, məhəllə, kənd, el-oba ola bilər. Yaxud
işlədiyi şöbə, idarə, institut, bütün kollektiv ola bilər.
İnsan üçün mühit bütün şəhər və ya ölkə, bu ölkədə qəbul olunmuş
adət-ənənə, həyat tərzi və s. ola bilər. Ölkə miqyasında dövlətin qoyduğu
normativlər, hüquq sistemi və s. də mühitə çevrilir. Yəni insan bunları
Dostları ilə paylaş: |