19
Strategiyaning maqsadi tez kunda foydani maksimallashtirish, oz foyda bilan
kanoat qilgan holda o‘z bozorini kengaytirish
yoki rakibni bozordan sikib
chiqarish, yangi bozorga asta-sekin kirib borish kabi masalalarda harakat yo‘llarini
belgilashdan iborat. Strategiyaga qarab kurash taktikasi (usuli va shakllari)
tanlanadi.
Firmalar raqobatning bir usulidan asta-sekin boshqa usuliga o‘tishi yoki bir
yo‘la turli usullarni qo‘llashi mumkin. Masalan, Xitoy firmalari sifati past bo‘lsa-
da, arzon tovarlar chiqarib, narx raqobati yo‘lidan, G‘arbiy Yevropadagi firmalar
narxi yuqori bo‘lsa-da, sifatli tovarlarni taklif etish yo‘lidan boradilar,
chunki
G‘arbiy Yevropada aholining harid qobiliyati Xitoyga qaraganda ancha yuqori.
Yangi industrial davlatlardagi (Tayvan, Gonkong, Singapur, Koreya Respublikasi)
firmalar ham sifat, ham narx vositasida raqobatlashuvga moyil. Bu mamlakatlarda
yuksak texnologiya mavjud va ishchi kuchi malakali bo‘lsada, arzon turadi.
Natijada mavjud afzalliklar harajatlarni pasaytirgan holda, sifatli tovar chiqarish
imkonini beradi. Bunga misol qilib Koreyaning “Samso‘ng elektronik”
kompaniyasi bozorga chiqaradigan televizorlarni va DEU korporatsiyasi
avtomobillarini olish mumkin. Ular raqobatbardosh bo‘lganidan
jaxon bozoriga
shiddat bilan kirib bormokda.
Raqobatga har xil yondoshuv O‘zbekistonda ham bor. Masalan, Toshkent
bozori uchun ishlovchi firmalar ham narx, ham sifat raqobatini qo‘llashi mumkin,
bu shaharda aholining boy qatlamlari borki, ular uchun narxga ko‘ra
tovarning
sifati afzalroq, ayni vaqtda aholining kamquvvat qismi ham borki, ular uchun
tovarning arzon bo‘lishi muhim. Nukus va ayrim boshqa
shaharlardagi firmalar
ko‘p xollarda narx raqobatiga moyil bo‘ladilar, bu yerda aholining harid
qobiliyatiga ko‘ra arzon tovarlar raqobatbop hisoblanadi.
Raqobat qo‘l qovushtirib o‘tirishga yo‘l qo‘ymaydi, u kurash bo‘lganidan
hammani harakatga, yaxshi ishlashga undaydi.
Raqobat bozor iqtisodiyotini harakatga keltiruvchi mexanizm, uni olg‘a
eltuvchi kuch hisoblanadi.
Raqobatdagi iqtisodiy tanlov tamoyiliga ko‘ra iqtisodiyot ishtirokchilari
saralanadi, yaxshi
ishlagan firma boyib boradi, yomon ishlagani sinadi, yopiladi
yoki kuchli firmalarga qo‘shilib ketadi. Raqobatga bardosh bera olmagan firmalar
zarar ko‘radilar, o‘z majburiyatlari bo‘yicha pul to‘lay
olmay koladilar, ya’ni
bankrot xoliga tushadilar.
Bozor iqtisodiyotining ilk belgilari paydo bo‘lishi bilan unga xos raqobat
ham yuzaga keladi. Iqtisodiyot rivojiga mos holda raqobatchilik munosabatlari
ham takomillashib boradi. Bozor raqobati tarixan 4 bosqichdan o‘tadi.
Dostları ilə paylaş: