87
ЕПИК
ТЯЩКИЙЯНИН
ИМКАНЛАРЫ
urayadək verdiyimiz müxtəsər açıqlama da bir daha
təsdiq edir ki, Ə.Cavad bir şair kimi ən çox lirik janr
sahəsində fəaliyyət göstərmişdir. Onun istedadı bu sahədə özünün
daha artıq təzahür etdirmiş, məhəbbət lirikası, siyasi lirika, süjetli
lirika nümunələrilə şair Azərbaycan poeziyasında özünə layiq
şərəfli yer tutmuşdur. Az sözlə incə hiss və duyğular, böyük fi-
kirlər ifadə etmək, dil və təsvir gözəlliyi, aktuallıqla uzun ömür-
lülüyün vəhdəti onun lirikası üçün səciyyəvi keyfiyyətlərdəndir.
Lakin şairin yaradıcılığı təkcə lirik əsərlərdən ibarət deyil, o, epik
janr sahəsində də işləmiş və qiymətli yaradıcılıq uğurları əldə et-
mişdir. “Sən ağlama, mən ağlaram!” kitabında “Həyat həyatdır
yenə!” ümumi başlığı altında şairin üç poeması çap olunmuşdur.
“Səsli qız”, “Kür”, “Pambıq dastanı”. Kitabın həmin bölməsində
“Şərqi” adı altında bir parça ayrılmış və o da yanlış olaraq müs-
təqil poema kimi təqdim olunmuşdur. Əslində isə bu parça “Səsli
qız” əsərinin baş qəhrəmanının oxuduğu mahnının mətnidir. Mə-
nim qənaətimə görə “Səsli qız” mükəmməl süjet əsasında qurul-
B
88
muş epik poema, “Kür” və “Pambıq dastanı” isə lirik poemalar-
dır.
Xalqın istiqlaliyyət uğrunda mübarizəsi Ə.Cavadı bütün
şüurlu ömrü boyu düşündürən və uğrunda həyatını qurban verdiyi
bir qayə olmuşdur. Əlimizə çatmış poemalarının həcmcə ən bö-
yüyünün də bu qayəyə xidmət etməsi, bu mövzuda yazılması
tamamilə təbii və qanunauyğundur.
“Səsli qız”ın ekspozisiyası onun baş qəhrəmanının şərəfinə
mədhiyyə kimi düşünülmüşdür. Bu qızın səsi şairin nəzərində
dünyadakı səslərin ən gözəlidir. Bir qədər sonra, konflikt özünün
ən gərgin, böhranlı vəziyyətinə çatanda, biz bu məlahətli səs sahi-
binin, həm də el yolunda canından keçməyə hazır olan bir qəhrə-
man kimi ucaldığını görəcəyik. Əsərin ikinci bölməsindən başla-
yaraq Saranın bu məsul addımı atması üçün ilkin şərait hazırlanır.
Şair qədimlərdə amansız bir hökmdarın qonşuluqda yerləşən əha-
lisi az, ərazisi kiçik bir ölkəyə hücum edərək orada törətdiyi vəh-
şiliklərdən söz açır. Düşmənin altı aylıq mühasirədən, təxribat və
qırğın əməliyyatlarından sonra burada, Saranın vətənində qan
dizə çıxmışdır. Başsız qalmış minlərcə ailə qaçqın və didərgin
düşmüşdür. Burada yadellilərin törətdiyi cinayətlərin sayı-hesabı
yoxdur. Zalım padhaş öz rəqibi olan padşahın ordusunu deyil,
şairin təbirincə, “insanlığı əzmişdir”, yəni insanlığın əsas tərkib
hissəsi olan əxlaqa, mənəviyyata qarşı ağır cinayət işləmişdir. Bu
da özünü hər şeydən əvvəl onda göstərmişdir ki, paytaxt şəhə-
rinin süqutunun səhəri günü yadelli şah öz qələbəsini bayram et-
mək eşqinə düşmüş və hər yerdə ağlamağı, hıçqırmağı, ah-naləni
qadağan etmişdir. Onun iradəsincə hamı mütləq gülməlidir, istəsə
də, istəməsə də. Yalnız cansız təbiət, bir qism insanın (zalımların)
başqa bir qism insanların (məzlumların) başına gətirdiyi faciədən
xəbərsizdir. Ona görə də heç bir şey olmayıbmış kimi, yenə də
günəş çıxıb həmişəki dəstgahla öz şüalarını ətrafa yaymış,
89
çiçəklər gur ləçəkləri ilə bu şüaların qoynunda xumarlanmağa
başlamışdır. Zalımlar zor işlədərək qəhr etdikləri şəhərin əhalisini
zahirən də olsa “gülümsəməyə”, “şadlanmağa” vadar edirlər.
Tacirbaşılar, yüksək vəzifə sahibləri şahın paltarının ətəklərindən,
corabından öpmək üçün bir-birinə macal vermirlər. Şah mərmər
sütunlu qəsrdə eyş-işrətə dalır. Poemanın qəhrəmanı səsli qız
Sara xaqana təqdim olunur. Lakin Sara çoxlarının gözlədiyi kimi
bu yadelli müstəbidin ehtiraslarını qıdıqlayan sözlərdən yox, öz
qəlbinin dərinliklərindən süzülüb gələn vətən deyimlərindən
ibarət mahnısını oxuyur, elin-obanın düşdüyü müsibətlərdən nalə
çəkir.
Mən ki, səndən doymamışdım,
Quş qonmağa qoymamışdım,
Bir almanı soymamışdım,
Kim sənə kəc baxdı, bağlar?!
Bağçalarda qırmızı nar,
Qırmızı qan güllərin var;
İyləməkdən doymamış yar,
Gəldi şimşək çaxdı, bağlar!..
Qazlarının boynu bükük,
Ördəyinə can ağır yük,
Çaldı şahmar, tozladı tük,
Gör nə qanlar axdı, bağlar?!
Darğınam mən belə baxta,
Ürəyim qan, laxta-laxta.
Bax ki, kimlər çıxdı taxta,
Küsdü kimin baxtı, bağlar?!
90
Çıxmamış gün, atmamış dan,
Qanlı bir toz qalxdı yoldan.
Qoç igidlər oldu qoldan,
Qanlı kəfən taxdı, bağlar!
Bəlkə də həyatında axırıncı olacaq bu mahnıdan sonra
mövcud qaydaya görə xaqana mey təqdim edən Sara rəqqasələrin
işə başladığı şaşqınlıq məqamından istifadə edərək iti bir hərəkət-
lə badəyə zəhər tökür. Xaqan öz cəzasına çatır. Adamlar bu təka-
na bəndmiş kimi, həyəcana gəlib xaqanın özünü itirmiş silahdaş-
larına həmlə edir, böyük qurbanlar bahasına da olsa, şəhəri-məm-
ləkəti öz istiqlalına qovuşdururlar. Poema Saranın - səsli qızın
şərəfinə qoşulmuş oynaq, şən mahnı ilə bitir.
Burada zalımlığı özünə peşə etmiş xaqan, ona yaltaqlanan
saray adamları, bəzi din xadimləri, təcavüzə məruz qalmış xalqın
nümayəndələri müəyyən konkret cizgilərlə təqdim edilsələr də,
şairin ilhamının əsas işığı Saranın üstünə yönəldilmişdir. Proloq-
dan başlamış epiloqa qədər, kütləvi qırğın səhnələrini və onlarla
təzad təşkil edən təbiət mənzərələrini çıxmaq şərtilə, poemada
əsas yer tutan Sara bütün hadisələrin mərkəzində durur. Yadelli
işğalçıların zalımlığı, xaqanın kultu, saraydakı bəzi hadisələr
məhz Saranın qəhrəmanlığının həqiqətən də fövqəladə bir hərəkət
olmasını əsaslandırmaq üçün fon səciyyəsi daşıyır. Bu priyom
yaxşı düşünüldüyü və əsərin kompozisiyasında müvafiq yerini
tapdığı üçün səmərəli çıxmışdır. Elə bu yolda da şair öz əsas ya-
radıcılıq qayəsinə nail olmuş, xalq səadətinin, istiqlalın həyatda
heç nə ilə əvəz oluna bilmədiyi ideyasını oxucusuna aşılaya
bilmişdir. Bu keyfiyyətlərinə görədir ki, “Səsli qız” 20-30-cu
illərdə yaranmış Azərbaycan poemaları içində, Sara isə həmin
əsərlərdə canlandırılmış bədii obrazlar arasında öz layiqli yerini
tutur. Mənzərənin tamlığı naminə bunu da qeyd edək ki, vaxtilə