121
mübadiləsində bilavasitə iştirak edir, oksidləşmə-reduksiya reaksi-
yalarında nizamlayıcı rolu oynayır. Zülalların sintezində, karbohid-
ratların yarpaqlardan nəql edilməsində müstəsna əhəmiyyətə malik-
dir. Bor ölmüş orqanlarla birlikdə bitkidən kənarlaşır. Onun yaşlı
yarpaqlardan nəqli qeydə alınmır. Odur ki, bitkilərin borla qidalan-
ması davamlı olmalıdır. Qumsal torpaqlarda humus az olduğundan
burada bor elementinin qıtlığı çox müşahidə olunur. Şabalıdı, qara
və podzol torpaqlarda bor normada olur.
Qələvi reaksiyalı torpaqlardan bor tez yuyulduğu üçün burada
bor çatışmazlığı daha qabarıq nəzərə çarpır. Qələvi torpaq metalları
(Ca, Mg, Ba) tərəfindən Bor daha çox mənimsənilir. Odur ki, bu
elementlərin üstünlük təşkil etdiyi gillicəli torpaqlarda bor çatışmaz-
lığı daha qabarıq görünür.
Torpaqda bor çatmadıqda bitkilər mis, manqan, alimünium ele-
mentlərinin zəhərləyici-toksiki təsirini azaldır və mənimsənilə bilən
formaya salır, bitki tərəfindən dəmirin və kalsiumun mənimsənilmə-
si çətinləşir. Bitkilərin müxtəlif göbələk və bakteriya mənşəli xəstə-
liklərə yoluxmasını gücləndirir. Bor bitkilərin təbii immunitetinin
yüksəldilməsində, xəstəlik və zərərvericilərə qarşı davamlılığının
artırılmasına kömək edir. O, fitonsidlərin sintezində iştirak edir, bu
antiseptik maddələr xəstəlik törədicilərinə öldürücü təsir göstərir.
Bor elementinin manqan, sink və dəmirlə birgə verilməsinin
şəkər çuğundurunun Peronosporoz xəstəliyinə davamlılığının art-
ması Ukrayna alimləri tərəfindən 1956-cı ildə qeyd olunmuşdur. İlk
dəfə mikroelementlərin bitkilərin xəstəliklərə qarşı davamlılığının
artırılmasında istifadəsi 1913-cü ildə K.Spinks və F.Çirikov tərə-
findən məlumat verilmişdir.
Bor elementinin bitkilərin xəstəliklərə qarşı davamlılığının artı-
rılmasında əlavə yemləmə kimi istifadəsinin səmərəli olması üzrə
çoxsaylı elmi tədqiqat işləri aparılmışdır. Keçən 100 il ərzində bo-
run bitkilərin fizioloji proseslərində aktiv iştirak etməsi, torpaq və
yerüstü yemləmələrdə istifadəsinin boy və inkişafa, məhsuldarlığa
müsbət təsiri çoxsaylı alimlər tərəfindən aparılmış tədqiqatların
nəticələri ilə təsdiq olunmuşdur.
122
Müasir dövrdə borun qida rejimində əhəmiyyəti xüsusilə seçi-
lir. İstehsal olunan kompleks mikrogübrələrin tərkibində bor qa-
rışığı xüsusi yer tutur. Bu elementin mədəni əkinçilikdə istifadəsi bu
gün bütün sahələrdə, o cümlədən taxıl, meyvə, kartof, şəkər çuğun-
duru, tərəvəz bitkiləri və texniki bitkilərin becərilməsi zamanı əlavə
yemləmə gübrəsi kimi aqrofona daxil edilmişdir. Bitkilərdə bor ça-
tışmazlığının aradan qaldırılmasında Borat, Borit turşuları və onun
duzlarından istifadə edilir.
2010-2011-ci illərdə AzETBMİ-nin Abşeron Təcrübə Stansiya-
sında aparılmış təcrübələr göstərmişdir ki, örtülü sahədə pomidor
bitkisinin immunitetinin yüksəldilməsi məqsədi ilə Aqat-25 K pre-
paratının istifadəsi yüksək səmərəliliyi ilə seçilir. 3 indolil sirkə tur-
şusunun, alanin və qlutamin turşularının, Bacillus subtilis antoqo-
nist bakteriyasının və kompleks mikroelement qarışığından ibarət
olan preparatın tərkibində bor elementi də iştirak edir. Mikroele-
mentlərin kompleks tətbiqi hazırda bitkilərin başlıca tələbatının bir
əməliyyatla təmin edilməsinə yönəlmişdir. Hazırda inkişaf etmiş
nanotexnologiyaların çiləmə prosesinə tətbiqi bitkilərin fizioloji
proseslərdə tələb etdikləri elementlərlə təminatının yerüstü orqan-
lara bilavasitə verilməsinə xidmət edir. Bu sırada bor aclığı ilə
yanaşı digər makro və mikroelementlərlə bitkilərin əlavə yemlən-
dirilməsi daha səmərəlidir. Makro və mikroelement qarışıqlarından
Bravo-P, Bravo-K, Elfer-Kombi, Biototal, Sprinter və başqaları
hazırda açıq və örtülü sahədə bor və digər başlıca elementlərin
çatışmazlığına qarşı uğurla tətbiq olunur.
Torpaqda, qida mühitində və bitkilərdə bor çatışmazlığını aradan
qaldırmaq üçün bor turşusunu 0,1%-li məhlulu, Boro Plyus prepa-
ratının 0,1%-li məhlulu ilə bitkiləri vegetasiya dövründə çiləmək və
yaxud 0,1-0,2 qr/kq hesabı ilə torpağa və ya substrata qarışdırmaqla
tətbiq etmək səmərəli olmuşdur (Şəkil 63).
123
Sink çatışmazlığı
Sink (Zn) çatışmadıqda, yarpaqlara yaşıllıq verən xlorofilin
miqdarı azalır. Bunun nəticəsində yarpaqlarda rəngsizləşmə mey-
dana gəlir. Bitki karbohidratlarının sintezi geriləyir, bitki ümumi
inkişafdan qalır. Bəzən yarpaqlar tamamilə ağarır. Yuxarı yarus
hissədə olan yarpaqlar qalmasına baxmayaraq aşağı yarus yarpaqları
tez qocalır və tökülür.
Sink bitkilərin zülal mübadiləsində iştirak edən fermentlərin
tərkibinə daxildir. Onun çatışmazlığında oksidləşmə-reduksiya pro-
sesində tarazlıq pozulur, karbohidratların mübadiləsi ləngiyir. Azo-
tun mənimsənilməsində aktiv iştirak edir. Sinklə qidalanma bitki-
lərin yaz və ilk yayda intensiv inkişaf dövründə daha yaxşı səmərə
verir. Belə ki, bitkinin təpə tumurcuqlarının intensiv inkişafında
azotun çatdırılmasına yardım edir. Vegetasiyanın sonunda və qış sü-
kunət dövründə sink bitki daxilində demək olar ki, yayılmır. Bu
xüsusiyyəti nəzərə alaraq, tərkibində sink olan kompleks mikro-
elementlərdən ibarət kökdənkənar yemləmə gübrələri yazda zoğ-
ların inkişafa başladığı dövrdə çiləmə metodları ilə verilməlidir.
Çiləyicilərin püskürtdüyü işçi məhlul yarpaq üzərinə düşərkən du-
man şəklində olarsa, bitki tərəfindən mənimsənilmə maksimuma ça-
tar. Havada olan su dənəciklərinin ölçüləri nə qədər kiçik olsa, işçi
məhlulun tərkibində olan mikroelementlər və başqa maddələr bitki
yarpaqları tərəfindən bir o qədər tez və itkisiz mənimsənilər.
Ağır torpaqlarda becərilən bitkilərdə sink çatışmazlığı daha çox
müşahidə olunur, bitkilərin kök sisteminin inkişafı çətinləşir. Hu-
musla az təmin olunmuş, gillicəli və qumsal torpaqlarda sink ele-
mentinin qıtlığı daha çox müşahidə edilir. P.A.Ark ağır sinkin bitki-
lərlə yanaşı yaşayan mikroorqanizmlərin də qida elementləri sıra-
sına daxil olduğunu və bitkilərlə rəqabət apardığını öyrənmişdir .
Belə ki, torpaqda yaşayan bakteriya və göbələklərin sinkə tələbatı
çox olduğundan, bitkilərdən qabaq torpaqda mənimsənilən sinki
daha çox qəbul edir. Bununla da sink bitkilərdə çatışmır. Bunun
aradan qaldırılması üçün hər il yazda və ilkin yayda çoxillik bitki-
Dostları ilə paylaş: |