426
Fədakarlığa çatdırırsan.
Vüqara çatdırırsan.
Xeyirxahlığa çatdırırsan.
Müqəddəsliyə çatdırırsan.
Ədalətə çatdırırsan.
Cürətə çatdırırsan.
Heyrətə çatdırırsan.
Məhəbbətə çatdırırsan.
İnsanlaşırsan, insanlaşdırırsan...
2. MÜQƏDDƏS QİSMƏT
Ömrünü Ruhaniyyata həsr edən – Mənəviyyatını Maddiyyat
əsarətindən qorumalıdır.
Ömrünü Ruhaniyyata həsr edən – Mənəviyyatını Şər əsarətindən
qorumalıdır.
Müqəddəs Yaşayış şərtləri:
I. Minimal güzəran: Zəruri olanla kifayətlənmək,
Zəruri olmayanı çirkab saymaq, ömürdən silmək.
II. Minimal Varidat: Zəruri olanla kifayətlənmək,
Zəruri olmayanı çirkab saymaq, ömürdən silmək.
III. Minimal Vəzifə: Şərlə qaynayıb-qarışmamaq,
Şərə sərf olunmamaq.
IV.Minimal Rütbə: Şərlə qaynayıb-qarışmamaq,
Şərə sərf olunmamaq.
3. MÜQƏDDƏS MƏRASİM
Evlənməyin məqsədi Müqəddəsliyin Sabaha çatdırılmasıdır.
I. Evlənənlər Atanın Xeyir-Duasını alır, Ata qarşısında Ailə Sədaqətinə
And içirlər.
II. Gəlinin Ər Evinə gətirdiyi Varidat – Qeyrətdir. Cehiz ləyaqətsizliyinə
son qoyulmalıdır.
Ruhaniliyi maddiyyatla ölçmək Qəbahəti lənətlənməlidir.
III. “Qız Sahibinə” Maddi Bəxşiş verilməsi – gəlinin əşyalaşması,
əmtəələşməsidir. Həmin murdarlıq Evlənmə Mərasimindən silinməlidir.
IV. Keyf Məclisi Evlənmə Mərasiminin Ülvi ciddiyyətinə yaddır. Həmin
Bayağılıq Mərasimdən silinməlidir.
Valideynlər, Qohumlar, Dostlar Evlənənlərin görüşünə gəlir, onlara
ürək sözləri yetirir, Ailə Müqəddəsliyi diləyirlər.
V. Ailə Ev kimi tikilir, Ağac kimi bitir. Ailənin Bənnası və Bağbanı –
Evlənənlərdir.
427
4. ÖZÜNÜİDARƏ SƏLAHİYYƏTİ
Təşkilatların,
İdarələrin,
Zorakı
və
Yalançı
Qaydaların
Hakimiyyətini Formal saymaq və tədricən Rədd etmək.
(Formal saymaq – Yəni İnamdan, İdrakdan, Mənəviyyatdan,
İradədən kənar etmək. Rədd etmək – yəni əleyhinə çıxmaq,
damğalamaq, ifşa etmək).
5. HÖRMƏT HAQQI
Vəsiqəyə, vəzifəyə, varidata hörmət – Günahdır.
Yalnız Ruhani Ləyaqət – Hörmətə Layiqdir:
Kamillik, Tamahsızlıq, Fədakarlıq, Vüqar, Xeyirxahlıq, Müqəddəslik,
Ədalət, Cürət, Heyrət, Məhəbbət.
6. MÜQƏDDƏS TƏLİM
Müasir Rəsmi Təlim İnsanı Xeyirdən uzaqlaşdırır, Şərlə barışdırır,
İnamsızlaşdırır,
İdraksızlaşdırır,
Mənəviyyatsızlaşdırır,
İradəsizləşdirir.
Rəsmi Təlim insanlara Bilik vermir – Vəsiqə verir.
Müqəddəs Təlim – Ata məktəblərində Müqəddəs Kitablar əsasında
aparılır.
Həmin Məktəblər İnsan hazırlayır.
Orada İnsanlaşmaq Elmi öyrədilir, İnsanlaşma səviyyəsi qazanılır.
7. ATA TƏQVİMİ
8
Tarix Ata Təqvimi əsasında – 1979-cu ilin mart ayından
hesablanır.
1 mart 1979-cu il – Ata Təqvimi ilə belə olacaqdır:
1 Günəş (I ay) 1-ci il.
8
Mütləqə İnam Ocağının Ruhani Başçısı Safruhun 23 Söngü (Qürub) 34
(23.8.2012)-ilsıralı Ruhsal Bəlgəsiylə günsıradakı ay və gün adları türkcələşdirildi.
İndi Ata-Ocaq günsırası belədir:
Aylar: 1.Günəş, 2.Çiçək, 3.İşıq, 4.Közərti (Şölə), 5.Od, 6.Söngü (Qürub),
7.Ata, 8.Solğun (Xəzan), 9.Yağış, 10.Sərt, 11.Qar, 12.Köçəri.
Günlər: 1.Dilək (Arzu), 2.Gözlək (Ümid), 3.Dözüm, 4.Uyum (Mərhəm),
5.Bölək (Qismət), 6.İstək (Murad), 7.İnam.
428
AYLAR:
1. Günəş – mart, 7. Ata – sentyabr,
2. Çiçək – aprel, 8. Xəzan – oktyabr,
3. İşıq – may, 9. Yağış – noyabr,
4. Şölə – iyun, 10. Sərt – dekabr,
5. Od – iyul, 11. Qar – yanvar,
6. Qürub – avqust, 12. Köçəri – fevral.
HƏFTƏNİN GÜNLƏRİ:
I. Arzu – bazar ertəsi,
II. Ümid – çərşənbə axşamı,
III. Dözüm – çərşənbə,
IV. Mərhəm – cümə axşamı,
V. Qismət – cümə,
VI. Murad – şənbə,
VII. İnam – bazar.
XALQLAŞDIRMAQ – XALQLAŞMAQ!
(SAFRUHUMA, SADİQİMƏ, ƏSİLİMƏ)
Müqəddəs Fəaliyyətə başlayırsınız!
Ruhani Səfərə çıxırsınız!
Daxilinizdəki Mütləq sizə Yar olsun!
ATA HÖKMÜ
1.Müqəddəs Kitablar əsasında Amal – Vətən ideyasıyla
yaraqlanırsınız.
Kitabları hələlik aparmırsınız, İdeyanı aparırsınız.
2.Müqəddəs Fəaliyyəti – Mənəviyyatsızlıq, Ləyaqətsizlik, Özgələşmə
bəlasının şərhiylə başlayırsınız.
Həyatımızda Yadlıq fəlakətinin dəhşətli yırtıcılıq, harınlıq, əxlaqsızlıq,
xurafat uçurumu yaratdığını göstərirsiniz.
Cavanların yamanlığa hədsiz meylini, ziyalıların işıqsızlığını, xalqın
çirkab selinə düşməsini anladırsınız.
Formal xalqa çevrilmək təklükəsinin gerçəkliyini söyləyirsiniz.
Ruhani Müqavimət İdeyasını irəli sürürsünüz (“Əməl” Əsasında).
3.Fəaliyyətin ikinci Mərhələsində Yüksək Ruhani Səviyyədə Ata
haqqında,
Atalıq
Haqqında,
Hərəkatımızın
Məqsədi,
Mahiyyəti,
Bənzərsizliyi
haqqında
Müqəddəs
Söz
söyləyirsiniz, Münasibət
yaradırsınız. (Ünvan ünsiyyətinə qədər).