PAYLAMA LOGİSTIKASI. MƏSƏLƏLƏRİ VƏ FUNKSİYALARI. PAYLAMA LOGİSTIKASININ ƏSAS QAYDALARI Paylama logistikası − maddi axının müxtəlif topdansatış alıcıları arasında
bölgüsü prosesində, yəni, malların topdan satışı prosesində reallaşdırılan qarşılıqlı
əlaqəli funksiyalar kompleksidir. Paylama logistikası marketinqlə təyin edilən və
stimullaşdırılan tələbatın təmin olunması ilə məşğul olur. Logistikada pərakəndə
satış prosesinə, bir qayda olaraq baxılmır.
Logistikanın başqa sahələrinə uyğun olaraq paylama logistikasına da mikro və
makrosəviyyələrdə baxmaq olar.
Mikrosəviyyədə paylama logistikası aşağıdakı məsələlərlə məşğul olur: → təchizatçının anbarından hazır məhsulun yüklənməsi;
→ reallaşdırma prosesinin planlaşdırılması;
→ sifarişin almasının və yerinə yetirilməsinin təşkili;
→ qablaşdırmanın növünün seçilməsi, komplektləşmə haqqında qərarın qəbul
olunması, yükün boşaldılmasından bilavasitə əvvəl gələn başqa əməliyyatların icra
edilməsinin təşkili;
→ məhsulun boşaldılmasının təşkili;
→ çatdırılmanın və daşıma prosesinə nəzarətin təşkili;
→ satışdan sonrakı xidmətin təşkili.
Makrosəviyyədə paylama logistikasının fəaliyyət spektri daha genişdir. Onun
fəaliyyət sahəsinə maddi axının istehsalın sona çatma anından istehlakçının
anbarına daxil olmasına qədər bütün hərəkət prosesi daxildir.
Makrosəviyyədə paylama logistikasının məsələlərinə aşağıdakılar aiddir: → maddi axının paylanma sxeminin seçimi;
→ xidmət edilən ərazidə paylama mərkəzlərinin (anbarların) optimal sayının
təyini;
40
→ xidmət edilən ərazidə paylama mərkəzlərinin (anbarın) optimal yerinin
təyini, həmçinin rayonun, vilayətin, ölkənin, materikin və ya bütün yer kürəsinin
ərazisi üzrə maddi axının hərəkəti prosesinin idarə edilməsi ilə bağlı bir sıra başqa
məsələlər.
