320
qoyublar. Çünki dünya sularında güzgülənmə effekti
var. Nağıllarda, miflərdə belə-belə inancların
rudimentləri o qədərdir ki...
Hərçənd müsəlmanın kölgə və ya güzgü qarşısında
xristian və ya məcusi qədər qorxusu yoxdur. Müsəlman
üçün kölgə oyunu ilk növbədə əyləncədir, sonsuz
həzzdir, şadyanalıqdır. Yaxın və Orta Şərqin islam
əqidəsilə yaşayan məmləkətlərində saray əhli də bu
oyuna böyük həvəslə baxıb, meydan əhli də. Hələ mən
dünyanın seyrinə çıxmış əcnəbi elgəzləri (səyyahları)
demirəm. Həqiqətən, mömin müsəlman bəndə kölgəyə çox
sakit və real münasibət bəsləyir. Niyə? İslam aləmində
bütün sualların cavabını Qurandan, sünnədən və
hədislərdən tapmaq mümkün. Quranın “ən-Nur”, “Fatir”,
“əd-Dəhr” surələrində kölgə sözü cənnət lövhələrinin
təsvirilə bağlı işlədilir və heç vaxt mistik məna
bildiricisi kimi vurğulanmır. Burada kölgə cənnətin,
cənnət ağaclarının ruha zövq, dad, ləzzət, verən
əlamətidir (əgər Muhamməd peyğəmbər kölgəyə, bəzi
islam üləmalarının dediyi kimi, cinlərin, şeytanların
yığışdığı, toplaşdığı yer kimi baxsaydı, Quran
cənnətdə möminlərə kölgəni rəva bilərdimi?). Bu
surələrdə kölgə işığın yox, istinin, alovun, qızmarın
qarşıdurumu kimi anlaşılır. İşığın oppozisiyası kimi
kölgə neqativdədir, istinin qarşıdurumu kimi isə
pozitivdə. Axirət dünyasında müsəlmanlara pis əməllərə
görə isti (odlu cəhənnəm), yaxşı əməllərə görə kölgə
(sərin cənnət) vəd edilir. Onda belə çıxır ki, Qurana
görə kölgə (sərin) mömin bəndələrə behişt
hədiyyəsidir, cənnət mükafatıdır. Adları çəkilmiş
surələrin kontekstində kölgə sərinlik, dincəlmək üçün
guşə, rahatlıq, asudəlik,
əbədi həzz və kef
anlamlarının semantik ardıcıllıq cərgəsini özündə
qapsayır. Bu baxımdan demək olar ki, Quranda kölgənin
sırf məişət planında bildirdiyi real, konkret mənalar
saxlanılır, daha doğrusu, həytatdakı kölgəlik effekti
bütövlükdə cənnət situasiyasının üzərinə köçürülür. Bu
məqamda hər cür yozum, şərh absurdlaşır. Həqiqətən,
321
Quran gerçək həyat şəraiti əsasında ideal cənnət
situasiyasını modelləşdirir. Məgər YII yüzildə bədəvi
ərəb üçün səhranın qızmar günəşi altında kölgədən və
sudan daha xoş, daha əziz, daha ləzzətli ayrı bir
nəsnə ola bilərdimi? Ona görə Quran ayələrində kölgə
və su (axar çaylar) cənnətin əbədi kefinə bir işarə,
bir eyham kimi qavranılır. Quranda kölgəyə pozitiv
münasibət belə: yəni orada mistika ilə bağlı heç nə
yox.
Lakin bununla birlikdə Quranın “əl-Vaqiə”, “əl-
Mursəlat” kimi surələrində kölgə neqativ mənalar
şəbəkəsində təqdim edilir. Burada kölgə cəhənnəmi
səciyyələndirir artıq: o, nə rahatlıq bəxş edir, nə də
sərinlik; bir kimsəyə də həzz vermir. Çünki cəhənnəmdə
təsvirlənən kölgə duman, tüstü kölgəsidir, cəza
komponentidir. Onu zülmət ekvivalenti kimi də qavramaq
mümkündür, isti səhranın bürküsü kimi də: yəni Quran
kontekstində kölgə cəhənnəm situasiyasında belə bədəvi
ərəbin gerçək dünyası ilə öz ilişkilərini itirmir.
Susuz səhrada bürkü ərəb üçün zülmdür, cəhənnəm
əzabıdır: ərəb ən çətin günlərini bürküdə yaşayır.
Dediyim odur ki, Quran kölgəni bəzi surələrdə cəhənnəm
atributu kimi görükdürsə də, ona heç bir mistik
mənalar qoşmur. Hətta mən belə deyərdim ki, Quran
ayələrində xatırladılan kölgənin müəllifi “cənab”
SƏHRADIR. Cənnət və cəhənnəm üçün kölgə obrazı
səhranın fakturasından götürülüb, ərəbin səhra
həyatından imitasiya edilib.
Elə bu məqamdaca bir həqiqəti üzləmək gərəkdir.
Məsələ bu ki, Quranda təqdim olunan kölgə qavrayışı
ilə müsəlman mentallığında mövcud kölgə qavrayışı üst-
üstə düşmür. Qurani-Kərimdə kölgə ilə əlaqədar heç bir
fəlsəfi, dini-kulturoloji açıqlama verilmədiyi halda
islamın fikir işçiləri kölgə ilə ilişikli intellektual
oyunlarda bulunmağı sevirlər, kölgəyə mistik don
geydirirlər, onu Quranda olmayan əlavə əlamət və
xassələrlə “mükafatlandırırlar”. Müsəlman mentallığı
kölgəni olum, yaşam nişanəsi bilir. Nədən mən bu
322
nəticəyə gəlirəm? İslam mədəniyyəti çərçivəsində
müsəvvirlərə, yəni rəssamlara canlı varlıqların
şəklini çəkmək yasaq edilir və onlara ağac, yarpaq,
gül təsvirləri (nəbati naxışlar) üzərində işləmək
məsləhət görülür. Səbəb də budur ki, müsəvvir şəklini
çəkdiyi canlını qiyamət günü dirildə bilməyəcək və
Allahın qəzəbinə düçar olacaq. Hərçənd bununla da
məsələ bitmir. Müsəlman müsəvvirliyi icazəli etmək
üçün yeni yollar (priyomlar və üsullar) axtarıb tapır.
İslam dünyasında rəssamın peşəsini əlindən almamaq,
onu potensial günahdan qorumaq üçün müsəvvirə şəklini
çəkmək istədiyi hər hansı bir canlını (insan, quş,
heyvan, balıq) ya birgözlü, yəni profildən, ya başsız,
ya da kölgəsiz rəsm etmək tövsiyə olunur.
8
Deməli,
kölgəsi itmiş hər hansı bir canlı artıq ölüdür,
potensial meyitdir. Kölgəsiz olan bütün nəsnələr
maddilikdən məhrumdur. Şərq miniatürlərində bir dənə
də olsun kölgə yoxdur. Bu, miniatürdən görünən
dünyanın qeyri-maddiliyinə, virtuallığına,
kitabvariliyinə bir işarədir.
Axı söz də
kölgəsizdir!!! Bu da belə bir anlama gəlir ki,
müsəlman kölgəsizliyi cansızlıq əlaməti sayır. Quranda
isə buna oxşar heç bir şey yoxdur: yalnız sufi
yozumlarında kölgə mistik mənalar çənbərində zühur
edir.
Əgər xristian öz kölgəsinə ehtiramla “cənab
kölgə” deyib müraciət edə bilirsə, müsəlman bundan
çox-çox uzaq gəzir. Elə ona görə də müsəlman kölgə
teatrının pərdəsi üzərinə proyeksiya edilən təsvir-
kölgələrin hoqqabazlığına uğunub gülüb, onlarda özünü,
qonşusunu, bazar meydanında gündəlik alverlə məşğul
baqqalı, zərgəri, mirzəni,
əttarı tanıyıb, bu
tanışlıqdan xoşhallanıb, sevinib, şənlənib. Yəni
mistik heç nə. Çünki müsəlman bir qayda olaraq kölgə
teatrına adi seyrçi marağı ilə yanaşıb, onu heç vaxt
ciddi qəbul eləməyib kölgədən qorxmayıb, onu
mistikləşdirməyib.
Əgər müsəlmanın kölgəyə
münasibətində, hətta bir anlığa belə, ciddilik
Dostları ilə paylaş: |