314
çevrilmə sığortalanmayıb. Güzgü mənə əksdə, yəni
inikasda, yəni məndən dışarıda, yəni virtuallığın
qapısında məni görmək imkanı bəxş edir. Əslində isə
“əks” deyilən bir şey yalnız kölgənin işıqllandırılmış
görkəmidir. O mənada ki mənim qənşərimdə dayanmış
əksim mənim işıqda aydınlaşmış kölgəmdir. Kölgə bütün
yozum variantlarında virtuallığın təmsilçisidir.
Güzgüdə kölgə mənə artıq mənim yox, özünün virtual
görünüşünü tanıtdırır. Qəribədir, fotoşəkilləri də
kölgələrin (neqativlərin) üzündən çıxarırlar.
Neqativlər insanların kölgələrini “tutub” saxlayırlar.
İnsan şəkilə dönməmişdən öncə obyektiv vasitəsilə
kölgələşdirilib fotoapparatın içinə “salınır”. XIX
əsrin “ayaqlı” və “çadralı” fotoapparatları ilə ilk
dəfə qarşılaşan eskimosların tayfa başçısı
fotoapparatın
əksetdirici qurğularına proyeksiya
edilmiş adam kölgələrini görərkən qorxub şaşırmışıdı.
Qışqırmışdı ki, “qaçın, dağılışın, o, bizim
ruhlarımızı qutuya yığıb”.
3
Çox simptomatikdir və
ruhun, kölgənin, güzgünün qohumluğunu sanki bir daha
xatırladır, gündəmə gətirir. Deməli, əslində, mənim
şəklim mənimki deyil, mənim kölgəmin surətidir. Mənim
şəklim mənim neqativə hopmuş kölgəmdən çıxarılır.
“Əks”, “kölgə”, “ruh”, “surət”... onların hamısının
cövhəri və təbiəti birdir, yalnız təzahür cildlərinin
hüsnünə görə adları başqa-başqadır.
Güzgüdə (fotoapparatda, kinokamerada) görünən nə
varsa, gerçəkdə mövcud olanın əsli yox, surətidir.
Güzgüdə mən heç vaxt mən olmuram. Yalnız işıq orada
məndən bir əks, bir əkiz yaradır. Fikir vermisinizmi,
bu əks bizə gah xoş görünür, gah da biz onu
bəyənmirik. Halbuki bütün variantlarda güzgünün
içindəki biz özümüzük. Amma bir məqamda var: güzgüdə
görünən mən deyiləm, mənim kölgəmin üzüdür. Güzgüdəki
surət mənim məhz kölgəmin əksi olduğu üçün onun heç
bir duyğusu, hissi yoxdur. Mənsizlikdə mən... qəribə
və eyməndirici...
315
Güzgüdəki əksim mənim bədən görkəmimi almış
kölgəmdir. Məsələ bu ki, əksin canı yoxdur. Kölgəyə də
can verilməyib. Kölgə də heç nəyi hiss etmir. Kölgə
mənim qara neqativdə olan əksim kimi bir şeydir. Kölgə
işığın kor köləsidir; yəni işıq necə düşdüsə, o da
eləcə oynayır və olsun ki, işıqla mənim ətrafımda
“rəqs edir”. Onun bütün iradəsi işığa tabedir. Bütün
kölgələrin tanrısı işıqdır. Doğrudanmı? Təbii ki,
kölgənin (və həmçinin əksin) görünməsindən ötrü gərək
mütləq işıq ola, kölgə salan obyekt ola və bir də
kölgənin düşdüyü yer. Bu bir aksiomdur, amma kölgə
üçün kifayət deyil. Nədən ki, zülmət (qaranlıq)
olmasa, kölgə bilinməz. Absolyut işıq kölgələri yox
eləyir. Elə buradaca Ortaçağ islam mədəniyyətinin
“dahi şeyxi”
4
İbn Ərabiyə əsaslansam, deyəcəyəm ki,
kölgə “nə işıqdır, nə zülmət”... yalnız onların ikisi
bir-birinə qarışanda kölgə yaranır. Kölgə işıqla
zülmətin sərhədində peyda olur. İşığın gözəlliyi,
alicənablığı nurdur, xiffəti, xəcaləti - kölgə. Kölgə
“mən”in metafizikasıdır. Təkcə zülmət (absolyut
qaranlıq) kölgələri “udur”, yox edir, onların olmaq,
görünmək şansını sıfra endirir. Əgər absolyut işıq və
ya absolyut qaranlıq içində kölgəm məni buraxıb
gedirsə, mənim onu özümünkü bilməyə ixtiyarım çatmır.
Deməli, kölgə mənim iradəmə tabe deyil. Kölgə kosmosla
(işıqla) xaosun (zülmətin) təmas zolağında mövcuddur.
Böyük mənada o, xaosun, neqativin əlamətidir. İnsan
qavrayışında da bu, belədir. Sosium da kölgəni pis
(əskik) bir şey kimi səciyyələndirir. “Kölgə
iqtisadiyyatı” iqtisadiyyatla cinayətkarcasına məşgul
olan, dövlətə ziyan vuran qurumun fəaliyyətini
eyhamlaşdırır. “Kiminsə kölgəsi olmaq” anlamı toplum
içrə kiminsə kiməsə yaltaqlıq etdiyini, ləyaqətini
itirdiyini, qürursuzlaşdığını, kiçildiyini bildirir.
“Gözü kölgəli” ifadəsi cəmiyyətdə kiminsə xəcalətli,
ayıblı, dili qısa, hörmətsiz olduğunu işarələyir.
Azəri türkləri ifrat ehtiyatlı şəxsi ələ salıb ona
“kölgəsindən qorxan Əhməd” deyirlər. Bir sözlə, toplum
316
kölgə ilə ilişikli nə varsa, hamısına qarşı mənfi
münasibətdədir. İnsanın psixi qavrayışı da kölgəni
urvartsız, zərərli bir nəsnə hesab edir. Buna səbəb
nə? Bəlkə insan kölgəsini öz rəqibi bilir? Bəlkə insan
kölgəni özünü müdafiə qabiliyyətindən məhrum aciz
sayır? Bəlkə insan kölgədə potensial təhlükə görür?
Cəhd eləyim, bir aydınlıq gətirim bu məsələyə. Kölgə
işıqda görünür, amma özü qaradır deyə, qaranlığı
təmsil edir. Bu baxımdan kölgə xaosun xof və vahimə
qarışıq vizual effektidir. Güzgünün gördüyündə və
göstərdiyində də gizli bir xof var. Bilirsiniz, bu
xofun müəllifi nədir?
Əlbəttə ki, SƏSSİZLİK.
Kölgələrin, ruhların, əkslərin səsi olmur. Səssizlikdə
potensial qorxu, xof, vahimə uyuyur. Səssiz adam isə
kölgə timsalındadır. Qəribədir, lallar, korlar və
karlar da kölgə kimi səssizdirlər. Elə buna görə də
normal adamlar həmişə onlardan ehtiyatlanırlar.
Səssizlikdə bir bilincsizlik, bir xaos, azman bir güc,
məxfilik yaşayır. Səssizlik qorxularla doludur. Hay-
küy içində şok yoxdur. Şok səssizlikdən gəlir. Kölgə
“mən”lə yaşayan o biri dünyanın, səssiz dünyanın, ölüm
dünyasının nümayəndəsidir. Bax, burada gizlənib xofun
mənbəyi, kölgənin mistikası. Məkan içrə ən sakit yer
qəbiristanlıqdır: insanlara həmişə elə gəlir ki,
kölgələr qəbiristanlıqdan gəlir, və oradaca qeybə
çəkilirlər. Amma bu, aldanışdır, nağıldır: nədən ki,
kölgə həmişə mənimlədir. Kölgə mənim ruhumun kosmik
şəklidir.
Bunu sufilərin dünya konsepsiyasından da duymaq
mümkün. Ortaçağ islam mədəniyyəti kontekstində
təsəvvüfə bənd olmuş dərvişlər güzgü və kölgəni
Yaranışın sirrini açan rəmz, işarə, eyham bilirdilər.
Sufilərə görə dünya Allahın kölgəsidir. Bu fikrin
fərqli bir paraleli də var: Allahın güzgüsü dünyadır.
Məqamı bir az daha gəlişdirək. XII-XIII əsrlərin
hərəsində təqribən 40 il yaşamış Muhiddin İbn Ərabinin
fəlsəfə “pəncərə”sində “Allah” anlayışı “işıq”
obrazından ayrı götürülür. Bu pəncərədə tanrı
Dostları ilə paylaş: |