10
Məşhur ingilis iqtisadçısı, klassik siyasi iqtisad məktəbinin yaradıcılarından
biri Adam Smit (1723-1790) sahibkarı fəaliyyətində gəlir əldə etmək istəyən
müəsissə mülkiyyətçisi kimi göstərirdi [90]. Bu iqtisad məktəbinin digər görkəmli
nümayəndəsi fransız iqtisadçısı Jan Batist Sey (1767-1832) isə sahibkar
funksionallığını istehsal şərtlərinin kombinasiyon uzlaşmasının təşkili ilə
bağlayırdı [88]. ngilis iqtisadçısı Kembric məktəbinin banisi Alfred Marşal (1842-
1924) və onun davamçıları sahibkarın təşkilatı funksiyalarına daha çox diqqət
yetirərək hesib edirdilər ki, müvafiq niyyəti arzu edən hər bir kəs sahibkar ola
bilər. Bunun üçün yalnız xüsusi sahibkarlıq bacarığına malikliklik yetərlidir [49].
Sahibkarlığa neoklassik istiqamətin ən görkəmli nümayəndələrindən biri avstriya
iqtisadçısı Yozef Aloiz Şumpeter (1883-1950) özünə məxsus bir şərh vermişdir.
Onun fıkrincə sahibkar kimi ayrıca insanla yanaşı, həm də müxtəlif şəxslər qrupu
da çıxış edə bilər. Burada şərt deyildir ki, sahibkar mütləq istehsal şəraitinin
mülkiyyətçisi olsun. J.Şumpetrinin fıkrincə sahibkar biznes subyekti rolunun
ifaçısına o zaman çevrilə bilər ki, işgüzar fəaliyyətə istehsal və tədavüldə əvvələr
tətbiq olunmayan üsul və mexanizmləri gətirsin [76]. ngilis iqtisadçısı Con
Meynard Keyniz (1883-1946) həm də sahibkarlara neqativ münasibəti ilə
fərqlənmişdir. Alimin fıkrincə insanların «pozitiv fəallığı» riyazi hesablamadan
deyil, daha çox özüyaranışlı optimizmdən asılıdır. Burada iqtisadi qərarlar intuitiv
olaraq qəbul edilir. O, həmçinin fond bazarında maliyyə vasitəçiləri və
investorların rolu diskreditiv münasibət bəsləyirdi [43]. Bu baxımdan qazanc əldə
etməyin (elə sahibkar fəaliyyətinin) daha çox bəxtə, uğura istinad etməsi dahi
Azərbaycan şairi Nizami Gəncəvinin əsərlərində əksini tapmışdır. «Bu cinayət
mənə çox eyləyir kar, hünərlə yox bəxtlə qazanılır var» [21].
Biznes və sahibkarlıqla bağlı tədqiqatlar « ndustrial cəmiyyət» nəzəriyyəsinin
banisi, empirik nəzəriyyə lideri, amerikan iqtisadçısı və sosioloqu, tam gerçək
mənada biznes fılosofu Piter Draker (1909) tətqiqatlarında müasirlik qazanmışdır.
P.Draker biznes menecmentdə situasiyon yanaşmanın əsaslarını formalaşdırmış,
düzgün idarəetmə qərarlarnın verilməsində mövcud vəziyyətin təhlilinə
11
arxalanmasını tövsiyə etmişdir. Onun fikrincə müasir industrial cəmiyyətin inkişafı
biznes və sahibkarlığın yüksəlişi ilə bağlıdır [80].
Biznes və sahibkarlıq fəaliyyəti hər bir ölkədə onun konsitusiyon quruluşuna
müvafiq normativ-hüquqi aktlar əsasında nizamlanır. Azərbaycan Respublikasında
biznes işi və sahibkarlıq fəaliyyəti müəssisələr, antiinhisar fəaliyyəti, investisi-
yalar, sahibkarlıq fəaliyyəti haqqında qanunlar və «Vergi məcəlləsi» ilə tənzim-
lənir [6, 7].
Müasir nəzəri elmi şərhdə sahibkarlıq bütün biznesdə olduğu kimi mənfəət
əldə etmək zəminində qurulan, şəxsi təşəbbüslərə və fərdi məsuliyyətə əsaslanan
məqsədyönlü fəaliyyət kimi səciyyələndirilir. O, mütləq olaraq innovasiya zəmində
sahibkar ideyası ilə bağlanılır. Bazar iqtisadiyyatı şəraitində sahibkarlar öz
fəaliyyətlərini dəqiq və səmərəli planlaşdırmadan, rəqabət «savaşı» üçün müvafiq
informasiyalar akumulyasiya etmədən, marketoloji tədqiqatlar aparmadan stabil
uğura nail ola bilməzlər.
qtisadi aktivliyin xüsusi forması kimi sahibkarlıq iqtisadiyyatın həm dövlət
və həm də özəl sektorunda reallaşır. Dövlət sahibkarlığının və biznesinin əsasını
geniş mənada informasiya, intellektual əmək məhsulları, qiymətli kağızlar, pul
resursları, istehsal vasitələri üzərində dövlət mülkiyyəti təşkil edir. Dövlət
sahibkarlığı dövlət və bələdiyyə orqanları tərəfindən onların əmlakı əsasında təsis
olunan müəssisələri əhatə edir. Belə müəsissələrin xarakterik xüsusiyyəti ondan
ibarətdir ki, onlar yalnız tabeçiliyində olan əmlakla öhdəlidirlər. Başqa sözlə
burada nə dövlət onların öhdəliklərinə və nə də müəssisələr dövlətin öhdəliklərinə
cavabdehlik daşımırlar. Özəl sahibkarlıq isə iqtisadi fəallığın özəl əmlak əsasında
qeydiyyatdan keşmiş fərdi əmək fəaliyyəti formasından ibarətdir. Yetərli fərq
xüsusiyyətlərinə malik olsalar da dövlət və özəl sahibkarlıq bir sıra prinsip və
əlamətlərinə görə ortaq oxşarlıqları bölüşürlər. Bununla belə hər iki situasiyada
dövlət sahibkarlıqla qarşılıqlı əlaqədədir. O, konyektur düzümdən asılı olaraq
sahibkarlıq prosesinə maneçilik göstərər, prosesdə müşahidəçi qismində çıxış edər
və ya işə təkan verməklə müxtəlif cür təsirlərə qatıla bilər.
12
Məqsəd hədəfini istehlakçını «fəth» etmək, özünün istehlakçılar həlqəsini
yaratmaq kimi funksionallıqlar əhatə edən sahibkarlığın ideya reallaşmasında
muzdlu işçilər çıxış edir. Onlar sahibkarlıq prosesinin subyektlər qrupuna aid
olaraq məqsədlər reallaşmasının səmərəliliyini və keyfıyyətini təmin edirlər.
Məlumdur ki, hər bir iqtisadi subyekt öz maraqları çevrəsindən çıxış edir. Sahibkar
və muzdlu işçinin də kommersiya fəaliyyətində planları üst-üstə düşməlidir. Lakin
burada fərqli anlar da istisna deyildir. Belə vəziyyətdə isə kompromis variantlar
axtarışına təşəbbüs olunur. Ümumiyyətlə isə kollektiv əməkdaşlıq olmadan heç bir
texnologiya faydalı və heç bir tapşırıq yerinə yetirilmiş sayıla bilməz. Sahibkar
qarşıya qoyulan məqsədləri insanlar vasitəsi ilə reallaşdırır və buna görə də
insanlar uğurun mərkəzi amilini təşkil edirlər.
Sahibkar çox geniş həlqədə «biznes» sözünün paronimi olan «biznesmen»
anlayışında da tətbiqini tapır. Bazar iqtisadiyyatı şəraitində formal surətdə
mülkiyyətçi olaraq biznesmen və ya sahibkar öz kapitalını artırmaqla yanaşı, eyni
zamanda mənsub olduğu ölkənin də milli sərvətini yüksəldən fəaliyyətə qatışır.
Azadlığın, riskin və imkanların məhz bu tərzdə təşəkkülü müasir bazar
iqtisadiyyatında işgüzarlıq ruhunun qorunması ilə müşaiyət olunaraq insanların
maddi rifahının yaxşılaşmasına ən geniş imkanlar açır [10, 75].
Beləliklə, aparılan təhlili müqayisələr göstərir ki, biznes və sahibkarlıq
anlayışları oxşar və eynicinsli olduqları qədər fəaliyyət müstəvilərində mümkün
yetərli fərqliliklərə də malikdirlər. Bununla belə tədqiqat mövzusunun predmetinə
uyğun olaraq biznesin sturutkuru ilə bağlı mühüm əlamət və məqamların açılış və
şərhinin verilməsi vacib sayılır.
Miqyas amilinə görə biznesi kiçik, orta və böyük fəaliyyət qruplarına
bölməklə fərqləndirirlər. Hər bir biznes qrupu məxsus olduğu maraqlar
çevrəsindən çıxış edərək uyğun iqtisadi davranış münasibətlərini şərtləndirən
əsasda fəaliyyətini tənzimləyir. Böyük biznes dövlətin iqtisadi və texniki gücünü,
möhtəşəmliyi və kompleksliliyi nümayiş etdirir. Adından göründüyü kimi, o
həcmcə daha üstün mövqedə dayanır. Vurğulanmalıdır ki, ölçü kateqoriyalarına
görə ayrılmaya məruz qalan biznesin sərhədləri nəzəri mülahizələrlə yanaşı, həm
Dostları ilə paylaş: |