25
formalaşmasını şərtləndirmişdi. Bu reallıqlardan irəli gələrək 1808-ci ildə Bakı və
Şirvan neft mədənləri iltizama verilmişdir. Lakin belə münasibət neft biznesinin
inkişafına ciddi müsbət təsir göstərməmişdir. Buna baxmayaraq, yüksələn tələblər
neft biznesini və həm də onun strukturuna müvafiq texnoloji korrektələr etmişdir.
Sonrakı məqamlarda tətbiq edilən iltizam sistemi özü artan neft tələbatını
ödəməkdə başlıca maneəyə çevrildi. Həmin illərdə Rusiya himayəsinə keçmiş neft
mədənlərində yaranmış iqtisadi münasibətlər imperiya xəzinəsinə kapital axını
üçün səmərəli sayılmamışdır. Səbəblər isə onunla bağlanılırdı ki, qısamüddətli
kirayəçilik qazma və hasilat işində sərmayə qoyuluşuna, texniki təkmilləşməyə
əngəllər törədir və neft ticarəti bazarındakı tələbləri dolğun ödəyə bilmirdi. Vəziy-
yətdən çıxış isə iqtisadi münasibətlərin təkmilləşməsini və yeniləşməsini diktə
edirdi. Buna görə də uzun sürən araşdırmalar 1872-ci ildə icarə sisteminin ləğvi
haqqında qərar ilə yekunlaşdı. Neftli ərazilər tamamilə özəl əllərə verildi. Belə hal
həm neft hasilatının texnoloji cəhətdən yenidən qurulmasını və həm də onun bey-
nəlmiləlləşən strateji kommersiya məhsuluna çevrilməsini təmin etdi [9, 11, 29].
Qeyd etmək lazımdır ki, sənaye-kommersiya təyinatlı yeni iqtisadi
münasibətlərin yaranışına qədər neft bəşər sivilizasiyasına başlıca olaraq işıq,
istilik enerjisi mənbəyi, əzcaçılıq məhsulu və tikinti materialı kimi xidmət etmişdir.
XIX əsrin sənaye inqilabları zamanında isə o, daş kömürün hegemonluğuna son
qoymuş, müasir iqtisadi həyatın, industrial inkişafın mühüm enerji daşıyıcısına
çevrilmişdir. Bütün bu sıçrayışlar neftin yeni mahiyyət və texniki keyfiyyətinin
genişlənən təzahürü ilə bağlıdır.
Rusiya imperiyası ərazisində neft biznesində mövcud iltizam sisteminin ləğvi
milli neft tarixində yeni epoxial bir mərhələnin başlanğıcına rəvac vermişdir. Bu
zamandan etibarən ölkədə daha dəqiq və rəsmi neft statistikası start götürmüş, neft
biznesinin kəşfiyyat-axtarış, işləmə və hasilat sferasında ilk spesifık şirkətlər
təşəkkül tapmış və ilk neft sənayeçisi sahibkarları təbəqəsi formalaşmışdır. ltizam
sisteminin ləğvinin ilk illərində neft hasilatı əksərən milli sahibkarların əlində
cəmləşmişdi. Sonradan buraya xarici sərmayəçilərin də gəlişi genişlənmiş və biz-
nes prosesinin çoxtərəfliyi təmin olunmuşdur. Bu illər ərzində neft biznesində daha
26
çox səhmdar əməkdaşlıq formasında işbirliyi qurmağa üstünlük verilirdi. ltizam
sisteminin ləğvinin sonunda – 1873-cü ildə Abşeronda artıq 12 müxtəlif neft şirkət
hasilatı təmin edirdi. Əsrin sonlarında bu şirkətlərin sayı 61-ə çatmışdı [5, 26].
Neft sənayesi və onunla bağlı biznes işlərinin formalaşmasını yalnız
Azərbaycanla bağlamaq düzgün olmazdı. Elə bu illərdə paralel olraq ABŞ-da
fontan vuran quyular neft erasının tam sürətlə irəliləyişindən xəbər verirdi.
Daxiliyanma mühərrikləri, neftin krekinqində nailiyyətlər, neft məhsullarnın
çeşidinin genişləndirilməsi, enerjitutumlu industrial komplekslərin yaranması neft-
qaz sənayesinin tam dövriyyədə inkişafını səciyyələndirirdi. Qətiyyətlə demək olar
ki, XIX əsrin ikinci yarısından başlayaraq dünyanın müxtəlif guşələrində – Peruda,
Rumıniyada, Azov dənizi sahillərində, Taman yarımadasında, Kuban çayı vadisin-
də, Qroznıda və digər ərazilərdə neft sənayesi təşəkkül tapmışdı. Lakin bununla
belə dünyanın iki qütbündə – ABŞ-da Pensilvaniyada və Azərbaycanda Abşeronda
hasilat davamlı fontan vurmaqla müşayiət olunurdu. Neftdən alınan kerosin
təşəkkül tapan neft biznesinin əsas predmeti, dünya bazarının başlıca energetik
əmtəəsini təşkil edərək qızğın rəqabət mühiti yaratmışdı. Bu zaman Azərbaycan
neft sənayesinə ingilis, fransız, alman kapitalının güclü axını Avropa bazarında
ABŞ kerosininin sıxışdırılmasını stimullaşdırırdı. Belə vəziyyətdə Rusiya
Azərbaycandakı təsisatlarını gücləndirir, neftdən daha çox iqtisadi-siyasi faydalan-
maqla yanaşı, hasilatda texnoloji irəliləyişlərə nail olmağa da səylər göstərirdi.
ABŞ-da ilk neft biznesi torpaqların hərraclara çıxarılması ilə formalaşmışdı.
«Cash tenders» adlanan bu forma XIX yüzilliyin ikinci yarısından başlayaraq ötən
əsrin 80-ci illərinə qədər mütərəqqiliyini qoruyub saxlamışdı. Amerikan neft
biznesinin bu tipində tenderdə qalib tərəf neft-qaz hasilatını reallaşdırımaqda
hüquq qazanırdı.
Neftin axtarışı, kəşfıyyatı, hasilatı, istismarı, emalı, nəqli və habelə müvafıq
sahədə xidmət şəbəkəsinin genişləndirilməsi, yeni mütərəqqi üsulların,
texnologiyaların tətbiqi prosesləri artıq Azərbaycanda da neft biznesinin tam
sürətlə formalaşdığını diqqətə gətirirdi. Bakıda müvafiq sənaye kompleksləri ilə
yanaşı neft biznesinin də yeni sahələri yaranır və müvafıq neft infrastrukturu
27
təşəkkül tapırdı. lk çağlarda neftin nəqlində əsas rolu dəniz nəqliyyatı oynayırdısa,
at arabaları ilə daşınan kerosinin həcmi də yetərli hesab edilirdi. Genişlənən neft
ticarəti neftin nəqli sahəsində də yeni işlərin görülməsinə təkan verdi. Daşnımanın
səmərəliliyinin artırılmasında 1883-cü ildə inşa edilən Zaqafqaziya dəniz yolu,
1888-ci ildə Sabunçu və Suraxanı mədənlərini birləşdirən dəmir yolu xətlərinin
neft biznesinin inkişafını xeyli sürətləndirdi. Texniki nailiyyətlər isə öz növbəsində
Bakı neftinin dünya bazarına daha ucuz çıxışını təmin etməyə imkanlar açdı. 1907-
ci ildə kerosinin ötürülməsini nəzərdə tutan Bakı-Batumi neft kəməri işə düşdü ki,
bu da qlobal neft biznesinin inteqrasiyasında mühüm hadisəyə çevrildi. 1859-cu
ildə Bakı portunun inşası dəniz nəqliyyatında, xüsusən neftdaşınmada yeni
perspektivlər açdı. Xəzərdə təşəkkül tapan dəniz donanması o zamanlar Rusiya
dəniz daşımalarının 35-40 faizini əhatə edirdi. Sonrakı illərdə neftin tankerlərlə
daşınmasında onun payı daha da yüksəldi.
XX yüzillik sözün əsil mənasında neft əsri kimi yaddaşlarda qaldı. Artıq bu
əsrdə neft sənayesinin mərkəzi Fars körfəzinə keçdi. Dünyanın yüzə yaxın
ölkəsində neft hasilatı təşəkkül tapdı və onun müvafiq biznes qaydaları təkamül
edərək standartlaşdı. Neft iqtisadi və energetik məhsul olmaqla yanaşı, həm də
güclü siyasi alətə çevrildi. Dünya bir neçə müdhiş qlobal neft böhranı yaşadı [73].
Neftin mühüm energetik və sintetik əmətəə məhsulu kimi keyfiyyət
dəyərləndirməsini təhlil edərkən onun «əqrabası» olan təbii qaz da yaddan
çıxarılmamalıdır. Belə ki, istənilən neft hasilatı təbii qazın ayrılması prosesi ilə
müşaiyət olunur. Buna görə də əksər neftlə bağı fəaliyyət və tədqiqatlar çox zaman
təbii qazla vəhdətdə dövr edir. Daha dəqiq isə təbii qaz neftlə birlikdə çıxır və bu
nisbət «qaz faktoru» ilə müəyyən olunur. Buna görə də neft hasilatı sənayesi və
biznesi də ümumilikdə neft-qaz hasilatı, sənayesi və biznesi adlandırılır.
Təbii qazın yaranması prosesi və şərtləri olduqca müxtəlif və çoxcəhətlidir.
Aparılmış tədqiqatların nəticələri sübut edir ki, bu maddələrin biokimyəvi və
termokatalik çevrilişi ilə bağlıdır. Alimlər müəyyən etmişlər ki, hələ milyon illər
bundan əvvəl yerin tərkindən təbii olaraq qazın özbaşına çıxması hadisəsi baş
vermişdir. Məntiqi hesablamalara görə bəşər cəmiyyətinin tarixi ərzində havaya
Dostları ilə paylaş: |