34
Meksikanın Isthmus növləri əsasında formalaşdırılır. OPEK yaxşılaşdırılmış indi-
kator yaratmaq məqsədi ilə nəhəng neft istehsalçılarının neftini bu indeksə qatmaq
niyyətindədir. Hazırda Rusiyanın «Urals» neftinin də bu səbətə daxil edilməsi
prosesi üzərində təkliflər hazırlanır. Bununla belə dünya bazarında neftin yüksək
qiymətini saxlamaq məqsədi ilə OPEK-də təchizatın mövcud prinsiplərini radikal
dəyişmək niyyəti də güdülür. Söhbət qiymət səbətinin və qiymət dəhlizinin yeni
hesablama üsulunun tətbiqindən gedir.
Aparıcı neft şirkətləri bazar tələblərindən çıxış edərək istismar zonasının
genişliyinə və yataqlar kateqoriyası amilinə görə hasil etdikləri xam nefti çeşid-
ləyirlər. Bu məqsədlə neftin keyfıyyəti üzrə müvafıq bankın yaradılması ideyası və
reallaşdırılması problemi ortaya çıxır. «Neftin keyfiyyət bankı» anlayışı kifayət
qədər şərtidir. O, keyfiyyət çevrəsində neft şirkətlərinin cərimə və kompensasiyalar
ödənişini ehtiva edir. Kompaniya nə qədər kəmərə aşağı keyfiyyətli ağır neft daxil
edirsə, o qədər də yüksək miqdarda istehsalçılara kompensasiyalar ödəyir. Kom-
pensasiyalar isə aşağı keyfiyyətli neft təhvil verən təchizatçılardan müamilələr
formasında alınaraq ödənilir [83].
Qiymət məsələsində ölçü sistemi mühüm rol oynayır. Dünya bazarında çeşid
müxtəlifliyini nəzərə alaraq neftin çəkisi əsasən qeyri-metrik sistemdə, barrel
ölçüsündə müəyyən olunur. Bir barrel 158,983 litrə bərabər hesablanır. Bu ölçü
sistemi ABŞ-da 1866-cı ildən tətbiq edilir. Avropa və Asiyanın bir sıra ölkələrində,
o cümlədən MDB məkanında və Azərbaycanda da neftin çəkisi başlıca olaraq
metrik sistemdə aparılır və ton hesabı ilə ölçmələrə məruz qalır.
Neft biznesində ölkənin həyata keçirdiyi energetik strategiya da az əhəmiyyət
kəsb etmir. Hər hansı bir ərazidə neft üzrə biznes fəaliyyətini həyata keçirən
investor öncədən həmin ölkədə yaranmış enerji balansını, burada gerçəkləşdirilən
neft siyasətini, müvafıq normativ-hüquqi bazanı öyrənməlidir.
Bütün biznes növlərində olduğu kimi neft biznesində də aparıcı qüvvə şəxsi
maraqlardan qaynaqlanır. « qtisadiyyatın fəaliyyətinə istiqamət və qayda gətirən
şəxsi maraqlar olmadan iqtisadiyyat özü fövqəlxaotik obraz ala bilərdi» [44, 65].
35
Dünya neft biznesində yataqların işlənilməsində idarəetmənin forma və
nıexanizmləri geniş spektrlidir. Yataqların işlənilməsinin idarəetmə prinsipi isə
neft biznesinin təşkilati strukturunun ana xəttini təşkil edir.
Beynəlxalq neft biznesində dövlətlə investor arasında təşkilati razılaşma
strukturu tarixən yaranmış üç növ saziş formasını nəzərdə tutur:
– Hasilatın pay bölgüsü - HPB;
– Konsessiya /lisenziya/;
– Risk-servis.
Bu sırada daha geniş HPB (prodakşn-şerrinq) və konsessiya sistemi
yayılmışdır. Avropa və Amerikada konsessiya sistemi daha çox tərəqqi etmiş, HPB
sistemi isə əsasən «üçüncü ölkələr» sferasında, OPEK, MDB, Meksika və
Azərbaycanda geniş tətbiq olunmaqdadır [66].
Bu iki sistem arasında nəzərə çarpan fərqlər mövcuddur. HPB sistemində
axtarış-kəşfıyyat işləri üzrə risk tamamilə investorun üzərinə düşür. Müasir
konsessiya sistemində isə investor gəlirlərini maksimallaşdırmaqda milli valyutaya
əsaslanan pul formasından istifadə etməlidir. Bu addım konsessiyanı qəbul edən
ölkədə milli valyutanın dönərli olmadığı təqdirdə daha çox əhəmiyyətlidir. HPB-də
isə gəlirlər əmtəə formasında alınaraq valyuta riskini minimuma endirir. Belə
vəziyyət isə yalnız fiskal gəlirləri hədəf edən konsessiya sistemində hərəkət
edənləri passiv, biznesini reallaşdırmaq üçün müştərək təşkilat – konsorsium
yaratmış HPB-ni isə daha aktiv olmağa sövq edir. Elə buna görə də HPB inkişaf
etməkdə olan və keçid iqtisadiyyatlı ölkələrdə daha çox populyarlıq qazanır.
Geniş mənada HPB sistemində axtarış və kəşfiyyatla bağlı risk neft biznesini
reallaşdıran şirkətin üzərinə düşür. Aşkarlanma zamanı hasil edilən məhsulun bir
hissəsi sərf olunan xərclərin ödənişinə (kost-oyl), qalan hissəsi isə dövlətlə investor
arasında razılaşmaya əsasən müqabil nisbətdə (profit-oyl) bölünür [48].
Dünya praktikasında HPB-nin müvaflq ölkələrdə təşəkkülü ilə bağlı
formalaşmış ənənəvi olan üş forması vardır:
36
– ndoneziya – ilk tarixi model olaraq 1966-cı ildə ndoneziyada yaranaraq
digər dünya ölkələrinə yayılmışdır. Bu model məhsul bölgüsündə üç səviyyəni
nəzərdə tutur;
– Peru – məhsul bölgüsündə iki səviyyəni nəzərdə tutur;
– Liviya – bir səviyyəli məhsul bölgüsünə malikdir.
Neft biznesində ənənəvi HPB modelləri ilə yanaşı müasir model çalarları da
yaranmışdır. Burada 1993-cü ildən başlayaraq Rusiyada tətbiq edilən HPB forması
daha çox diqqəti cəlb edir. Rusiyada HPB modeli başlıca olaraq məhsul
bölgüsündə səviyyənin dörd pilləliyi ilə fərqlənir:
1. nvestor yerin təkindən istifadə üçün dövriyyədən dövlətə 6-16 faizə qədər
royalti (royalti – yerin təkindən istifadə haqqı) ödəyir.
2. nvestor sərmayə xərclərinin ödənişi üçün «kompensasiya nefti» alır.
3. Qalıq mənfəət nefti dövlətlə investor arasında razılaşmaya əsasən müqabil
nisbətdə bölünür.
4. nvestor əldə etdiyi mənfəətdən 35 faiz həcmində vergi ödəyir.
HPB ilə bağı reallaşma bir sıra ölkələrdə multiplikativ effekt yaradır. « qtisadi
multiplikator» adlanan göstəricinin neft sektorunda HPB layihələri üzrə
hesablanmasından aydın olur ki, neft-qaz kompleksi yalnız öz məhsulunun daxili
və ixrac tələbinin yüksək olması ilə deyil, həm də yüksək multiplikativ effekti ilə
bağlı sahələrin məhsuluna da yüksək tələb yaratmaqla səciyyəvidir. Mültiplikativ
hesablamanın neft-qaz kompleksində mahiyyəti xammal sektorunda qoyulan hər
bir valyuta vahidinin qeyri-xammal sektorunda nə qədər əlavə gəlir gətirməsi
imkanları ilə bağlıdır. YEK-ə yönəldilən investisiya əvvəlcə tranzit olaraq emal
sənayesinə və digər qeyri-xammal sektoruna daxil olaraq lazımi avadanlıqların,
əmtəə və xidmətlərin alınmasına sərf edilir və sonrakı mərhələdə daha geniş
mültiplikativ effekt yaradır.
Hesablamalar göstərir ki, Yanacaq-enerji kompleksində /YEK/ əlavə məhsul
istehsalına qoyulan valyuta vahidi ÜDM-in artımı ilə yanaşı hasilatın artması və
yeni iş yerlərinin yaradılması ilə müşaiyət olunaraq YEK özünün də səmərəli
inkişafını təmin edir. Rusiyada multiplikatorun əhəmiyyət diapazonu inkişaf etmiş
Dostları ilə paylaş: |