37
ölkələrin səviyyəsinə yaxındır. Məsələn, Rusiyada HPB üzrə bir sıra layihələrdə
mültiplikator əmsalı 1,9, Norveçdə 1,6-1,7, Avstraliyada 1,8-2,4, ABŞ-da 2,1-ə
bərabərdir.
HPB ilə yanaşı ənənəvi və modernləşdirilmiş konsessiya kontrakt üsulları da
səmərəli hesab edilir. ngilis sözü «concession» hərfi mənada mülkiyyətdən
istifadəyə hüqüq vermə kimi tərcümə olunur. Umumi formada konsessiyanın çox
əsirlik tarixi vardır. Belə hüqüqi münasibətlər qədim Roma imperiyasında mövcud
olmuşdur.
Müasir biznesində konsessiya dövlət və ya bəbdiyyəyə mənsub təbii
sərvətlərin, müəssisələrin və digər təsərrüfat obyektlərinin müəyyən müddətdə
müqavilə əsasında istismara verilməsi formasıdır.
Ənənəvi konsessiyanı müasir anlamda aşağıdakı düsturla ifadə etmək olar:
F = S + K
+
Burada:
F – ənənəvi konsessiya;
S – uzunmüddətli kontrakt;
K
+
– vergi güzəşti – «kost-plyus» (cost+).
Konsessiya dövlətlə investor arasında istehsalat sazişinin ən ilkin formasıdır.
Neft sənayesində onun təməli 1901-ci ildə ingilis maqnatı Uilyam Noks D.Arsi
tərəfındən randa qoyulmuşdur. Ölkə ərazisinin 1/3-ni əhatə edən bu fəaliyyət
1909-cu ildə ngilis- ran neft kompaniyasının (Anglo-Persian Oil Compani) əsasını
qoymuş, sonradan bu şirkət tanıdığımız məşhur neft şirkəti BP-yə (British
Petroleum)
çevrilmişdir.
XX əsrin birinci yarısında neft konsessiya ənənəsi konsessioneri royalti
vergisi ödənişinə öhdələndirmişdi. Lakin 1948-ci ildə Venesuellada konsessiya
sistemində dəyişikliklərlə müşaiyət olan yeni forma tətbiq edildi. Burada
mənfəətdən də vergi ödənişi təsbitini tapdı. Belə konsessiya forması isə «modern-
ləşmiş konsessiya» adlandırıldı. lk konsessiyalar dünya neft infrastrukturunun
təşəkkülündə əhəmiyyətli start rolunu oynadı.
Konsessiyalar böyük ərazi sahəsini və uzunmüddətli dövrü əhatə edir. Əgər
OPEK ölkələrində 1970-ci illərdə milliləşdirmə dalğası baş verməsəydi, indi bir
38
çox ərəb ölkələrində bu konsessiyalar davam edəcəkdi. lk konsessiyalar əsasən
konsessionerin üstün maraqları çərçivəsində təşəkkül tapmışdı. Sonradan «maraq-
lar balansı» mümkün qədər dövlətin üsünlüyü ilə inkişaf etmişdir. Keçid ölkələri
üçün konsessiyanı özəlləşdirmənin alternativi kimi də qəbul etmək olar [48, 64].
Konsessionerlə icarədar arasında gəlirlərin bölgüsü müdhiş risk amili ilə
bağlıdır. Risk yüksəldikcə kompensasiya da artır. Konsessiya prosesdə risk amilinə
görə müvafıq bazar mexanizmini tənzimləmək üçün dövlət məmurları ilə yanaşı
bir sıra reytinqli agentliklər də işə cəlb olunurlar. Müasir konsessiya bir qayda
olaraq yatağın işlənməsi zamanı yalnız müvafıq istismar zonasını əhatə edir.
Burada işlərin ahəngdarlığı üçün uyğun olan nəzarət sistemi formalaşdırılır. Müasir
konsessiya sistematik olaraq üç növ vergi ödənişini əhatə edir:
– royalti;
– mənfəət vergisi;
– ərazinin mənimsənilməsi üçün renta – icarə haqqı.
Bununla belə HPB-də olduğu kimi konsessiya sistemində də qeyri-sistematik
ödənişlər (bonuslar) nəzərdə tutula bilər. Bonusun həcmi bir sıra şərt və şərait
imkanlarından asılı olaraq müxtəlif səviyyədə müəyyən edilə bilər.
Konsessiya sazişləri çox zaman sadəcə lisensiya və ya «vergi + royalti»
kontraktlar kimi də adlandırılır. Lakin burada fərqliliyi yaradan amillər də vardır.
Ön fərqlilik isə onunla bağlıdır ki, lisenziya sazişləri inzibati-hüquq, konsessiya isə
mülkü-hüquq çərçivəsində tətbiq olunur.
Məlumatlara görə Rusiya dünyada yeganə iri miqyaslı neft ölkəsidir ki, yerin
təkindən istifadədə həm lisenziya və həm də HPB formalarını tətbiq edir. Bununla
belə konsessiya sistemi Rusiya üçün də yeni deyildir. Sovetlər Ittifaqının
mövcudluğu vaxtı «Yeni iqtisadi siyasət» (NEP) zamanı bu sistem təqdir və tətbiq
olunurdu. Vətəndaş müharibəsindən sonra ölkənin investisiya reytinqi olduqca
aşağı düşmüşdü. Proletariatın rəhbəri Vladimir liç Lenin (1870-1924) hazır idi ki,
konsessioner istehsal məhsulunun 2-3 faizini hazır şəkildə, qalan hissəsini isə pul
formasında versin. O, yazırdı «Bizim yeni iqtisadi siyasətimizdə praktiki məqsəd
konsessiyaların alınmasında dayanırdı». Lakin NEP zamanı çox az adam «Lenin
39
konsessiyaları» haqqında məlumatlara malik idi. Sovetlər ttifaqının süqutü ərə-
fəsində bu möhtəşəm ölkədə «Lenin konsessiyaları» qismən reabilitasiya olundu
[45, 55].
Konsessiyanın icarə müqaviləsi kimi anlanılması da düzgün olmazdı. Əslində
bu tiplər arasında kəskin sərhədlər də yoxdur. Fərqlilik isə əmlak istifadəsi prin-
siplərinə istinadən onların normativ-hüquqi düzülüşü ilə bağlıdır. Hər bir ölkənin
müvafiq qanunvericiliyində bu fərqliliyi müəyyən edən normativlər mövcuddur.
Konsessiyanın inkişafı XX əsrin 60-cı illərində HPB-nin yaranmasına və
növbəti neft biznesi formalarının təşəkkülünə rəvac verdi. Bu illərdə neft
sənayesində servis biznes kontrakt formaları yaranmağa və geniş yayılmağa
başladı. Onun da yayılma zonasını «üçüncü ölkələr» əhatə etdi. Servis kontraktları
daha geniş Brazilyada yayılmışdır. Belə kontraktlar ran, rak, Venesuella,
Nigeriya, Vyetnam və Azərbaycanda da bağlanılmışdır.
Neft biznesinin bu kontrakt növünün risk-servis («risk-servis») və risksiz,
xalis-servis («strayt-sevis») forması vardır. Risk-servis formasına görə xidmət
təklif edən podratçı-şirkət kəşfiyyat aparır, əsas milli neft kompaniyası olan
mülkiyyətçi üçün yatağın işlənməsini yenidən təşkil edir. Bununla podratçı yatağın
açılıb-açılmamasından və onun kommersiyalığından asılı olmayaraq mükafat alır.
Risk-servis kontraktı podratçını öz pulu ilə riskə sövq edir. Burada praktiki olaraq
mülkiyyətçinin xərcləri sıfıra bərabərdir. Ancaq bu işdə podratçı gəlirləri də
yüksək ola bilər. O, getdiyi risk müqabilində ödəniş də tələb edə bilər. Bütün
bunlar isə kontraktın əlahiddə şərtləri ilə tənzimlənir. Neftin kommersiyalılıq
baxımından aşkarlığı zamanı isə podratçı müvafıq maliyyələşmə proseslərini
həyata keçirir, Milli neft kompaniyası isə yatağı nəzarətə alır. Servis kompa-
niyasının xərcləri isə çıxarılan məhsul hesabına kompensasiya olunur [48, 55].
Ayrı-ayrı hallarda dövlət tam və qismən olaraq kəşfiyyat xərclərini öz üzərinə
də götürə bilər. Müştərək fəaliyyəti nəzərdə tutan bu kontrakt forması iki növlü
quruluşda təsnifat alır:
– hüquqi şəxs yaratmaqla;
– hüquqi şəxs yaratmamaqla – konsorsium.
Dostları ilə paylaş: |