61
Ə
gər rəqib firmalar ölçü və imkanlar cəhətdən müqayisə oluna bilirsə, bu zaman onlar
rəqabət apara bilərlər. Əgər müəssisə üçün rəqabət aparmaq çətin gəlirsə, bu bazarda
artıq yeni güclü lider müəssisənin meydana gəldiyindən xəbər verir.
2.
Rəqabət mübarizəsi məhsula olan təklif zəif inkişaf edəndə güclü olur. Bazar çəkisi
zəifləyəndə müəssisələri bazar payına mübarizə aparmağa başlayırlar. Bu yeni strateji
ideyaların, manevrlərin yaranmasını stimullaşdırır;
3.
Turizm xidmətlərindəki mövsümilik amili rəqabət mübarizəsini artıran digər vacib
faktorlardan biridir. Buna görə də müəssisələr satışn artırılması məqsədi ilə müəyyən
endirimlər edir, yeni taktikalardan istifadə edirlər;
4.
Turizm müəssisəsinin məhsulu kifayət qədər differensial olmadıqda rəqabət mübarizəsi
güclü hesab olunur;
5.
Sahədən getmək, sahədə qalıb rəqabət mübarizəsini davam etdirməkdən daha yaxşı
olur. Bu da, rəqabət mübarizəsini gücləndirən digər tendensiyalardandır. Çıxma
üçün nə qədər çox maneə varsa, bir o qədərdə firmalar sahədə qalıb rəqabət
aparmağa cəhd göstərirlər, baxmayaraq ki, bu zaman onlar daha az gəlir götürə
bilərlər.
Yuxarıda nəzərdən keçirilən bütün faktorlar və onların meydana gəlməsi əminliklə
deməyə əsas verir ki, turizm müəssisəsinin rəqabət mühiti onun marketinq mühitinin bir
hissəsi olaraq, sərbəst qiymətləndirmənin predmeti olmalıdır. Bazar subyektlərinin
uyğunluğu və onların rəqabət mübarizəsi zamanı yaranan münasibətləri, marketinq
araşdırmaları nöqteyi-nəzərindən mühüm praktiki əhəmiyyətə malikdir.
Rəqiblərin analizi və rəqib hərəkətlərinin hazırlanması, müəyyən bazar seqmentində
mövcud real artımdan daha çox fayda verir. Rəqiblərin güclü və zəif cəhətlərini bilməklə,
onların potensialı, məqsədləri, indiki və gələcək strategiyalarını qiymətləndirməyə imkan verir.
Bu müəssisəyə rəqibin zəif yerini bilərək ona istiqamətləndirir. Bu yolla, müəssisə öz
imkanlarını rəqabət mübarizəsində uğur qazanmağa yönəldə bilər.
Praktik olaraq müəssisələrin bütün marketinq uğurları öz güclü tərəflərindən
rəqiblərin zəif cəhətlərinə qarşı istifadəyə əsaslanır. Bunu yalnız yaxşı və dəqiq araşdırma
nəticəsində etmək mümkün olur. Rəqiblərin marketinq araşdırmaları turizm müəssisəsinə
aşağıdakı imkanları verir:
• rəqiblərin fəaliyyəti haqqında məlumatı olmaqla, bazardakı uğurun perspektivlərinin
62
daha dolğun qiymətləndirə bilmək;
• prioritetləri daha asan müəyyən etmək;
• mövcud rəqabətə tez cavab vermək;
• rəqiblərin güclü tərəflərini neytrallaşdıra biləcək güclü strategiyanın hazırlanması;
• müəssisənin rəqabətqabiliyyətliyini artırmaq;
• müəssisənin əməkdaşlarını rəqiblər haqqında informasiya ilə təmin etmək və
onları motivasiya etmək;
• işçi heyətinin təlim və təhsil səviyyəsinin artırılması, ixtisaslaşdırılması;
• müəssisənin bazardakı mövqeyini yaxşı qorumaq və genişləndirmək.
Bazarda mövcud olan bütün rəqiblər arasındakı mübarizənin müəyyən edilməsi
zamanı qiymətləndirmə çətinləşir. Buna görə də, iki strateji qrup seçilir: birbaşa və
potensial rəqiblər.
Birbaşa rəqiblər – bu, elə turizm müəssisələridir ki, keçmişdə mövcud olub, indi
də mövcud olmaqda davam edirlər.
Potensial rəqiblər ayrılır:
• təklif edilən xidmətlər çeşidinin genişləndirməyə çalışan müəssisələr, öz
istehlakçılarını tələbini daha yaxşı ödmək və birbaşa rəqiblər olmaq üçün məhsul
strategiyasını həyata keçirirlər;
• rəqabət mübarizəsinə qoşulan yeni firmalar.
Rəqabət mühitinin ən əhəmiyyətli cəhəti istehsal xərclərinin aşağı salınması,
məhsulun çeşidinin dəyişən tələbata uyğun surətdə yeniləşdirilməsi, onun keyfiyyətinin
yaxşılaşdırılması, məhsulun və onu istehsal edən firmanın rəqabət qabiliyyətinin
yüksəldilməsi, qanunvericilik yolu ilə dövlət tərəfindən hüquqi müdafiənin təmin
edilməsi və inhisarçı fəaliyyətin məhdudlaşdırılmasıdır.
Rəqabətdə uğurun əsas amilləri hər bir müəssisənin rəqabət qabiliyyətli olması və
yaxşı maliyyə göstəricilərinə nail olması üçün vacib olan amillərdir.
Müəssisənin rəqabətqabiliyyətliliyi aşağıdakı faktorlarla müəyyən edilir:
• xidmət və məhsulların keyfiyyəti;
• effektiv marketinq strategiyasnın hazırlanması;
• personal və menecerin ixtisaslaşdırılması;
• istehsalın texnoloji səviyyəsi;
63
• müəssisənin fəaliyyət göstərdiyi sahədə vergi mühiti;
• maliyyə mənbələrinin mövcudluğu .
Turizm müəssisələrinin rəqabətqabiliyyətliliyinin təhlilinin əsas istiqamətlərindən
biri də sahədə rəqabət mübarizəsinin təbiətinin, bu mübarizənin mənbələrinin və həmin
qüvvələrin təsirlərinin öyrənilməsidir. Sahənin rəqabət qüvvələri onun mənfəətliliyini
və strukturunu müəyyən edir. Sahədə mövcud rəqiblər arasında rəqabətin kəskinliyi,
sahəyə daxil olma maneələrinin zəifliyi, əvəzedici məhsulların təsirinin böyüklüyü, alıcı
və təchizatçıların təsir imkanlarının çoxluğu sahənin cəlbediciliyini aşağı salır. Əksinə,
rəqabət yüksək mənfəət əldə etmək imkanları artır və sahənin cəlbediciliyi yüksəlir.
Sahədə rəqabətin strukturunu öyrənmək üçün növbəti addım rəqiblərin
mövqelərinin müəyyən edilməsidir. Sahədə rəqiblərin mövqelərini müəyyən etmək üçün
təhlil vasitələrindən olan “strateji qrupların xəritəsi”ni hazırlayırlar. Belə təhlil sahənin
ümumi təhlili və konkret müəssisənin sahədəki mövqeyi arasında əlaqəni göstərir.
Sahədə strateji qrup dedikdə, eyni rəqabət vasitələrindən istifadə edən və oxşar
mövqeli müəssisələr nəzərdə tutulur. Sahədə yalnız bir strateji qrup o zaman olur ki,
sahənin bütün müəssisələri eyni strategiya ilə çıxış edir.
Hərəkətverici və rəqabət qüvvələri müxtəlif mövqelərdə olan strateji qruplara
müxtəlif dərəcədə təsir göstərir. Bu qüvvələrin mənfi təsiri altında olan strateji qrupa
daxil olan müəssisə öz mövqeyini dəyişməyə və daha yaxşı mövqedə olan qrupa daxil
olmağa istiqamətlənmir. Belə cəhdlərin uğurluluğu yeni strateji qrupa daxil olmanın
maneələrinin mürəkkəbliyindən asılı olur. Sözügedən yerdəyişmələr rəqabətin
intensivliyini artırmaqla onun təbiətinə təsir göstərir.
Hazırki dövrdə turizm müəssisələrinin rəqabətqabiliyyətliliyində bir çox
problemlər vardır. Bu problemləri daha yaxşı anlamaq üçün aşağıdakılara diqqət
yetirmək lazımdır:
1. Rəqabət qabiliyyətlilik 3 əsas şeydən ibarətdir. Onlardan biri göstərilən
xidmətin keyfiyyəti ilə əlaqədardır. Digəri turizm məhsulun çatdırılması və servisi ilə
ə
laqədardır. Nəhayət, üçüncüsü, bütün alıcı qruplarının iqtisadi imkan və
məhdudiyyətləri ilə özünü göstərir.
Dostları ilə paylaş: |