Məhəmməd Bəylər Aranlı
182
Molla Məşi: Bəli, bəli, ay Mizi, atan rəhmətlik olsun.
Sən arif adamsan. Anadan gəlmə alimi-biəməlsən.
(Güzgüdə daranır, gülür). Belə olmasaydı, sən o qara
zurnanı, balabanı, nağaranı hardan çala bilərdin və bu
avam millətə bu dəfə daraqlardan dərsi necə keçə bilər-
din? Bu hörməti izzəti necə qazana bilərdin? (Əl uzadır,
Mizinin əllərini sıxır, gülür)
Mizi: Danışıq dananı qurda verər deyirlər, xalqın bu
deyiminə min əhsən. Gəl, əsil mətləbə keçək, vaxt ke-
çir. Məni axtarmaqda fikrin nədir? Bu axtarışından hə-
ləki, heç nə anlaya bilmirəm. (Siqaret yandırır, şirin
təbəssümlə dostunu süzür). Mən xəstə, sən cavan, bığı-
burma oğlan.
Molla Məşi: Sən Allah, elə demə, qadan alaram, öz üs-
tünə xəstəlik gətirmə. Çoxda evimiz, soyadımız ayrıdır.
Atamın goru, səndən söz düşəndə demişəm ki, o kişi
qardaşımdır, gözümün işığıdır. Gözümü istəsə, gözümü
verərəm. (Ciddi baxışlarla Mizini süzür)
Mizi: Yox, elə deyil, qardaş, elə deyil. Mən bilmək is-
təyirəm ki, sən məni axtarmaqla, bu canfəşanlıqda ol-
mağın nədən ötrüdür? Cavanlığın yadına düşüb bəlkə?
Şair demişkən:
Könlüm, qəlbim oyanıbdır,
Qızıl gülə boyanıbdır.
Alan kimdir, satan kimdir,
Peşman olub odlanıbdır.
Mizi Məşiyə: Ə, sən belə işlərin qədrini, mənasını
bilməzsən, mətləbə keç.
Molla Məşi: Yox, ay Mizi, sən hal əhlisən, dövrandan,
vəziyyətdən xəbərdarsan. Dəfələrlə “Tarixi-Nadiri”
oxumusan, özüdə yarısınacan (Gülür). Hal əhlinə can
qurban. Onunla cəhənnəmdə olsan da, darıxmazsan.
Ömürdən düşən yarpaqlar
183
(Təsbeh çevirir). Çətin işdir, gərək biləsən kiminlə yola
çıxasan. İndi ki, tələsirsən,get, Keyvəninin(Mizinin xa-
nımı) dərmanını ver, qayıt gəl. Dağ boyda ürəkləri olan
kişilərə böyük meydan lazımdır. Böyük meydan ki,
söhbəti açıb xırt edək, bunun üçün gərək gedək bizə,
əmiqızının südlü aş plovundan yeyə-yeyə, söhbət edək.
(Gülür)Dur, Mizi, tez get, gəl!
Mizi: (Təngənəfəs halda) Salam, ay Məşi, dur gedək!
Düz deyirsən, mən əmimqızı ilə çoxdandır görüşməmi-
şəm. Görüşüm lap böyük ziyarət olar. (Gülür, Məşiyə əl
uzadır) Bildin də, biz neçə saat söhbət etmişik. Keyvəni
məni çox danladı, harda qalmısan bu vaxtacan? Mən
ölürəm, sən kefdəsən. Beş saatdır ki, sən yoxsan. Mat-
məətəl qaldım. Divardakı nikolay saatına baxıb gördüm
ki, düz üçün yarısıdır. Canına and olsun ki, evdə dava-
dalaş boğaza çıxmışdır. Bir təhər icazə alıb, geri qayıt-
dım. Çalış ki, söhbəti tez xırt edəsən, yoxsa, yenə dava-
ya düşərəm. (Hər iki dost gülür).
Molla Məşi: Gəl gedək! (İki dost gülə-gülə yola çıxır-
lar)
Mizi: Ay rəhmətliyin oğlu, sənin başında hələ də uşaq-
lığın vaxtındakı oyun-oyuncaqlar qalıb. Elə bilirsən ki,
hələ də, o qarğı damdasan, o rəhmətliklər hələ də, ya-
nındadır, zənn edirsən. Hansı ki, onlar 1937-ci ilin rep-
ressiyasında çoxdan gəbəriblər. Artıq nə Stalin var, nə
də onun repressiyası. İndi başqa vaxtdır. (Gülür).
Molla Məşi: Ayə, sən nə danışırsan? İndi ondan da,
ağır vaxtdır. Kommunistlər pambıqla baş kəsir. Düz
demirsən. Söhbətimdə uzunçuluq yoxdur, günah o üzü
qara sürgün həyatındadır, o qəribçilikdədir. O qədər in-
san qəribçilikdə sıxılıb ki...Gördüyündən ayrıla bilmir.
Az qalır görüb-görüşdüklərini ürəyinə qoysun, ürəyində
Məhəmməd Bəylər Aranlı
184
ona yer versin. (Təsbeh çevirir, təkbir söyləyir) Deyə-
sən, dedin ki, Keyvəni yaxşıdır, çox sevindim, şükür
Xudaya! Hər şey Allaha bağlıdır. Sürgün həyatı da, bu
görüşümüz də, çox şükür!
Mizi: Ə, Məşi, vallah bu gələn Ağandır, Ağan. Gör
odur, o deyil? Mənim gözüm bir az zəifdir.
Molla Məşi: Ə, düz deyirsən, gələn Ağandır. Elə Ağanı
çağırım, gəlsin, qaçaraq evə yollayım. O həm başdan,
həm ayaqdan qıvraqdır. (Təkbir söyləyir)
Ağan: Xeyir ola, qağa, məni görüb sevinməyin? (Qul-
sayağı Məşinin qabağında durur)
Molla Məşi: Ayə, bu vaxta qədər hardasan, harda?! Sə-
hərdən səni gözüm arayır, gəlmək bilmirsən. Xəstə qar-
daşımı da, yeməksiz-içməksiz əldən saldın. Bir işə ya-
rasana, ay yaramaz! (Əllərini qaldırır ki, Ağanı vursun,
Mizi Məşinin əllərini tutur) Di, onda, qaç! Qurban
olasan, bu əmioğluma. Qaç, qaç, əmiqızına de ki, plov
hazırlasın. Yaxşı başa sal ki, qağamın əzizdən əziz qo-
nağı var. Cavab gözləyirəm!
Ağan: Bu saat qağa, gedərəm. Əmiqızına dediyini çat-
dıraram. Doğrusu, heç ağlıma gəlməzdi ki, Mizi ilə sən
bir yerdə olarsan. Görüşünüzü Allah xeyirə calasın. Qa-
ğa, qurban olum, getməyinə gedəcəm, amma, bu vax-
tacan evdə süd qalmaz. Yay ayı, 45 dərəcə qızmar isti.
Süd hara, isti hara? Bəlkə əmiqızı başqa nahar hazır-
lasın? (Sakitcə dayanır, qorxa-qorxa qağasına baxır)
Molla Məşi: Ay gədə, sənə nə dedimsə, get onu da, de!
Onu da bişirsin! Mənimlə nə höcət edirsən? De ki,
qağamın qonağı var!
Ağan: Sizdə olmasa da, özüm axtarıb taparam, qonum-
qonşudan. Sənə də qurban olum, qonağına da. (Ağan
suyu süzülmüş halda, danlaqdan mütəəssir olub, gedir)
Ömürdən düşən yarpaqlar
185
Qapıda Xavəri çağırır.
Xavər: Eşidirəm, Ağan, eşidirəm! (Ağan əlləri qoynun-
da Məşinin sifarişini Xavərə deyir) Ağan, sən bilmir-
sən, avamsan, o ki, dünyanın başına min corab hörüb.
Bu vaxtı, yayın bu istisində süd hara, südlü aş hara?
Məşini Allahın lənətinə gəlsin! Rədd ol, gözüm səni
görməsin. (Qapıda fır-fır fırlanır) Qonağı kimdi? Özü
kimi tüfeyli olar yəqin! (Əsəbi halda, gülür)
Ağan:Dedim, özü də, çox dedim, amma, məni dinləmə-
di, üstəlik məzəmmət etdi, günahkar bildi.
Xavər: Ədə, Ağan, plov demir qağan? Bişirirəm. Qo-
nağı kimdir? Get de, canın cəhənnəm, plovu bişirərəm,
özünün də, qonağının da, gözünə soxaram.
Ağan: Dedin qonağı kimdir? Mizidir!
Xavər: Dedin Mizidir, hə? Dünyanın bic vələdi, o
Mizi, hə? Su suyu tapar, su da çuxurun. Ay sizin boyu-
nuza qəmiş ölçüm.
Ağan gedir.
Ağan Məşiyə: Qağa dedim, plov hazırdır.
Molla Məşi: Mizi, əmiqızı tülək tərlandır. Onun üçün
nə gecə var, nə gündüz. Səni görəndə gör nə qədər
sevinəcək. Çünki, sən evin adamısan, qardaşısan.
(Təkbir söyləyir, gedək)
Mizi: Məşi, düz deyrsən, Bizim arvad Keyvəni, səni
evin bir üzvü bilir. Sən dənizin o tayında olanda, sən-
dən söhbət düşəndə, həmişə heyfislənirdi. (Hər ikisi gü-
lür)
Molla Məşi: Hə, gecikməyək! Əmiqızı çox dəqiq
adamdır. Plov hazırdır ki,”gəlsinlər”-dedi. Əlləri qızıl-
dır, dili baldır, bal.
Xavər: (Qapıda onları görür, Miziyə “xoş gəldin”
deyir) Nə əcəb ay Mizi qardaş? Həmişə sən gələsən.
Dostları ilə paylaş: |