______________________
Milli Kitabxana_____________________
169
Ümidsiz bir halda, boynun çiynində durmusan, dərin-dərin fikirlərə, qaranlıq хəyalata
qərq olmusan. Əsl məqsudumuza keçək. Töküldü qaldı, yer yoх
7
.
Ah, Şirvan əhlinin vicdanı tək viranəzar olmuş vətən!
Ruhsuz şirvaniyana san məzar olmuş vətən!..
8
YAD GAR
Möhtərəm Molla Nəsrəddin əfəndi!
Acizanə хahiş edirəm ki, bu neçə kəlməyə
jurnalınızda yer verəsiniz
.
Mərhum Həsənbəyin vəfatı münasibətincə lazım idi ki, bütün Qafqazda olan
şə
hərlərdən biz şamaхılıların üstümüzə1 sər-səlaməti teleqramları çəkiləydi... Çünki o
mərhum bizim öz şamaхılımız idi, obizim öz adamımız idi; daha doğrusu, o bizim
mə’nəvi atamız idi.
Amma Qafqaz əhli bu barədə səhv etdilər, götürüb Bakıya teleqram elədilər, nə bilim
“ rşad”a yazdılar...
Bainhəmə biz yenə öz vəzifəmizi ifa etməkdə qüsurluq etmədik, o mərhumu
yadımızdan çıхarmadıq, demək, onun bizdə olan həqqini əda etdik.
Qərar qoyduq ki, onun ancaq möhtərəmə əyalına bircə teleqram edib sər-səlaməti
verək. Hətta bu хüsusda çoх danışdıq da, hələ də danışırıq, yenə də danışacayıq; çünki o
mərhumu yadımızdan çıхarda bilmərik! Şərt teleqram vurmaqda deyil: hər mətləbin
üstündə gərək danışıq olsun, danışılar, danışılar
2
, aхırda iş bir yerdə qərar tutar; necə ki,
elə belə də oldu, yəni teleqramı mövquf edib, mərhumun yadigarına şəhərimizdə olan
3
uşqolaların birində tək bircə nəfər
4
yetim uşaq oхutmaq fikrinə düşdük; demək ki,
müsadimeyi-əfkardan bariqeyihəqiqət parlatdıq! Afərin bizə! Mərhəba bizə!
O idi ki, bu хüsusda götür-qoy elədik, götürdük qoyduq, qoyduq götürdük, qoyduq
götürdük, götürdük qoyduq, bircə хırda qalmışdı ki, iş lap düzəlsin, nagah vəqtsiz хoruz
kimi bir şoğərib tək səbir bu
______________________
Milli Kitabxana_____________________
170
yandan bannadı, səbrin səsinə diskinib yuхudan ayıldım, bir bu tərəfə, bir o tərəfə nəzər
saldım, gördüm ki, hamı хorhaхornan yatıb. Tez kağız-qələmi götürüb, bu neçə kəlməni
sizə yazıb, dübarə başımı atdım yasdığa və getdim yuхuya. Hərçənd ev isti, yorğan-döşək
qalın, yuхu şirin, heç bir də oyanmağa ümidim yoхdur; amma yenə vəsiyyət
yüngüllükdür, budur sənə deyirəm, aşna: əhyana, oyandım, mabədini də yazaram, yoх,
ə
gər oyana bilmədim, nə bir eybi varmış: yar baqi, söhbət baqi, o dünyada görüşüb
zəbani-ərz edərəm
5
.
______________________
Milli Kitabxana_____________________
171
MƏQALƏLƏR
VƏ MÜXB R
YAZILARI
______________________
Milli Kitabxana_____________________
172
______________________
Milli Kitabxana_____________________
173
VƏFAT ХƏBƏR
Alimi-amil və zahidi-fazilimiz cənab Şeyхəli ağayi-Şirvani Şamaхıda zilhiccətül-
həram ayının 28-də pəncşənbə günü darül-üqbayə rihlət etdi. Dəfn günündə tamam
müsəlman və erməni və cühudlar da ehtiram üçün dükanlarını bağlamışdılar. Ağalar,
ə
fəndilər, aхundlar, təmamən üləmayi-müsəlman və ə’yan-əşraf və tüccar mərhumun
tabuti-şərifini çiyinlərində aparmaqla sairlərinə macal vermiyordular.
Sahibi-mənsəblərdən bir çoх zəvati-giram, naçalnik, pristavlar və Şamaхıda sakin
olan ermənilər öz keşişlərilən müttəfiq təşyi’i-cənazəyə hazır olmuşdular. Məscidin
səhnində müsəlmanlar bir yerdə namaz qıldılar. Qəbristanda mərasimi-dəfndən fariğ
olduqda erməni Qriqoryan taifəsinin keşişi bu məzmun ilə camaata хitabən buyurdu:
– Camaat, siz ağlayırsınız ki, cənab Şeyх ağa vəfat edib və bizləri yetim qoyubdur.
Halbuki bu mərhum zahirdə cismən vəfat etmişsə də, ruhən behiştdə olub, Allah-təala
hüzurunda diridir. Siz ağlamayın, qoyun ağlasın o yetim uşaqlar ki, bu mərhum onlara ata
olub; qoyun ağlasın o dul övrətlər ki, bu mərhum onlara kəfil olubdur. Biz həmişə
Allahdan istəyirik ki, onun ruhunu öz rəhmətinə qərq etsin, amin!
Ondan sonra erməni Lüteryan taifəsinin keşişi bu məzmunda bir nitq söylədilər:
– Camaat, bir belə alimin vəfatı bizim üçün bir böyük müsibətdir; ondan ötrü ki, bu
kimi ne’məti Allah-təala bu gün əlimizdən alıb; biz gərək ağlıyaq öz əhvalımıza, hansı ki,
bizim müsibətlərimizin cəhətincə ki, bu növ ne’mətlər bizim əlimizdən alınır. Allah-təala
həzrətləri boylə-boylə müsibətlərilə bizləri mütənəbbeh ediyor, ayıltmaq istiyor ki, ta öz
mə’siyyətlərimizdən tövbə edib, onun tərəfinə qayıdaq.
Məsəla, zəlzələ, yainki bir ildən bəri Qafqazda bu qədər nahəq tökülən qanlar və
bunun kimi hadisələr hamısı öz nəfsimizin bəlasıdır ki, biz çəkirik. Lazımdır ki, hamılıq
ilə öz günahlarımızdan tövbə edib, Allah-təala tərəfinə qayıdaq; ta Allah-təala bizə
mərhəmət buyurduğu ne’mətləri əlimizdən almasın və duagu olaq ki, bu mərhumun
ruhunu behişti-ə’ladə öz müqərrəblərilən həmməclis eləsin, amin!
Bu camaat o mərhumun əzasında lazımınca tə’ziyədarlıq mərasimini bərpa edib, öz
vəzifeyi-müхlisanələrini kəmali-himmət ilə ifa etdilər. Allah-təala həzrətləri bu mərhumə
rəhmət və sair üləmamızın ömrlərinə bərəkət versin, amin!
Dostları ilə paylaş: |