Microsoft Word Nifretin goz yawlari Teze kitab 2018. doc
Yüklə 0,95 Mb. Pdf görüntüsü
|
Fazil SƏNAN 166 sən sevsən də, sevməsən də, mən səni sevirəm. Yaxşı olar ki, bu sevgi ikitərəfli ola. – Mənim sizin sevginizə hörmətim var. Məslə- hətdisə, duraq. – deyən Nigar Eşqinin üzünə baxdı. – Nə qədər otursaq da, axırda ayrılmalıyıq – deyən Eşqin stuldan qalxdı. Hər ikisi ağacların ara- sında əkilmiş güllərin gözəlliyinə heyranlıqla tamaşa etməyə başladı. – Nigar, güllərin yanında dur şəklini çəkim. – Yox, yox, xahiş edirəm, çəkmə. Mən sosial şəbəkəyə şəkil qoymağı xoşlamıram. – Sosial şəbəkə üçün demirəm. Özüm üçün deyirəm. İcazə ver gözlərinin şəklini çəkim. – Xahiş edirəm, xətrinə dəyməsin, çəkmə! – deyərək əli ilə gözlərini örtür. – Ay qız, gözlərini nə üçün örtürsən. Çəkmə deyirsən, çəkmərəm. Eşqin incisə də, incikliyini üzə vurmur. – Eşqin, incimə. İstəmirəm məndən inciyəsən. Onda narahat oluram. – Mənə dəqiq bir söz demədin. – deyən Eşqin Nigarla xudahafizləşmək istəyir. Nigarın əlini əlindən buraxmır. Bir xeyli lal baxışlarla ətraf aləmdən təcrid olunurlar. Eşqin istəyir Nigarı qucaqlayıb sinəsinə sıxsın, xurmayı saçını, qara gözlərini öpüşlərə qərq etsin. Amma ətrafda olan adamlardan həya edir. – Nigar, mən səni həmişə axtaracağam. Həs- rətində olduğun o dəli sevgin mənəm. Tənhalığıma hardan gəldin, onu bilmədim… Nifrətin göz yaşları 167 * * * Metroda səs-küydən qulaq tutulur. Telefondan səs gəldi. Eşqin tez telefonu açdı. Nigar ismarıc yollamışdı: – Məndən inciməyin heç vaxt. *** Eşqin əlindəki bileti sürücüyə verib yerinə keç- di. Bir azdan avtobus qaranlıqda bərq vuran işıqların altında asfalt yolla irəliləməyə başladı. Pəncərədən zülmət gecənin qaranlığında tək-tək sayrışan işıqları seyr edən Eşqin isə baxışlarına büküb özü ilə apardığı Nigara həsrət məhəbbətinin həzin nəğmələrini pı- çıldayırdı. 15.05.2016 Fazil SƏNAN 168 İŞILDAQUŞ .................................................................................... .................................................................................... .................................................................................... Unutmağa çalışsa da bacarmırdı. Fikri-zikri an- caq Gülay idi. Tez-tez qızın zəng etməsi, şirin-şirin danışığı Cəlilin getdikcə qıza daha çox bağlanmasına səbəb olurdu. Həsrət Cəlilin içini göynətsə də yenə unutmaq haqda düşünürdü. Çünki qız zəngləri və telefon danışıqları ilə ümidverici işartılar yaratsa da «səni sevirəm» sözünü dilinə gətirmirdi. Gülayın bu cür hərəkətləri Cəlili bir fikrə gətirirdi: «Bu qız boş vaxtını keçirməyə adam axtarır». Elə ki, Cəlilin hisslə- ri korşalmağa başlayanda Gülayın çalınan telefon zəngi sanki yenidən öləzimiş közərtinin alovlanmasına səbəb olurdu. Gecə yarıdan keçibdir. Cəlil yenicə yatağına uzanmışdı. Yanındakı dolabın üstünə qoyduğu telefon səsləndi. «Allah eləyə Gülay ola» fikri ilə sevincək telefonu götürüb düyməni basdı. Ekranda Gülayın telefon nömrəsini görən kimi telefonu öpüb qulağına tutdu və zərif, incə, sehirli bir səs özü ilə birgə sanki dünyalarca sevinc bəxş etdi. – Axşamınız xeyir. Cəlil, yatmışdınız? – Yox, elə yenicə uzanmışdım. – Bəs, nə yaxşı yatmamısınız? – Sizin haqqınızda fikirləşirdim, Gülay. Nifrətin göz yaşları 169 – Gecə yarıdan keçibdi. Bu vaxtı mənim haq- qımda nə fikirləşirdiniz? – deyən Gülayın gülüş səsi eşidildi. – Heç bir şey. Onu fikirləşirdim ki, tale sizi har- dan mənim yolumun üstünə çıxartdı. Yaxşı, mən sizin barənizdə fikirləşirdim, ona görə yatmamışam. Bəs siz nə üçün yatmamısınız? Yoxsa, siz də mənim barəmdə düşünürdünüz? – Yox, yox! Nə danışırsınız? Sadəcə yuxum gəlmirdi. Dedim zəng edim görüm necəsiniz? – Gülay, başa düşə bilmirəm, nə üçün mənə qarşı olan hisslərinizi etiraf etməyi bacarmırsınız? – Cəlil, sizdən xahiş edirəm bir də mənə, etiraf etməyi bacarmırsan, deməyin. «Etiraf etməyi bacar- mırsan» sözü mənim əsəblərimə toxunur. Çünki məni tanıyan hər bir adam məhz ilk öncə mənim bu xasiyyətimi bəyənir və qiymətləndirir. Doğrudan da məni tanımamısınız. Bir də ki, mən nə lazımdırsa hər şeyi etiraf etmişəm. Yenə deyirəm, sizin xətrinizi çox istəyirəm və sizə böyük hörmətim var. – Sağ ol, Gülay, hörmətiniz artıq olsun. Xətrimi istədiyiniz üçün tez-tez zəng edib əhvalımı soruşur- sunuz. Qayğınıza görə sizə dərin təşəkkür edirəm, – deyən Cəlil səsindəki kinayəni gizlədə bilmədi. – Nədi, xətrinizə dəyirsə bir daha zəng etmərəm. (Gülayın içindən bir qorxu keçdi: «İlahi, birdən deyər ki, bir daha mənə zəng etmə». Onda neynəyim?) – Yox, tez-tez zəng edin. Üzünüzü görməsəm də, heç olmasa səsinizi eşidim. – Yəni, elə gözələm ki, üzümü görmək üçün həsrət çəkirsiniz? – deyən Gülayın şirin gülüşü Cəlilin içində ağlagəlməz dəli bir həvəs, «Gülayı görmək, onun üzünə tökülmüş saçlarının ətrini iyləmək» – oyatdı. Fazil SƏNAN 170 – Gülay, gözəl olduğunuzu bilmək üçün, həmişə özünüzə Cəlilin gözü ilə baxın. – Oldu, baş üstə! – İndi bütün gecəni sizinlə «keçirəcəyəm». Bəs siz necə? – Cəlil soruşdu. – Mən… (bir neçə anlığa Gülay susdu. Sanki cavab verməyə çətinlik çəkirdi. Handan-hana dillən- di.) Heç bir şey, durub yatıram. Bağışla narahat etdim. Gecəniz xeyrə qalsın! * * * Yatağında aranı dağa, dağı arana daşıyan Cəlil nə vaxt yuxuya getdiyini bilmədi. Gördü ki, gözəl bir çəmənlikdə tənha bir ağacın altında dayanan Gülayın baxışları uzaqlara zillənibdi. Cəlil tez bir dəstə çiçək toplayıb Gülaya tərəf getməyə başladı. Gülayın yanına çatan Cəlil «Salam, necəsiniz? Burda niyə durmusu- nuz?» – dedi. – Sağ olun, yaxşıyam. Sizi gözləyirəm, – deyən Gülay incik-incik cavab verdi. – Bəs necə məni gözləyirsiniz ki, mənim xəbərim yoxdur? – Cəlil, siz mənim hisslərimi başa düşmürsünüz. Bilmirsiniz ki, mən sizinlə nəfəs alıram? – Gülay üzü- nü yana çevirdi. Cəlil yaxınlaşıb Gülayın boynunu qucaqlayıb başını sinəsinə sıxdı və xurmayı saçlarının ətrini sinə- sinə çəkdi. Gülayın yanaqları ilə axan göz yaşlarını görən Cəlil tez cib dəsmalını çıxarıb onu sildi və qızın qara gözlərinə baxdı. Həmin qara gözlərin çiçəkləyən baxışlarında öz əksini görən Cəlil Gülayın dəli bir həsrətdən alışıb yanan nazik dodaqlarının alovunu öz dodaqları ilə söndürməyə başladı. Bir azdan Gülayın Yüklə 0,95 Mb. Dostları ilə paylaş:
|