Microsoft Word Nifretin goz yawlari Teze kitab 2018. doc
Yüklə 0,95 Mb. Pdf görüntüsü
|
| Fazil SƏNAN Nifrətin göz yaşları “Elm və təhsil” BAKI – 2018 Fazil SƏNAN 2 Redaktor: Rəsul MUROVDAĞLI Şair-publisist. Fazil SƏNAN. Nifrətin göz yaşları. Bakı, “Elm və təhsil”, 2018, 216 səh. Yazıçı-publisist Fazil Sənan “Nifrətin göz yaşları” adlı yeni nəsr kitabı ilə oxucuların gö- rüşünə gəlmişdir. Kitaba müəllifin 4 povesti və 10 hekayəsi daxil edilmişdir. Fazil Sənan özünün yeni qələm məhsulla- rında bu günümüzlə, mənəvi-əxlaqi dəyərləri- mizlə bağlı məsələlərə toxunmuşdur. Onun oxu- culara təqdim etdiyi yeni obrazlar özlərinin maraqlı duyğu və düşüncələri, həyati mövqeləri ilə maraq doğurur. Kitabdakı yazılar orijinal sənətkarlıq xüsu- siyyətləri və bədii dilinin mükəmməlliyi ilə diq- qəti cəlb edir. Ümidvarıq ki, müəllifin sayca 16-cı olan “Nifrətin göz yaşları” kitabı oxucular tərəfindən rəğbətlə qarşılanacaqdır. ISBN 978-9952-8176-0-7 © Fazil Sənan, 2018 Nifrətin göz yaşları 3 SEVDALI KÖNÜLLƏR arşımda bir kitabın əlyazması var. Oxu- mağa başladım. Məni məndən alıb uzaq- lara apardı. Sona qədər necə oxudum, onu heç özüm də bilmirəm. İndi isə burdayam, elə burda, yəni öz düşüncələrimi yazacağım yerdə!.. Əlyazmanın müəllifi Fazil Sənandır. O Fazil Sə- nan ki, özünü tanımamış imzasını tanımışam. Özünü tanımaq da qismət oldu. Şükür, çox sadə, təvazökar insandı, bir az kobud desəm, yəni bu zəmanənin adamı deyil. Bu əlyazma Fazil müəllimin 16-cı kitabının əlyazmasıdı, 1-ci yox. 16 kitab müəllifinin bu qədər təvazökar olması məni heyrətləndirir. İlk dəfədir ki, ustad bir yazardan bu qədər təvazökarlıq görürəm. Əl- qərəz, bu yazıları oxuyan varsa, demək, Fazil mü- əllimin 16-cı görüşü baş tutub. İcazənizlə, siz oxucu- larla könlümü yaxın edib bu sadə, gözəl insanı al- qışlayım və mübarək görüşünüz mübarək olsun Fazil Sənan, - deyim!!!. *** Bəli, indi keçək əsas məsələyə... "Nifrətin göz yaşları" adlı bu kitabda dörd povest və on hekayə var. Bu povest və hekayələrdə iki gəncin bir birinə olan saf məhəbbəti üstünlük təşkil etməsinə baxmaya- raq, vətən eşqi, milli dəyərlər və günümüzün digər ya- şanmış real hadisələri də əks olunur. Q Fazil SƏNAN 4 Fazil müəllimin yazılarının çox böyük hissəsi yaşanmış real hadisələrə söykənir. Fazil Sənan yaradı- cılığının sevilməsinin ən böyük sirri də məncə elə bundadır. Kitab adını aldığı "Nifrətin göz yaşları" po - vesti ilə başlayır. Oxumadan öncə düşüncələr insanı haralara çəkir, haralara?!. Povest evli bir qadına dəli sevgi ilə bağlanan Üfüqün, son ana qədər sevgisinə sa- diq qalan Dənizin keçdikləri acılı-şirinli sevgi yolla- rından bəhs edir. Bundan əlavə əsərdə dost etibarına, milli adət-ənənələrə də xüsusi yer ayrılır. Eyni idarədə işləyən Üfüqlə Dəniz povestin baş qəhrəmanlarıdı. Dənizə ülvi məhəbbətlə bağlanan Üfüq sevgi oduyla qovrulur. Dənizin ona : "Nə zaman burdan gedirsən?" - sözlərini nifrət kimi qəbul edən Üfüq işdən ayrılır. Eyni şəhərdə Dənizdən aralı yaşa- mağı qəbul edə bilməyən Üfüq Rusiyaya - dostunun yanına gedir. Dənizin isə xəyalları hərdən Üfüqə tərəf boylan- sa da, özünü qınayır və illərdir özündən uzaqlarda olan, bir dəfə də olsun bir zənglə, ya da məktubla belə onu yada salmayan ərinin namusuna ləkə gətirmədən yolunu gözləyir. Həsrət amansız, zaman yüyrək olar. Povestdə Üfüqlə Dənizin sevgisindən vüsal, vüsaldan ayrılıq, ayrılıqdan nələrin doğduğunu oxuduqca kövrək düşüncələrimi poeziyanın dili ilə ifadə etməyə çalışdım: Ürəklərdə boy atıb, vərəqlərdə inləyib,- "Nifrətin göz yaşı"ndan doğulan bir məhəbbət. İşvəsini yazmağa qələm cəsarət etmir, Bir şeirə sığışmır bu dəcəl, kür məhəbbət. Nifrətin göz yaşları 5 Fazil Sənan könlünün tellərin zilə çəkib, Bülbülü mat eyləyən sevgisin gülə çəkib, Hər sözü bircə-bircə rəssamtək elə çəkib, Hər sözdə göy məhəbbət, hər sözdə yer məhəbbət. Ürəklər hey ah çəkib olsa da qabar-qabar, Ömrün tale yüküdü, yazılıbsa dərd, qubar. Nifrətdən keçən eşqdə ayrılıq var, vüsal var, Ayrılıq doğan vüsal, vüsalda sirr məhəbbət. "Bir cüt qərənfil" povestində Atəşin Səmaya olan müqəddəs sevgisindən söhbət gedir. Səmanı bü- tün varlığı ilə sevən Atəşin sevgisinə biganə olmayan Səma ürəyinin ən uca zirvəsində olan ata məhəbbə- tinin yanına heç bir sevgini yaxınlaşdırmayacağına inanır və bu inamı da qorumağa çalışır. Lakin ata itkisi yaşadıqdan sonra həyatına qəst edən Səma xəstəxa- naya düşür. Atəş isə gecə həkimdən icazə alaraq Sə- manın baş ucunda dayanıb sağalması üçün Allaha dua edir. Duası qəbul olan Atəş Səmadan hansı cavabı aldığını, bundan sonra Səmaya qarşı olan sevgisini və Səmanın ata məhəbbətini Səma qədər necə əzizlədiyi- ni lirik bir duyğu ilə Fazil Sənan oxuculara çatdırır. Mənsə Atəşin sevən ürəyinin həsrət döyüntülə- rini bir bəndlə oxucuya çatdırmaq istəyirəm. Sarışın qız, dilim tutmur söz deyəm, Qorxuram ki, öldürəsən yox deyib. Həsrətinə işıq olan közdəyəm, Köz ağlayır ürəyimdən yağ yeyib. «Ürək ağrısı» povestində isə bir kənddə yaşaya Cəmil və Şəlalənin sevgidən qismətlərinə düşən pay qələmə alınıb. Yüklə 0,95 Mb. Dostları ilə paylaş:
|