Microsoft Word Nifretin goz yawlari Teze kitab 2018. doc
Yüklə 0,95 Mb. Pdf görüntüsü
|
Fazil SƏNAN 6 Məsəl var ki, gözə qadağa yoxdu. Göz ürəyi də öz tərəfinə çəkir. Təsadüfi olan görüş zamanı elə ilk baxışdan Cəmillə Şəlalənin də ürəyinə sevgi toxumu səpilir. Şəlalə sevgisinin əsiri olmasına baxmayaraq, gecə-gündüz çalışıb ali məktəbə daxil olur. Aralı qal- maq bu sevgidə Cəmil və Şəlaləyə nələr verir, nələr alır bunlar Fazil Sənan ustalığı ilə yerli yerində ardı- cıllıqla povestdə öz əksini tapır. Şəlalənin Cəmilə ürək ağrıdan etirafı və sevən qəlbinin göz yaşları məni necə duyğulandırdısa, poe- ziyadan yan keçə bilmədim. Şəlalənin Cəmil üçün ya- naqları aşağı süzülən göz yaşını bir şeirlə qurulamağa çalışmışam: Məhəbbətin göz yaşıdı gözümdə, Silmə gözlərimi, yaşı inciyər. Bu yaş mənə həm hicrandı, həm vüsal, Bu yaşdan duyğusuz, naşı inciyər. Gözlərimdən gəl bir arx çək, yu eşqi, Ləkə salmaz, pak eyləyər su eşqi. Göz yaşımla cücərdəcəm bu eşqi, Yoxsa ürəyimin başı inciyər. Boylanırsan divarından ömrümün, Sevincindən, qubarından ömrümün. Payım olub baharından ömrümün, İndi ağlamasam qışı inciyər. "Kolleksiya" povesti haqda nə yazım bilmirəm. Hələ də bu povestin ağrılarının təsiri altında qalmı- şam. Qələm hansı tərəfə çəksə elə o tərəfə də gedə- siyəm. Nifrətin göz yaşları 7 Povestdə müharibənin ağrı-acılarını yaşayan iki gəncin nakam məhəbbəti göz önünə sərilir. Düşmən gülləsi nəticəsində Gülərin nakam qalmış məhəbbəti məndən asılı olmayaraq aşağıdakı dörd misra ilə özü- nə "ağı" dedizdirdi. Bir istək boy atdı iki ürəkdə, Var oldu məhəbbət tacına bağlı. Arzusu qızılgül ləçəklərinə, Qisməti güllənin ucuna bağlı. Məni çox duyğulandırdı Fazil Sənanın "Kollek- siya"sı. İllər öncə Əlibala Hacızadənin "Ayrılığın sonu yoxmuş" kitabını oxumuşdum, bu iki misra ordan yaddaşımda qalıb: "Ayrılıq var sonu şirin vüsaldı, Ayrılıq var sonu yoxmuş, ay aman." Bax... - mən də elə "AY AMAN" deyib bu po- vest haqda fikrimi sonlandırıram. * * * Kitabda bir-birindən maraqlı hekayələr könül oxşayır. Hekayələr "Həsrətində gözlə məni" və "Ağlaya bilmədim" adlı iki bölmə şəklində verilib. Yazıçının povestləri və "Həsrətində gözlə məni" böl- məsində verilən hekayələrini Sevdalı könüllər xətti ətrafında birləşdirmək olar. Povestlərdə və həmin böl- mədə verilən hekayələrdə sevdalı könüllər tərənnüm olunur. Obrazlar müxtəlif olsa da, hamısının bir arzusu var: – həsrətə qalib gəlmək və vüsala qovuşmaq... Fazil SƏNAN 8 "Ağlaya bilmədim" bölməsində verilən heka- yələrdə isə yazıçı cəmiyyətdə baş alıb gedən ağrıları oxucu diqqətinə çəkir və həmin ağrılardan oxucuları ibrət dərsi götürməyə çağırır. Mən sözümü yekunlaşdırıram. İnanıram ki, Fa- zil Sənanın «NİFRƏTİN GÖZ YAŞLARI» adlı yeni kitabı sevilən kitablar sırasında özünə yer tutacaqdı. 18.01.2018 Rəsul MUROVDAĞLI, şair-publisist, Azərbaycan Yazıçılar birliyinin üzvü. Nifrətin göz yaşları 9 POVESTLƏR Fazil SƏNAN 10 NİFRƏTİN GÖZ YAŞLARI ş yerinə yaxınlaşdıqca ürək döyüntüsü art- mağa başladı. «Yox getməliyəm» fikrində qətiləşdirdi. Pillələri çıxdıqca elə bil həmişə bir nəfəsə çıxdığı pillələr deyildi. Tənginəfəsliyi art- mağa, bədənini tər basmağa başladı: «Bu pillələrlə mənim axırıncı çıxışımdı. Bir daha buralarda görün- məyəcəyəm. Mənim burada işləməyim onu mənən ra- hat buraxmır. Bütün varlığıyla mənə nifrət edir. Bunu başa düşməyə nə var ki?» fikirləri ilə pillələri çıxıb qurtardı və otağına girib iş stolunun arxasına keçdi. Stolun siyirməsini çəkib ağ bir kağız çıxardaraq qarşı- sına qoydu və yazıb qurtarandan sonra ayağa qalxıb otaqdan çıxdı. Dəhlizlə gedib «Şöbə müdiri: Dəniz Vüqarlı» yazılmış qapının ağzında dayandı. Qapının yanında divara vurulmuş lövhəni bir də nəzərdən keçi- rib yavaşca qapını döydü. İçəridən «Buyurun» sözünü eşitcək qapını açıb içəri keçdi. Stolun arxasında əyləş- miş Dənizin baxışları ilə baxışlarının çarpazlaşmaması üçün başını aşağı dikdi. - Eşidirəm, Üfüq! Xeyir ola, belə səhər-səhər? – deyən Dənizin səsindən içərisinə yayılan anlaşılmaz duyğuları qəddarcasına boğaraq, əlində tutduğu kağızı stolun üstünə qoydu. - Bu nədi? Dəniz çaşqın halda soruşdu. - Ərizədi. İ Nifrətin göz yaşları 11 - Nə üçün? Dəniz təəccüblə Üfüqün üzünə bax- dı. - İşdən çıxmaq üçün. - İndi iş yeri tapmaq çox çətindi. Bilmək olarmı nə üçün işdən gedirsiniz? - Niyə, bilmirsiniz? Bizim bir yerdə işləməyimiz mümkün deyil. - Nə üçün Üfüq? Mənim sizə nə pisliyim keçib ki, elə deyirsiniz? Dəniz səbəbi bilsə də özünü o yerə qoymadı. - Siz mənə nifrət edirsiniz. Nifrətinizlə hər gün qarşılaşmaq istəmirəm. Xahiş edirəm ərizəyə qol çə- kin, gedim. Üfüq üzünü yana çevirdi. - Heç olmasa o nifrətin birini xatırlatsan yaxşı olar. - İki gün bundan əvvəl gülə-gülə dediyiniz «Nə vaxt gedirsiniz?» sözlərini nə tez yadınızdan çıxartdı- nız? Üfüqün dodaqlarının səyirməsi Dənizin diqqə- tindən yayınmadı. - Mən o sözü zarafatla dedim. Nə yaman xətri- nizə dəyibdi. - Dəniz xanım, gəlin söhbəti çox uzatmayaq. Di- liniz gözünüzlə ürəyinizə xəyanət edir. Bu xəyanətdən nə vaxtsa peşman olacaqsınız. Ürəyinizdə həmişə mə- ni axtaracaqsınız. Ağılla hisslərinizi cilalayıb nifrət eləyirsiniz. İndi nə məni görün, nə də nifrət edin. Xa- hiş edirəm, ərizəyə qol çəkin, - dedi Üfüq. Özünü sındırmayan Dəniz ərizənin kənarına «Ərizəsinə əsasən işdən azad edilsin» sözlərini yazıb qol çəkdi və ərizəni Üfüqə uzadaraq «Düz fikirləşmi- siniz. Getməyiniz daha yaxşıdır» - dedi. - Elə mən də onu fikirləşdim. Sizinlə bir yerdə işləməkdən, hətta bir ölkədə yaşamaqdan ayrılıram. Sağ olun. Salamat qalın, - deyən Üfüq qapıdan çıxdı. Yüklə 0,95 Mb. Dostları ilə paylaş:
|