Microsoft Word Nifretin goz yawlari Teze kitab 2018. doc
Yüklə 0,95 Mb. Pdf görüntüsü
|
Nifrətin göz yaşları 19 - Yaxşı, gedin, – deyən Dəniz Muradın arxa- sınca baxdı və öz-özünə «Halaldı sənə Üfüq. Dərdini mənim kimi içində çəkmisən. Nə etməli» - ürəyindən keçirtdi. * * * İş günün necə başa çatdığını bilmədi. Ayağa qalxdı, üst-başını səliqəyə salıb kabinetdən çıxdı və qapını bağladı. Dəhlizi nəzərdən keçirtdi. Heç kimin olmadığına əmin olandan sonra Üfüqün iş otağının qapısını açıb içəriyə daxil oldu. «Stolun arxasında Üfüqü gördü. Lakin Üfüq çö- nüb ona tərəf baxmadı. - Niyə mənə tərəf baxmırsan? Həmişə deyirdin saçlarının çiyinlərinə tökülməyini və gözlərinin dərinliyində heç kəsin görə bilmədiyi sonsuzluğu çox sevirəm. Bax, saçlarımı çiyinlərimə tökmüşəm. Dur ürəyin istədiyi kimi oxşa, öp. - Sağ ol. Gecdi. Nifrətini də özümlə götürüb getdim. Məni ölmüş bil. - Yox, yox! Nə danışırsan? Elə demə. Nə nifrət! Mən sənsiz yaşaya bilmirəm. Görmürsən neçə dəfə otağına daxil olmuşam? Bu sevmək deyilmi?” Öz-özünə danışdığını hiss edən Dəniz «Yox, de- yəsən mən dəli oluram. Yoxsa ağlımı itirirəm? Bu nə- dir? Belə ki, ondan ötəri ölürdün niyə qoyurdun get- məyə?..» - qəlbindən keçən fikirləri özündən uzaqlaş- dırmaq məqsədi ilə otaqdan çölə çıxdı və qapını bağ- layıb pillələrlə aşağı düşməyə başladı. Evə çatdı, paltarını dəyişib qaynanasına kömək eləmək istədi. Lakin Zərifə arvad «Qadan canıma, hər şeyi özüm eləmişəm. Sən otur çörəyini ye. Gözümə bir təhər dəyirsən. Xəstələnmisən?» - dedi. Fazil SƏNAN 20 - Yox, yox, xala. Sadəcə işdə yorulmuşam. Ona görə elə görünürəm. Dəniz yemək stolunun arxasına keçdi. Yeməyini yeyib, qalxıb stolun üstünü təmizlədi, qabları yuyub yerinə qoydu. Divanda əyləşib təzə qə- zetləri nəzərdən keçirməyə başladı. Bir az keçmiş İs- lam kişi içəri girdi. - Axşamın xeyir, a qızım. Nətərisən? Kefin ne- cədi? Tez ayağa qalxan Dəniz qayınatasına «Sağ ol, əmi! Yaxşıyam. Kefim də əladı» - deyərək gülümsün- dü. - Burda bir balaca yalan dedin. Gözlərinə ba- xanda kefinin yaxşı olmadığını görürəm. – deyən İs- lam kişi stolun arxasına keçdi. - İşdə yorulmuşam. Yəqin ona görə elə görü- nürəm. Qoy bir çay gətirim. Dəniz mətbəxə keçdi. - Hə bu başqa məsələ. Sənin çayından olmaz, gəlin. Sinidəki stəkanı və qənd qabını stolun üstünə qoyan Dəniz: - Yox, əmi, mən dəmləməmişəm. Xalam dəm- ləyibdi. Bu çay daha tamlı olar. – dedi və güldü. Bir xeyli televizora baxandan sonra, Dəniz sto- lun üstünü yenidən səliqəyə saldı, qabları təmizləyib yerinə qoydu və qayınanasının yanına gəlib, «Xala, mənlik bir iş yoxdursa, gedim yatım» - dedi. - Yox, ay qızım. Get yat, qadan alım. Tezdən axşama kimi hökumətin işində yorulursan. Get dincəl, get, başına dönüm. Zərifə gəlininin yataq otağına get- məsini təkid etdi. Nifrətin göz yaşları 21 * * * Gəlininin yataq otağına keçdiyindən əmin olan Zərifə arvad üzünü ərinə tutub, özünəməxsus aramla sözə başladı: - Ay İslam, hər dəfə bu gəlinə baxanda ürəyim- dən qara qanlar axır. Axı belə olmaz. Xalxın qızını gə- tirib oturtmuşuq burda. Kənardan baxan adama nə deyir? - Allah, vecsiz oğulu adama verincə bir qara daş versəydi daha yaxşı olardı. Neynim, ay arvad, yol-iz bilirəm ki? İki-üç aydan bir zəng edir ki, gəlirəm. Hələ də gəlir. Az qalıb beş il ola getdiyi. Hələ də bir xəbər yoxdur. Yerini də doğru-düzgün demir. Nə kələyi var- sa, baş aça bilmirəm. - Yox kişi, belə olmaz. Yaxşı gəlindir. Heç kim bu oyuna oynamaz. Bir-iki ay qalıbdı yazın gəlməyi- nə. Havalar qızan kimi gəlin iş yerinin böyüklərindən icazə alsın. Rüstəmin dalınca özü getsin. Uşağı da yoxdu ki, heç olmasa başını onunla qata. - Zərifə, gəlinə denən bir həkimə getsin. - Demişəm, a kişi. Hər dəfə deyəndə yaxşı gedə- rəm deyibdi. Vallah nəticəsini soruşmağa utanmışam. Çox abırlı gəlindi. Oğlumun üzü qara olsun. - Yox arvad, bu məsələni belə qoymaq olmaz. Ağıllı söz deyirsən. Sən gəlinə özün de ki, Rüstəmin yerini-yurdunu ətraflı öyrənsin, havalar isinən kimi getsin görsün bu gədənin dərdi nədi? - Hə, özüm deyərəm. Daha gəlinin üzünə baxa bilmirəm. Xəcalət çəkirəm. Nə deyim vallah. Qalmı- şam belə. Oğlumun başımıza gətirdiyi oyunu fikirlə- şəndə başımdan tüstü çıxır. Dur a kişi, dur gir yerinə. - Sən get yat, ay arvad. Bu kino qurtarsın, sonra yatacağam – deyən İslam kişi mütəkkəyə dirsəklənib televizora diqqət kəsildi. Fazil SƏNAN 22 - Bəxtəvər başına. Kinoya da baxır. – deyən Zə- rifə arvad incik-incik ayağa qalxıb yataq otağına keç- di. * * * Yataq otağına girən Dəniz, paltarını soyunub iki adamlıq mebel çarpayısına baxdı. Qoşa qoyulmuş ba- lınca gözü sataşdı. Bu qoşa balıncda cəmi-cümlətanı yeddi-səkkiz ay birlikdə yatmışdılar. Artıq beş ilə az qalır ki, çarpayıda tənha yatan Dəniz hər gecə yatağına girəndə Rüstəmlə birgə keçirtdikləri o yeddi-səkkiz ayın xəyalları ilə ovunub yuxuya gedir. Dəniz heç vaxt ağlına sığışdıra bilməzdi ki, Rüstəm bu tezliklə ondan doysun. Heç indi də elə bir fikri özünə yaxın burax- mır. Elə onun üçün də Üfüq fikrini özündən uzaqlaş- dırırdı. İşığı söndürüb yerinə girdi və yorğanı sinəsinə kimi çəkdi. Özündən asılı olmayaraq fikri onu bu gün iş yerində «qarşılaşdığı» məqamlara apardı. Qaynanası ilə qayınatasının qaranlıq otağa sızıb gələn söhbəti Dənizin fikrini qapıya doğru yönəltdi. Şüşəbənddə gedən söhbətin otaqda aydın eşidilməsi Dənizin yataq otağının qapısının aralı qalması səbə- bindən olmuşdu. Qapının arasından düşən işıq zolağı özü ilə birlikdə İslam kişi ilə Zərifə arvadın arasında gedən söhbəti Dənizə “çatdırırdı”. Əvvəldən axıra ki- mi qarı-qoca arasında gedən söhbəti eşidən Dəniz hər iki qocanın çıxılmaz vəziyyətə düşdüyünü çoxdan ba- şa düşsə də amma indi onlara yazığı gəldi. Övlad- larının xəcalətini çəkən qarı-qoca Dənizin gözündə da- ha da ucaldılar. Dəniz qayınanasının və qayınatasının gəlin kimi onu belə çox sevmələrini, çox istəmələrini eşitdikcə gözünün yaşını yorğanın küncü ilə silərək, Yüklə 0,95 Mb. Dostları ilə paylaş:
|