Kəmaləddin Heydərov İlham Əliyevin nümayəndəsi kimi Qəbələdə böyük
bir təbliğat
kampaniyası həyata keçirdi. Ən ucqar dağ kəndlərinə qədər hamısına şəxsən özü baş çəkdi,
məktəblərin təmirinə və təchizinə köməklik etdi və 70 tədris ocağına kompüter dəsti
bağışladı. Yerli əhali arasında olarkən ən layiqli namizədin, məhz İlham Əliyevin
Azərbaycana gərəkli olduğunu, onun sayəsində ölkəmizin müqəddəratının həll olunduğunu
dilə gətirməklə əhalinin inamını daha da artırdı. Həqiqətən də dövlətdən və onun bacarıqlı
məmurlarından dəstək görən sakinlər verilən
sözün düz olduğunu görür, bugünkü inkişafla
özünü, siyasətini təsdiqləyən ölkə başçısının, cənab İlham Əliyevin məharətinə heyran
qalırlar.
Sadə camaat Kəmaləddin Heydərovun dövlətə, xalqa sadiqliyini, cənab İlham Əliyevin
siyasətini nəinki dəstəklədiyini, hətta öz əməlləri ilə ona
arxa olduğunu dərk edir, görülən
nailiyyətlərin, yüksələn iqtisadiyyatın inkişafında bu dövlət məmurunun da xidmətləri
olduğunu düşünür. Qəbələlilər yaxşı bilir ki, bu insan prezidentin bütün tapşırıqlarının həll
olunmasında fəallıq göstərir, xüsusən rayonda əhalinin yaxşı yaşayışı üçün imkanlarını
səfərbər edir ki, təhkim olunduğu bölgədə dövlət siyasətinin bütün gerçəklikləri əks
olunsun.
Dövlət Gömrük Komitəsindəki fəaliyyəti jurnalistlərin diqqətindən yayınmadığı kimi,
hazırkı vəzifəsi də maraqla izlənilir. Çünki Fövqəladə Hallar Nazirliyi mövcud
olmamışdan əvvəl indiki ona aid təşkilatlar yarıtmaz halda idi. İndi
isə dövlət tərəfindən
bu qrum üçün yeni binaların verilməsi, nazirliyin yeni texniki avadanlıqlarla təchizi, bir
sözlə bu sahənin bütün nailiyyətləri Kəmaləddin Heydərovun dövlət tapşırıqlarını lazımi
səviyyədə yerinə yetirdiyini sübut edir. Nazirliyin yaradılmasının 2-ci ildönümü
münasibəti ilə keçirilən mərasimdə də dövlətin rəhbəri alınan son avadanlıqlardan
məmnun qaldı, şəxsi heyətin qısa vaxta peşə vərdişlərinə yiyələnməsini alqışladı və
ölkəmizdə bu qrumun daha da təşəkkülü üçün tövsiyyələrini verdi. Həmin mərasim o
qədər möhtəşəm idi ki... alınan texnikanı və nizamlı heyəti görəndə, dənizdə və yüksək
mərtəbəli binalarda təhlükəli hadisələrin dəf edilməsindən ötrü peşəkar mütəxəssislərin
hazırlıqlı vəziyyəti dövlət siyasətinin bəhrəsi kimi hər birimizə inam verir ki, əgər
yanğınsöndürənlərimiz
belə təchiz olunubsa, onda görün düşmənlə üz-üzə dayanan
əsgərlərimiz üçün dövlət tərəfindən nələr alınmayıb?....
Azərbaycanda hər bir sahəsinin inkişafı üçün dövlət kifayət qədər pul ayırır və şəxsən
cənab prezident İlham Əliyev özü nəzarət edir ki, bugünkü svilizasiyalı aləmdə ölkəmiz
öz siyasəti ilə beynəlxalq mühitin diqqətini çəksin. Bu baxımdan Qəbələ rayonu da ölkə
siyasətinin güzgüsü olan regionlardan sayılır və buradakı gerçəklik respublikamızdakı
inkişafdan soraq verir...
SƏHİYYƏNİN SON YENİLİKLƏRİ
SAĞLAMLIĞA TƏMİNATDIR
Həyatda yaxşı ömür sürmək üçün can sağlığı ən vacib şərtdir. Atalar demiş “sağlam
bədəndə sağlam ruh olar”. Düşünmə qabiliyyəti ilə yanaşı fiziki fəaliyyət rahat, ağrısız
orqanizmin gümrahlığı sayəsində mümkündür. Bunun üçün də insan övdadının həmişə
təbibə ehtiyacı var.
Azərbaycan dövləti bütün sahələrdə olduğu kimi səhiyyədə də islahatlar apardı. İndi
dünya təbabətinin son nailiyyətləri ölkəmizin səhiyyə müəssisələrində sınaqdan keçirilir.
Körpə nəslin sağlamlığını təmin edən dövlət proqramı gerçəkləşib.
Heydər Əliyev
fondunun prezidenti Mehriban xanım Əliyevanın dəstəyi ilə uşaqların sağlamlığı
istiqamətində mühüm işlər görülür.
Bölgələrdə də səhiyyə müəssisələri müasir tələblərə əsasən qurulur. Uzun illər rayon
camaatı ən xırda bir bəladan ötrü məsafələr qət etməli olur, paytaxtın səhiyyə ocaqlarına
üz tuturdu. Həm maddi cəhətdən ziyana düşür, həm də müalicə üçün təyin olunan bir neçə
kursu axıracan ala bilməyən xəstələr az deyildi. Rayonlarda mərkəzləşdirilmiş
xəstəxanalar olsa da onların tibbi bazası zəif olduğundan səhiyyədə yarıtmaz xidmət
mövcud idi. Bu gün isə ölkə cərrahiyyəsinin hətta bölgələrdə ən ağır əməliyyatlar
aparmaq imkanı var. Tələb olunan peşəkar tibbi heyətlə yanaşı, ən müasir avadanlıqlarla
təchiz olunan yerli diaqnostika mərkəzləri əhalinin xidmətinə verilib. İlkin
olaraq bir neçə
rayonda cərrahiyyə əməliyyatının (Lənkəran diaqnostika mərkəzində açıq ürək üzərində
əməliyyatın uğurla keçməsi səhiyyəmizin uğurudur) şahidi olanda da millətimiz bu
yeniliklərdən ona görə məmnunluq duydu ki, ölkə əhalisinin sağlamlığına təminat verən
dövlət siyasəti gerçəkləşib.
Qəbələdə yeni Diaqnostika Mərkəzinin təməlinə imza atan prezident İlham Əliyev ən
son tibbi avadanlıqlarla təmin olunmuş yeni səhiyyə xidmətinin əsasını qoydu. ARDNŞ-in
sifarişi ilə tikilən bu mərkəzə 4
milyon manat, o cümlədən avadanlığın, cihazların və digər
inventarların alınması üçün 3,5 milyon manat vəsait xərclənib. Binanın xarici görünüşü də
ölkə başçısının tələb və tapşırıqları əsasında müasir standartlara uyğun inşa edilib.
Regional Diaqnostika Mərkəzində 20 çarpayılıq cərrahiyyə, 10 çarpayılıq dializ və 5
çarpayılıq reanimasiya şöbəsi nəzərdə tutulub. Aptek, qəbul otağı, lor, göz, , stomotoloji,
exokardioqrafiya, rentgen kabinetləri mövcuddur. Səhiyyə ocağı yaxın rayonların
əhalisinə də xidmət göstərir.
Regional Diaqnostika Mərkəzində yerli mütəxəssislər açıq ürək üzərində cərrahiyyə
əməliyyatlarını müvəffəqiyyətlə həyata keçirirlər. 2009-cu ilin aprel ayının 21-də Mərkəzi
Neftçilər xəstəxanasının yüksək ixtisaslı həkimləri şirkətin vəsaiti hesabına üş xəstənin
ürəyində əməliyyat apardılar. Bu ölkəmizin tibb aləmində regionlarda
ilk aorta-koronar
şuntlama əməliyyatı hesab edilir. Tibb ocağında 50-dən yuxarı xroniki böyrək
çatışmazlığı olan şəxslər müalicə olunur.
Hətta səyyar stasionar xidmət, tibb kabinələri ilə təmin olunan təcili yardım maşınları
kəndlərdə ən ağır xəstələrə kömək edə biləcək. Kəndlərdə xəstəxana binaları təmir edilib,
lazımi yerlərdə feldşer-mama məntəqələri yaradılıb.
1998-ci ildən 180 çarpayılıq mərkəzi xəstəxana sakinlərin istifadəsindədir. Həmçinin
əhaliyə bir rayon poliklinkası, 1 uşaq xəstəxanası, üç qəsəbə xəstəxanası, 6 həkim
ambulatoriyası, 37 feldşer mama məntəqəsi, gigiyena və epidemiologiya mərkəzi xidmət
göstərir. İndi bütün kəndlərdə ikimərtəbəli və müasir avadanlıqlarla təchiz olunmuş tibb
məntəqələrinin tikilməsi ilə bağlı layihələr təsdiqlənib...