Yaponiya səfirliyinin maliyyə dəstəyi ilə Kötüklü kəndində tikilən 240 şagird
yerlik
orta məktəb binasında tamamlama işləri aparıldı. Məktəb həm də müasir avadanlıqlarla
təchiz edildi. Respublika Prezidenti cənab İlham Əliyevin rayona səfərinin nəticəsi olaraq
tərtib edilmiş əlavə tədbirlər planında nəzərdə tutulmuş 380 yerlik müasir tədris
kompleksinin tikintisi başa çatdırıldı. Qəbələdə təhsilin müasir səviyyəsinin təsdiqi olacaq
bu müəssisə tədris korpusundan, oğlan və qızlar üçün yataqxanadan, yeməkxanadan,
idman və akt zallarından ibarətdir. İstifadəyə verilmiş 480 yerlik Nohurqışlaq
kənd orta
məktəbi üçün yeni idman zalının və Bum qəsəbə əsas məktəbi üçün qazanxananın tikintisi
də son yeniliklərdəndir. Bunlarla bir sırada regionların sosial-iqtisadi inkişafına dair
Dövlət Proqramına müvafiq olaraq Qəmərvan kəndində 320, Yenikənddə 480 şagird
yerlik yeni orta məktəb binalarının tikintisi gündəmə düşdü.
Rayonun 68 ümumtəhsil məktəbində 21 min şagird isə etimadı doğruldaraq tələbə
adını qazanmaq həvəsindədir. Hər il 200 - 250 Qəbələ məzunu tələbə vəsiqəsi alır...
UZAĞI YAXINLAŞDIRAN TELLƏR
Azərbaycan dünyanın ən mötəbər təşkilatlarına üzv olaraq həm poçt rabitəsində, həm
də informasiya kommunikasiya sahəsində uğurları ilə təmsil olunursa deməli, bu
sektorun nailiyyətlərindən hər bir vətəndaşımız bəhrələnir. Beynəlxalq aləmə çıxış
burada yaşayan, respublikamızda fəaliyyət göstərən
xarici sərmayədara nə qədər
vacibdirsə, bölgə əhalisinin də bu xidmətdən yararlanmaq istəyi başadüşüləndir. Rabitə
isə hər kəsin rahatlığı, nigarançılığa son qoyan elə bir ünsiyyət vasitəsidir ki, tez bir anda
istədiyin insanla əlaqə qura bilirsən, maraqlandığın xəbəri əldə edirsən.
Uzun illər idi ki, bəzi dağ kəndləri rabitəsiz qalmışdı. Dağların əhatəsində olan bəzi
kəndlərinin sakinləri isə ağıllarına
belə gətirməzdilər ki, qısa zamanda bütün kəndlər
elektron stansiyalarla təmin olunacaq. Ümummilli lider Heydər Əliyevin xatirəsinin
elliklə anıldığı ərəfədə Qəbələlilərə töhfə verilən yeni proqram bütün ərazilərin
telefonlaşdırılması prosesini başa çatdırdı. Tədbirlər planı tərtib edilərək qarşıya müəyyən
vəzifələr qoyuldu. Sərf edilən investisiya nəticəsində Bum,
Böyük Pirəli, Kürd,
Bayramkovxalı, Mirzəbəyli kəndlərində olan koordinat tipli stansiyalar dəyişdirilərək
Elektron Avtomat Telefon Stansiyası ilə əvəz olundu, Vəndam qəsəbəsində 512 nömrəlik
Elektron stansiyanın tutumu genişləndirilərək 768 nömrəyə çatdırıldı və həmin kəndlərdə
rabitə binaları əsaslı təmir edildi. Kürd və Mıxlıqovaq kəndlərində isə yeni Elektron
Avtomat Telefon Stansiyası istifadəyə verildi. Mıxlıqovaq kəndində yeni 512 nömrəlik
stansiya quraşdırıldı. Yuxarıda sadalanan kəndlərin yeni telefon stansiyalarının xətt
şəbəkəsində də əsaslı təmir və tikinti işləri aparılıb. Hal-hazırda telefon aparatlarının
sayına görə Qəbələ TKQ-da EATS-lərin xidmətindən istifadə edən abunəçilərin sayı
6800, koordinat ATS-lərin xidmətindən istifadə edən abunəçilərin sayı 650
nəfər təşkil
edir. Ümumiyyətlə şəbəkədən istifadə edən abunəçilərin çəkisi 91,2 % təşkil edir. Dızaxlı,
Quşlar, Qəmərvan və Cığatellidə təxirəsalınmaz işlər aparılır və 2007-ci ilin sonundan
abunəçilərin hamısı dünya standartlarına cavab verən Elektron Avtomat Telefon
Stansiyasının xidmətindən istifadə edir.
Nəhayət, rabitə tamamilə elektronlaşdı. Hətta Qaraçayın o üzündə olan ən ucqar
kənddə Solquca əhalisinə də telefon xidməti göstərilir.
Bu rayon haqqında daha ətraflı məlumatların əldə olunması üçün yaradılan elektron
səhifələr də bölgə haqqında bilgilər almağa kömək edir. Əsasən turizm saytlarında rayon
barəsində məlumatlar əksini tapır, şəkilli veb-səhifələrdə təbiətin ən maraqlı lövhələri əks
olunub. Dünyanın o başında olan, planetin uzaq sakini də Qəbələdəki son yeniliklərdən
xəbər tutmaq imkanına malikdir. Bu isə bölgənin virtual aləmdə nüfuzunu artırır və
elektron istifadəçisinin diqqətini cəlb edir...
RAYONUN İDMAN HƏYATI
Ölkəmizdə idmanın inkişafı göz qabağındadır. İndi əksər
bölgələrdə olimpiya
kompleksləri tikilib və hər bir idman növü üzrə gənclərə şərait yaradılıb. Ayrı-ayrı
sahələrin inkişafı üçün xüsusi proqramlar hazırlanıb, federasiyalar yaradılıb. Məhz bunun
sayəsində aparılan islahatlar artıq nəticəsini göstərir. Azərbaycan Pekində keçirilən
olimpiya oyunlarına əvvəlki illərlə müqayisədə daha çox vəsiqə qazandı. Növbəti
olimpiadaya bundan da artıq idmançının yola düşəcəyi gözlənilir.
Bəli, idmançılarımız, ölkəmizi layiqli təmsil edirlər. Gələ-cəkdə idmançılar nəsli
yetişdikdən sonra uğurlarımızın sayı da təbii ki, artacaq. İdmançıların beynəlxalq arenada
ən mötəbər kürsülərə qalxması üçün dövlətimiz əzmlə çalışır.
Rayonlarda da bu məsələyə ciddi fikir verilir. Qəbələnin
kəndlərində stadionlar inşa
olunur və yeni idman klublarının tikilməsi nəzərdə tutulur.
Voleybol, futbol, ağır atletika, nərd, şahmat, dama, stolüstü tennis üzrə idmançılar
yetişdirilir. Qəbələlilər dəfələrlə yerli və beynəlxalq yarışlarda mükafatlar qazanıblar.
“Azərbaycan Respublikasında 2005-2015-ci illərdə futbolun inkişafına dair Dövlət
Proqramı”na uyğun olaraq, Qəbələdə bu idman növünə xüsusi diqqət yetirilir. Qəbələ
futbol klubu öz sıralarına ən güclüləri yığmaqla çempionatlarda birincilik uğrunda
mübarizə aparır. Ən nəhəng legionerləri Qəbələyə dəvət edirlər. Ancaq gələcəkdə öz
idmançılarımızın püxtələşməsi üçün klubun nəzdində yeniyetmə və uşaqlardan
ibarət iki
komanda yaradılıb. Uşaq futbolunun inkişafı, balaca istedadların hazırlanması prosesi
gedir. Uşaq futbol Akademiyasının qurulmasına isə İngilis şirkəti cəlb edilib.
Akademiyanın nəzdində beş-altı meydançanın salınması planlaşdırılıb. Bacarıqlı uşaqlar
həmin akademiyada təhsil alacaqlar. Uşaqlarla işləmək üçün təcrübəli mütəxəssislər
Qəbələyə dəvət edilib. Bu məqsədlə türkiyəli Ali Yavaşın rəhbərlik etdiyi qardaş ölkənin
nümayəndə heyəti ilə müqavilə bağlanıb. 9-13 yaş arası uşaqlar üçün ayrıca tədris layihəsi
hazırlanacaq. Bu cür təhsil isə pulsuz həyata keçiriləcək. Akademiyada respublikanın
bütün bölgələrindən olan idmançılar təhsil ala biləcəklər.