Hazırda Qəbələdə hündürmərtəbəli binaların inşasına başlanıb və burada çalışmaq
üçün işçi qüvvələri artıq kənardan gətirilir. Fərdi evlərin tikintisi də sürətlənib. İndi
dəbdəbəli evlərin sayı günü-gündən artır. Şəhərin yeni su və kanalizasiya xətti çəkilir.
Kənd təsərrüfatı sahəsində də inkişaf nəzərə çarpır. Mövsümü vaxtı geniş ərazilər taxıl
zəmilərinə çevrilir. Yol boyu qarşıya çıxan taxıl
biçən aqreqatlar, kombaynlar kəndliyə
yaradılan şəraitdir. Hektarlarla əkin sahələrindən məhsul götürülür. Əlamətdar
hadisələrdən biri də son illər rayonda taxıl zəmilərinin çoxalmasıdır. Aqro-Azərinvest
MMC ərazidə üzümçülüyün inkişafına zəmin yaradıb. İndi spesifik ərazilərdə üzümlüklər
salınır və bu məhsul da yerindəcə əhalidən alınacaq. Qəbələdə istehsal edilən şərablar həm
də beynəlxalq ixracat üçün nəzərdə tutulub.
Görüləcək işlər, həyata keçiriləcək layihələr həddindən artıq çoxdur. Təbii ki, bu da
ölkə iqtisadiyyatının gələcək inkişafına işarədir. Bir sözlə XXI əsrin əvvəllərində
prezident İlham Əliyevin iqtisadi siyasətinin nəticəsi Qəbələdə əhalinin yaşayış
səviyyəsinin yüksəlişinə səbəb olub...
Rayon Tarix diyarşünaslıq muzeyi bu gün haqqında müfəssəl məlumatları özündə əks
etdirən ən qiymətli sənəd məbədi sayılır. Bu muzeyi seyr edən hər bir vətəndaş təkcə
Qəbələnin
tarixindən xəbər tutmur, eyni zamanda buranın uzaq və yaxın keçmişi ilə
bərabər, bu gününü də görür, təbiəti ilə tanış olur, ədəbi mühitindən, yazarlarından soraq
alır. Hər eksponat müəyyən dövr tarixini xatırlatdığından onun mühafizəsi, ən əsas da
nümayişi tarixin bəzi anlarını açıqlasa da, müasir Qəbələnin bugünkü günü də apaydın
hiss olunur.
Burada elm xadimlərindən, əmək qəhrəmanlarından, təbiətinə xas olan
heyvanat aləmindən tutmuş, bitki örtüyünədək nə istəsən öyrənmək mümkündür… Yaxın
gələcəkdə Umnisə, Yusif, Vahid və İbrahim Musabəyovların Xatirə muzeyinin açılışı
nəzərdə tutulur...
Abrıx. Hazırda 700 nəfər əhalisi olan bu dağ kəndi bağlı-bahatlı məskənlərdən sayılır.
Abrıx naməlum toponimlərə aiddir. Lakin toponimika üzrə alim Elxan Nuriyev yazır
ki, keçən əsrə aid ədəbiyyata görə Abrıx Tikanlı kəndindən yaranmış yaşayış
məntəqəsidir. Maraqlıdır ki, IX əsr ərəb coğrafiyaşünasının əsərində (bu şəhərin
xarabalıqları Mil düzündə indiyədək Örənqala adı ilə qalmaqdadır.) Abrik adlı qalanın
mövcud olduğu göstərilir. Güman edilir ki, həmin Abrik qalası bir vaxt müəyyən hadisə
ilə, bəlkə də monqolların XII əsrdə basqınları ilə əlaqədar olaraq dağıldıqdan sonra
əhalisinin müəyyən hissəsi bu zonaya gəlmiş və bu adı da özləri ilə gətirmişlər...
Bu ərazi də ucqar yerlərdəndir
və uzun illərdir ki, yağış suları, sel axıntıları ilə bol olan
Qaraçay kənddə təhlükəli vəziyyət yaradırdı. Hazırda dövlət tərəfindən sahilbərkitmə
işləri aparılıb, çayın qarşısında möhkəm özülü olan hündür bənd çəkilib. Qaraçay üzərində
134 metr uzunluğunda körpü salınıb və açılış mərasimində İlham Əliyev cənabları da
iştirak edib.
Aydınqışlaq. Adından göründüyü kimi Aydın şəxs adından və qışlaq terminindən
ibarət toponimdir. Bu kənd rayon mərkəzindən 9 kilometr cənub şərqdə,
Qəbələ-Ağdaş
yolundan 2,7 km aralı, Dəmiraparan çayının sağ sahilində, Alazan-Həftəran vadisindədir.
Əhalisi 2200 nəfər olan kənddə məşğuliyyət müxtəlifdir. Taxıl zəmiləri ilə yanaşı,
meyvəçilik də inkişaf edib. Tərəvəz sahələri, mal-qara da əhalinin dadına çatır. Bu kənddə
də yaşayış üçün bütün infrastruktur qurulub. 384 nömrə tutumlu elektron ATS istifadəyə
verilib.
Bayramkovxalı. Coğrafiyaşünas alim Elxan Nuriyev ərazinin toponimiyasına
aid elmi
əsərində qeyd edir ki, kəndin əsas adı Bayramkovxalı olsa da get-gedə təhrif olunaraq
bayramkoxa halına düşmüşdü. Kənddə insanların fəaliyyəti üçün real şərait var. Orta
məktəb, tibb məntəqəsi, kitabxana və ticarət obyektləri sakinlərin ixtiyarındadır. Əhalinin
ziyalılıq səviyyəsinə gəlincə təhsilin vəziyyəti ürəkaçandır. 1100 nəfərə yaxın insanın
yaşadığı kəndin əhalisi taxıl əkir, heyvandarlıqla məşğul olur, tərəvəz məhsullarına isə hər
bir ailə fərdi yanaşaraq zövqə və kəndin torpaq şəraitinə uyğun becərirlər.
Bəyli. Bu kənddə əhalinin sayı 313 nəfərdir. Burada da heyvan saxlayır, taxıl əkirlər.
Üzüm əkiminə isə demək olar ki, yenicə başlanılıb. Təzə salınmış sahələrə qulluq göstərən
sakinlər üzümçülüyün inkişafına səy göstərirlər. Artıq yeni bağlar becərilib,
bu minvalla
gələcəkdə bu məhsulun bol olması gözlənilir. Çünki kəndin üzümçülüyə yararlı münbit
torpaq sahəsi var.
Bunud. Kəndin adı keçən əsrə aid olan bir mənbədə Bunut formasında göstərilmişdir.
XIX əsrin ikinci yarısında Vəndam kəndindən əmələ gəlmiş dörd kiçik məntəqədən biri-
Buntdan söhbət gedir. Görünür Bunt məntəqəsi yaranmazdan əvvəl Bunut yer adı olub.
Naməlum toponimlərdən sayılır və ümumiyyətlə mənası bəlli olmayan bu toponimlər
Qafqaz mənşəli adlardır ki, zaman keçdikcə təhrif olunub, ya da Azərbaycan dilinin təsiri
altında fonetik dəyişikliyə uğrayıb. Ancaq xalq yaddaşına əsaslansaq
hər bir yurd yerinin
yaranışı ilə bağlı fərziyyələr səslənir. Bu kəndin də qədim olduğu söylənilir. Hazırda 850
nəfər əhalidən ibarətdir. Əhali heyvandarlıqla məşğul olur, tərəvəz yetişdirir, taxıl
sahələri, sarı buğda zəmilərinə xüsusi qulluq edirlər. Elektron ATS-i var...
Bılıx. Vaxtilə Bılıx dağının ətəyində bu adda kənd mövcud olub, indi hətta onun
xarabalıqları da mövcuddur. Hazırki Bılıx kəndi isə köhnə Bılıx bağlarının yerində
salınıb. Bu barədə toponimiklər belə deyir. El dilində desək bılıxlılar Qaraçayın boğazında
oturublar. Bir tərəfindən də Göyçayın axması kəndin görkəminə xüsusi gözəllik verir.
Təmiz dağ havası, dağ çaylarının şırıltısı gecələr qoynunda uyuyanları suların
səsinə
doğmalaşdırıb. Bılıx sözünün mənası “gəlib-getmişlər” deməkdir.
İndi ləzgilərin üstünlük təşkil etdiyi kənd camaatının yarısı oturaq, yarısı köçəridir.
Qoyun sürüləri bol olduğundan əhalinin maddi vəziyyəti də yüksək səviyyədədir. 900
nəfər əhalinin əksəriyyəti əsasən qoyunçuluqla məşğuldur. Sakinlər üçün elektron ATS
quraşdırılıb...
Adı yaşayan, özü isə xəritədən silinən yerlərimizdən bəziləri hələ də xalqın dilindədir.
Balıq yeri toponimi qədim türk dillərindəki baliq-“şəhər”, “qala divarları” ilə əhatə
olunmuş şəhər sözündəndir. Toponimika elmində qeydə alınan bu söz bu rayonun
ərazisinə aiddir... Söz düşmüşkən Bazar şəhərinin də adı tarixdə rast gəlinən yurd
yerlərimizdəndir.
Bum. Rayonun ən iri yaşayış yerlərindən biridir. Toponimik
bilgilərə görə türk
dillərindəki bum (boom) sözü ilə əlaqələndirilir. Bum sözü əski türk dilində “çaylı dərə,
çətin keçilən yer” deməkdir. Kumə dağının ətəyində və çuxurda, iki dağın arasında,
Kovdan çayının Bum çayına qarışdığı yerdədir. Mənbələrə görə Altay-türk dillərində bu