artdıqca kənddə iri buynuzlu mal-qaranın çoxalması da müşahidə olunur.
Telefon xətti
çəkilib, sayğaclaşmadan sonra fasiləsiz enerji təminatı, yəni işıq problemi həll edilib.
Artezian quyuları qazılıb. Artıq müasir səviyyədə texniki avadanlıqlarla təchiz edilən yeni
məktəb binası da məktəblilərin ixtiyarındadır...
Küsnət. Cəmi 81 nəfər sakini olan bu balaca məkan Qəbələnin gəzməli, görməli
yerlərindəndir. Ətrafdan baxanda insana elə gəlir ki, dağlar qoynunda vəsf olunan hansısa
təbiət lövhəsinə tamaşa edirsən. Təbii rəng çaları ilə əhatə olunan, ilahi qüdrətinin
nişanəsini əks etdirən bu canlı əsərə məftunluğunu gizlədə bilmirsən. Rayona ezam olunan
tele-kanal işçiləri də dəfələrlə buranın görüntülərini lentə alaraq
kəndin gözəlliyi
timsalında bütovlükdə ərazinin sevilən, diqqət çəkən zona olduğunu tamaşaçı
auditoriyasına təqdim etməklə maraqlı verilişlər yayımlayırlar. Küsnətlilərin turist
qonaqları da çox olur. Mərkəzə yaxınlığı, qeyri-adi təbiəti, yaşıl libası xoşa gəldiyindən
əraziyə axın var. Əsasən yerli turistlər kəndin boş evlərini kirayələyir, yay boyu istirahət
edirlər...
Kürd kəndi mərkəzdən 25 km.
cənub-qərbdə, Ərəş düzündə-dir. Burada 1130 nəfər
əhali yaşayır. Torpağı dəmiyə ərazilərdən sayılır və spesifik məhsullar əkilir. Əsasən
üzüm sahələrinin artımı nəzərə çarpır. Kənddəki Şərab emalı zavodunda xeyli sayda işçi
qüvvəsi çalışır. Burada da əhalinin rahatlığı üçün hər cür şərait yaradılıb. Yolu hamar,
işığı fasiləsizdir...
Qaradeyin kəndinin yaranma tarixi 1840-50-ci illərə təsadüf edir. Toponimiyası ilə
bağlı nə yerli camaatda, nə də elmi ədəbiyyatda heç bir məlumat yoxdur. Qəbələ Ağdaş
yolunun yaxınlığında olan kəndin 415 nəfər əhalisi 300 hektar pay torpaqlarından istifadə
edir. Bələdiyyə mülkiyyətində olan 40-50 hektar torpaq da sakinlərin ixtiyarındadır.
Kəndlə magistral yolun arası 500 metrdir və təxminən 20 ev Qaradeyin dərəsinin
yanında olduğundan bu yolu 2 km-ə qət edirlər. Vaxtilə qaradeyinlilər
bu dərədə
məskunlaşıblar. Sonra isə əhali daha rahat düzdə, üzü yuxarı münasib torpaqlarda evlər
tikiblər.
2007-ci ildən kəndə qaz xətti çəkilib və əhali mavi yanacaqla təmin olunub. Telefon
xətti də istismara verilib, ailələr elektron rabitədən istifadə edirlər. İki ticarət müəssisəsi
fəaliyyət göstərir. 11 illik məktəb binası, feldşer- mama məntəqəsi var.
Növbəti illərdə yeni tədris ocağının və ərazi icra nüma-yəndəliyi üçün inzibati binanın
inşası nəzərdə tutulub.
Qəmərvan. Mərkəzdən 18 km. şimal-qərbdə Bum çayının (Türyan çayının qolu) sol
sahilində, Baş Qafqaz silsiləsinin yamacında salınmış bu kəndin təbiəti kimi insanları da
mehriban, gülər üzlü, qonaqsevərdirlər. Əhalinin sayı 2000 nəfərdir. Bu kəndin
tarixi XIX
əsrin ortalarından başlayır. Dağıstanda yaşayan ləzgilərin bu zonada yaylaqları olmuş və
onların müəyyən bir hissəsi oturaq hala keçərək bu kəndi yaratmışlar. Rayonun digər
yerlərindən fərqi odur ki, bu kənd müasir gündə də köçəridir. Qoyunçuluğun artımı olan
yerlərdə var-dövlət də çox olur. Kənd camaatı yerli turistlərdən də gəlir götürür. Ecazkar
görünüşü olduğundan ilin bütün fəsillərində kəndin qonaqları olur. Yayı kimi qışı da
mözücə olan bu diyarı şəhərlilər çox xoşladığından kənd evlərini kirayələyirlər. Kəndin
yolu yüksək səviyyədədir. Burada müalicəvi təbii isti su var. Oynaq xəstəliklərinin
dərmanı sayıldığından Qəbələ camaatının yaxşı tanıdığı bu ünvanda hazırda möhtəşəm
sanatoriya tikilir və istifadəyə verildikdən sonra minlərlə xəstə təbii
üsulla müalicə almaq
şansı qazanacaq...
Quşlar kəndi rayondan 30 km. cənub-qərbdə Türyan çayının sahilində Daşüz
silsiləsinin ətəyindədir. Toponimikada qeyd edilib ki, Quşlar oykonimi qədimdə türk
mənşəli Kuş (quş) etnonimindən yaranmışdır.
Hazırda burada 600 nəfər əhali yaşayır. 134 təsərrüfatı və 370 hektar yararlı torpağı
var. Mərkəzi yolla arası 7 km-dir. Taxılçılıq, heyvandarlıqla yanaşı kənd sakinləri yeni
üzüm sahələrini də bərpa edirlər və bu məhsula meyl artdığından, 120 hektar sahədə yeni
üzüm bağları salınıb. Bu da əhalinin bir qismi üçün yeni açılan iş yeri hesab edilir.
Əhalinin dolanışığı istənilən səviyyədədir. Təsərrüfatlarda çalışan camaat mal-qaranın da
sayını artırır və heç nədən korluq çəkmirlər.
Kənddə orta məktəb, ictimai iaşə müəssisələri, mədəniyyət ocaqları və tibb
məntəqəsi
var. Qarşıdakı illərdə bir neçə yeni tikintilərin aparılması nəzərdə tutulub. Nümayəndəlik
üçün yüksək səviyyədə bina inşa ediləcək. Kəndə qaz xəttinin çəkilməsi planlaşdırılır...
Laza kəndi mərkəzdən 8 km. şimal-şərqdə Dəmiraparan çayının sahilində Baş Qafqaz
silsiləsinin cənub yamacındadır. Sevimli müğənnimiz Zeynəb Xanlarovanın
mahnılarından birinə çəkilmiş süjet xəttində Muçuq şəlaləsinin görüntüləri bu kənddə
lentə alınıb. Hər bir mahnısını təbiət görüntüləri ilə sintez etməsi, teletəsvir müğənninin
yaradıcılığına xas olan cəhətlərdəndir. Elə Lazada 96 metr hündürlükdən axan Muçuq
şəlaləsi də Zeynəb xanıma həsr edilən “Salam Zeynəb” sənədli filmində çağlayır. Zəyli və
digər deltavari şəlalələr də bu kəndin ərazisindədir.
İndi kənddə 1100 nəfər yaşayır. Bu camaat da köçəridir.
At üstündə çobanlar, minlərlə
qoyun-quzu dağlara-düzlərə səpələnirlər. Yaşıl çəməndə ağ xalıya bənzər bu görüntülər
Qəbələdə tez-tez görünən səhnələrdəndir. Dağdan sürülər enəndə hansı kənddən ötərsə,
çobanlar yol üstündə səxavətli olar, əlinin altında nə varsa paylayarlar. Eyni ilə kəndlərdə
də sürünün səsi eşidilən kimi, pişvazına çıxar, çobanları ev xörəklərinə qonaq edərlər.
Bərəkət simvolu sayılan sürülər el-obanın varına, dövlətinə işarədir...
Mamaylı. Deyilənə görə Monqol xanı olan Mamay xanın ərazidə beş-altı gün məskən
salması ilə el dilində həmin yer belə adlanıb. Sonralar camaat təzə binə qurduğu yeri nişan
verəndə “Mamay xanın dincəldiyi yer” deyərmişlər.
Hazırda kənd sakinlərinin dolanışığı yüksək səviyyədədir. Yol sarıdan
heç bir
poblemləri yoxdur, işıqdan, qazdan gileyli deyillər. Magistral xəttə çıxan 3 km. yolu təmir
edilib. Kəndə 2004-cü ilin axırlarından mavi yanacaq verilir. 700 nəfərin və 168
təsərrüfatın qeydə alındığı kənd əhalisi müxtəlif məşğuliyyətdən gəlir götürür. Taxılçılıqla
yanaşı heyvandarlıq da inkişaf edir. Bir sözlə ərazinin 800 hektar yararlı torpaq sahəsinə
diqqətlə qulluq edən mamaylılar həm də abadlaşmış bir kəndin nümayəndələridirlər.
Növbəti inkişaf proqramına əsasən burada təzə məktəb binası, baxça və feldşer tibb
məntəqəsinin tikilməsi nəzərdə tutulub...
Məlikli. Bılıxdan 3 km. cənubda Göyçayın yatağı üstündə məlikli camaatı yaşayır.
Ərazi mərkəzdən 43 km. uzaq olsa da burada da əhalinin rahatlığı üçün xeyli işlər