51
əmsalından istifadə edilir. Bu əmsal standart rentgen şüalanmasının (100 ‐250 keV )
LD
50
dozasının eyni şəraitlərdə eyni bioloji təsir yarada bilən verilmiş şüalanmanın
LD
50
dozasına nisbəti kimi təyin olunur (LD
50
parametri şüalanmadan keçən 30 gün
ərzində şüalanmış orqanizmlərin 50% ölümünə səbəb olan letal doza göstəricisidir).
NBE‐nin qiyməti bioloji obyektin növündən başqa, həm də şüalanma
şəraitindən və XEÖ ‐ nin qiymətindən asılı olur.
Eyni XEÖ parametrinə malik müxtəlif şüalanma növləri üçün NBE ‐ nin
qiymətləri eyni olur (Барсуков О.А., Барсуков К.А. , 2003).
Keyfiyyət əmsalı və təhlükəlilik əmsalı. Verilmiş növə və konkret enerji
şüalanmasına uyğun NBE‐nin müəyyən olunmuş qiyməti keyfiyyət əmsalı adlanır və Q
ilə işarə olunur.
Keyfiyyət əmsalının qiyməti radiobioloji tədqiqatlar vasitəsilə NBE‐yə dair
alınmış nəticələrə əsasən müəyyən edilir. Bu parametrin qiyməti də, NBE ‐ nin qiyməti
kimi, XEÖ parametrindən asılı olur.
Qeyd edək ki, Q əmsalı verilmiş nöqtədə udulma dozası halında şüalanmanın
təsirini xarakterizə etmək üçün qəbul olunmuşdur. Radiasiya təhlükəsizliyi baxımından
isə bir nöqtə üçün qəbul olunmuş udulma dozası deyil, ayrı‐ayrı orqan və ya toxuma
üçün qəbul olunmuş orta udulma dozası xüsusi əhəmiyyət kəsb edir. Buna görə də
təhlükəlilik əmsalı adlanan digər bir əmsalın qəbul edilməsinə zərurət yaranmışdır. W
R
ilə işarə olunan bu əmsal, təyinindən göründüyü kimi, udulma dozasının maddənin
müəyyən həcmi üzrə götürülmüş qiymətini özündə əks etdirir (Рекомендации МКРЗ.
Пубl. 60).
Müxtəlif şüalanma növləri və enerji diapazonlarına uyğun təhlükəlilik
əmsalları cədvəl 3.1‐də öz əksini tapmışdır.
Cədvəl 3.1.
Şüalanmanın təhlükəlilik əmsalları
Şüalanmanın növü və enerji diapazonu
Şüalanmanın təhlükəlilik
əmsalları, W
R
Bütün növ enerjili fotonlar üçün
1
Elektronlar və bütün növ enerjili mionlar üçün
1
Enerjisi:
10 keV ‐ dən kiçik,
10 – 100 keV intervalda,
100 keV – 2 MeV intervalda,
2 MeV – 20 Mev intervalda,
20 MeV ‐dən böyük neytronlar üçün
5
10
20
10
5
2 MeV ‐dən böyük enerjili protonlar üçün
5
Alfa zərrəciklər üçün
Parçalanma qəlpələri üçün
Ağır nüvələr üçün
20
20
20
Təhlükəlilik əmsallarıı bütöv orqanizmə düşən şüalanmaya aiddir.
52
Cədvəldən göründüyü kimi kiçik XEÖ parametrinə malik bütün şüalanmalar
(fotonlar, elektronlar, bütün enerjili mionlar) üçün W
R
– in qiyməti
vahidə bərabərdir.
Digər şüalanma növləri üçün W
R
–in qiymətinin seçilməsi NBE ‐ nin müşahidə olunan
qiymətlərinə əsaslanır. Bu zaman standart şüalanma olaraq, həm rentgen, həm də γ ‐
şüalanmadan istifadə etmək olar. Yuxarıda adı çəkilən parametrlərlə tanış
olmamışdan əvvəl fikirləşmək olardı ki, şüalanmanın radiobioloji təsiri baxımından
məsələyə yanaşsaq, bu haqda konkret fikir söyləməyin mümkün olması üçün udulma
dozasının qiymətini bilmək kifayət edərdi. Aparılan tədqiqat işlərinin nəticələrinin
təhlili isə yalnız udulma dozasının əsasında şüalanmanın radiobioloji təsirinə dair
konkret fikir söyləməyin çətin olduğunu göstərdi. Daha dəqiq desək, canlı toxumaların
şüalanmasının nəticələrinin təhlili eyni udulma dozasında müxtəlif növ şüalanmaların
orqanizmə eyni bioloji təsir göstərmədiyini sübut etdi. Bunun səbəbi, ilk növbədə
yuxarıda qeyd etdiyimiz kimi, məsələn, proton kimi ağır zərrəciklərin, elektron kimi
yüngül zərrəciklərlə müqayisədə, toxumalarda vahid uzunluqlu yolda daha çox ion
əmələ gətirə bilməsidir.
Aydındır ki, eyni udulma dozasında şüalanmanın əmələ gətirdiyi ionların
sıxlığı nə qədər çox olarsa, onun radiobioloji dağıdıcı təsiri də o qədər böyük olar.
Məhz bu faktı nəzərə almaq üçün ekvivalent doza anlayışından istifadə edilir.
Dediklərimizdən aydın olur ki, udulma dozasının təyini zamanı eyni udulma
dozasında α ‐, β ‐, γ ‐ kimi müxtəlif şüalanmaların fərqli təsir göstərə bilməsi faktı
nəzərə alınmır. Konkret olaraq, belə hesablamalarda α –şüalanmanın, digər şüalanma
növləri ilə müqayisədə, 20 dəfə yüksək təhlükəlilik göstərə bilməsi faktı nəzərə
alınmalıdır. Ona görə də udulma dozası hesablamalarında müxtəlif növ şüalanmaların
fərqli təsir göstərə bilməsi faktını nəzərə almaq üçün
şüalanma dozasını hər növə aid
şüalanmanın canlı toxumaları zədələmək qabiliyyətini özündə əks etdirən təhlükəlilik
əmsalına vurmaq lazım gəlir. Bu formada, yəni müxtəlif növ şüalanmaların təhlükəlilik
əmsalları nəzərə alınmaqla hesablanan dozalar, ekvivalent dozalar adlanır.
Ekvivalent doza D
ekv.
kimi işarə olunur və D
ekv.
= W
R
∙D
ud
kimi təyin olunur.
Ekvivalent dozanın BS ‐ də vahidi 1 Zivert (Zv) qəbul olunub (1 Zv = 1 C/kq).
1Zv – istənilən şüalanma növünün elə ekvivalent dozasıdır ki, o, 1kq kütləli
bioloji toxuma tərəfindən udularkən foton şüalanmasının 1Qr udulma dozasında
yaratdığı qədər bioloji təsir yarada bilsin.
Uzun müddət ekvivalent dozanın sistemdən kənar vahidi kimi 1ber ‐ dən də
geniş istifadə edilmişdir. 1ber ‐ rus dilində işlədilən “биологический эквивалент
рада” sözlərinin baş hərfləridir. Bu vahid azərbaycan dilində 1rbe (rad‐ın bioloji
ekvivalenti) kimi səslənir.
1ber – 1q toxuma tərəfindən udulan istənilən şüalanma növünün elə
enerjisidir ki, bu zaman foton şüalanmasının 1rad udulma dozasında müşahidə
olunduğu qədər (yəni 100 erq foton enerjisi udulan haldakı qədər) bioloji təsir yarana
bilsın.
Hesablama yolu ilə göstərmək olar ki, 1Zv = 100 ber ‐ dir. Qeyd edək ki, 1980‐
ci il yanvar ayının birindən etibarən 1ber istifadədən götürülmüşdür.
Dostları ilə paylaş: |