100
rəhbərliyinin ən çox zəhləsi gedən, arzulamadığı şey azad
vətəndaşların söz deməsi, onun səhvlərini aşkar etməsidir. Bir
manevr kimi hakimiyyət bunu etsə, bura da saxtakarlıqla öz
tərəfdarlarını yerləşdirəcək. Dövlət məmurları öz dəyərlərinə sadiq
qalaraq yalnız varlanmağı və vəzifədən maksimum istifadə edərək
böyük biznesləri əllərinə keçirməyi davam edəcəklər. Neft pulları
mənasız tikintilərə, əyləncələrə, göydələnlərə, fontanlara, süni
göllərə, bağların mərmərlə döşənməsinə, heykəl və bütlərin
düzəldilməsinə, boş işlərə xərclənəcək və əhaliyə əhəmiyyətli bir
xeyri dəyməyəcəkdir. Lakin mümkündür ki, neft -qaz dolları çox az
olsun, qiymətlər aşağıda qalsın. Əhalinin 60 -80%-i daim kasıblıq
həddində və nayrazı yaşayacaq. Çünki əsas səbəblər qalacaq: 1) qeyri
- rasional idarə, 2) dövlətin xalq nəzarətindən kənarda qalması, 3)
bizneslə dövlətin bir əldə birləşməsi, 4) rüşvətxorluq, 5) azadlığın və
azad fikrin eşidilməsindən imtina , 6) zorakı avtoritar məmur idarəsi,
7) nəzarət orqanlarının öz vəzifəsini effektiv və düz, sürətlə icra
etməyə qabil olmaması, 8) kredit faizləri və digər səbəblər. Gələcək
nəsil neftsiz, qazsız qalacaqdır ki, onu heç bir pul ilə xaricdən geri
ala bilməyəcək, çünki neft, qaz hədsiz baha olacaq. Hər məmurun
xaricdə bir neçə villası, adası, meşəsi, habelə firması, mağazası və s.
olacaq ki, istənilən zaman xaricə qaça biləcək.
Bakı şəhərinin böyük meqapolisə çevrilməsi davam edəcəkdir,
şəhər ətrafında kiçik mini şəhərlər salınacaqdır, böyük hündür binalar
və fontanlarla birlikdə. Bir çox şəxsi həyət evləri, villalar söküləcək.
Gələcəkdə də şəhərin su altında qalma ehtimalı vardır. Siyasət
səhvən ölkə ərazisindən adamların bu şəhərə köçməsinə və burada
yüksək qiymətlərin və biznesin saxlanmasına hesablanacaq.
Cinayətkarlıq və xırda xuliqanlıq artacaqdır, küçələr və gecələr
təhlükəli olacaqdır. Dinin geniş yayılması ilə qapalı düşüncəli
insanlar çoxalacaqdır, bu müəyyən zərərlər verəcəkdir. Dini
radikallar dini dövlət qurmağa çox cəhd edəcəklər.
2. Ehtimal edilən ən yaxşı ssenari
Xarici səfərlərdə təsadüfən futurist ekspert prezidentlə görüşür
və ona məsləhətçi olmağı təklif edir və ya təsadüfən yerli bir ağıllı
adam bir vaxt prezidenti real vəziyyət və gələcəyin necə olacağını
ona anladır. Nəticədə yeni siyasət başlayır. Düzgün strategiyalar
qurulur. Dövlət aparatında yuxarıdan aşağıya təmizləmələr başlayır,
elanlar verilir və bütün məmur postlarını vakant elan edirlər. Ərizələr
toplanır, müəyyən obyektiv üsulla yeni kadrlar seçilir və onlar xüsusi
101
idarəetmə dərsi və lazımı biliklər verən kursda 6 ay oxuyurlar və
imtahan verirlər. Vəzifələrə təyinat alırlar. Bütün məmurlar nə
edəcəyi, işi necə ölçüləcəyi, hansı kriteriyalarla qiymətləndiriləcəyi,
pozquntu olduqda hansı cəzanı alması göstərilməklə konkret
müqavilə ilə vəzifəyə təyin olunur. Xüsusi və azad idarə olunan,
rəhbərlərini dövlətin təyin etmədiyi inkişaf və xeyriyyə fondu
yaradılır. Ictimai nəzarət institutlarına üstün nəzarət səlahiyyətləri
verilir. 5, 20, 30 il əvvəl hansı məmur hansı pozuntu etmişsə, pulu
necə yolla yığmışsa, araşdırlır və qanunsuz sui -istifadə ilə əldə
edilmiş var-dövlət ictimai xeyriyyə və inkişaf fonduna verilir.. Məhz
bu amil məmurları özbaşınalıq etməkdən çəkindirir. Qanunlar
sərtləşdirilir, idarə defektləri ağır cəzalandırılır. Idarənin effektivliyi
artır, demokratiya və söz azadlığı artırılır. Prezident özü öz
səlahiyyətlərini azaldır, çoxusunu parlamentə və ictimai təşkilatlara
verir, özünü isə parlament şah elan edir və ölənədək şah taxtında
oturur. İndi əsas məsuliyyət hökumətin üzərinə və parlamentin
üzərinə düşür, onun deputatları sayı 300 nəfərə qədər artırılır, tam
azad və düzgün seçgilər keçirilir. Hökumət parlament tərəfindən
təyin olunur və çox məsuliyyət daşıyır və cavab verir, xalq tərəfindən
qiymətləndirilir. Getdikcə rasional cəmiyyət prinsipləri daha çox
tətbiq olunur-birbaşa demokratiya, rasional həyat tərzi və s. Dövlətin
problem yaratma xassəsi azalır və olan problemlər formal deyil,
gerçəklikdə tam həll olunmağa başlayır. Belə yaxşı idarə və qanunlar
yaradılır ki, ermənilər ayrılmaq istəklərində peşman olurlar və
ədalətli şərtlərlə müharibə öz - özünə həll olunur, onlar da neftdən bir
pay alırlar. Azərbaycan Rusiya ilə hərbi bloka daxil olmuşdur və
onun tərəfindən ermənilərlə münasibətə maneçilik yoxdur.
Azərbaycan savadlılar və yüksək elm, texnologiya ölkəsinə
çevrilir. Dövlətlə insanlar arasında nayrazılıq yox olur, çünki bütün
siyasət konkret (hər bir) insanın həyatının yaxşılaşmasına yönəlir.
Ayrıseçgilik ləğv olunur. Rusiya Qərb və ABŞ-la soyuq müharibəyə
başlayır. Rusiya, nəhayət, daha yaxşı yaşayış səviyyəsinin, sosialist
prinsiplərinin tam tətbiqinin faydasını başa düşür, yalnız bununla
başqa dünyadan üstün ola biləcəyini və tərəfdar qazanacağını anlayır.
Nəticədə daha yaxşı dövlət və həyat səviyyəsinə malik olur, xarici
qəsbkar Pyotr siyasətini dəyişir və onu dinc əməkdaşlıq və dostluq
forması ilə əvəz edir, yeni ittifaq yaradır.
Rusiya Azərbaycan, Gürcüstan, Ukrayna, Belorusiyada strateji
qoşunları yerləşdirmək haqda razılıq alır; yeni Konfederativ İttifaq
yaratmaq haqda müqavilə bağlanır, yeni ümumi parlament, ümumi
102
pul vahidi və s. Avropa İttifaqına oxşar yaradılır. Bu ittifaqa Orta
Asiya, Monqolustan, habelə İran, Pakistan, Əfqanıstan və Hindistan
və Çinin də özlərinin xüsusi birliyi formasında qoşulmağı ehtimaldır.
Bununla da bütün keçmiş konfliktlər tam həll olunur. Eynilə Erməni
qoşunları könüllü Azərbaycanı tərk edirlər. Erməni Avtonomiyası,
istəsələr, bərpa edilir. Habelə Ermənistanda da azərbaycanlılara
köçüb yaşamağa icazə verilir və sonra onlara da milli avtonomiya,
istəsələr, verilir. Əslində istəməyə ehtiyac qalmır, bütün dünya birliyi
- yeni BMT bütün etnik qruplara məcburi mədəni avtonomiya
verilməsi haqda və onların daxil olduğu dövlətlərlə xüsusi
təhlükəsizliyk və vergi müqaviləsi bağlaması haqda qanun qəbul
edir. Hər milli etnik qrup öz dilində danışmaq və özü özünü idarə
etmək, mədəniyyətini saxlamaq haqda hüquqlara malik olur.
3-cü ssenari. Hadisələrin daha pis dəyişəcəyi ssenari.
Dənizin səviyyəsi qalxır və ətraf böyük əraziləri basır, böyük
bəndlər qurmaq lazımdır, Kür çayının suyu xeyli artır, çay tutmur,
çayı iki yerə bölmək lazım gəlir, lakin dövlət bunlara əhəmiyyət
vermir. Ermənilər danışıqları xeyli uzadır ki, vaxt keçsin, lakin heç
bir təkliflə razılaşmır, çünki əvvəldən bunu bilirlər, vaxt əldə edib
möhkəmlənirlər, silahlanir, cəbhə xəttini möhkəmlədir, müxtəlif
hərbi müqavilələr bağlayir. Hər keçən gün Azərbaycanın zərərinə,
ermənilərin xeyrinə işləyir. Azərbaycan Nato - ya daxil olmağı
planlaşdırır. Lakin Rusiyanın köməyi ilə ermənilər yenə hücum edir
və bir rayonu da tuturlar, dövlət buna cavab verə bilmir. Ölkədə
radikal qüvvələr fəallaşır və yeni dövlət çevrilişlərinə cəhdlər olur.
Lakin böyük qırğınla dövlət onları yatırdır. Əsil polis rejimi yaranır.
İctimai konsertlər, tərifnamə deyən yığıncaqların sayı xeyli artırılır.
Mətbuatda azad söz qadağandır, yalnız təriflərə icazə var. TV və
radioda konsertlər, müğənnilərin həyatı, paltarları, plyaj kostyumları,
boş söhbətləri, mənasız verilişlər adətdir. Cəmiyyətin musiqi
eşitməkdən, müğənni və təlxək sifəti görməkdən artıq zəhləsi gedir.
Həqiqət axtaranlar müxtəlif üsullarla məhv edilir, xaricə qovulur.
Avropa və ABŞ heç bir təsir edə bilmirlər, əks halda dövlət
onları neftdən və qazdan məhrum etməklə hədələyir. Azərbaycan
Qərbə təbii xammal bazası kimi lazımdır və o yalnız bu funksiyanı
yerinə yetirir, onlar hakimiyyəti də buna görə xalqdan müdafiə
edirlər, insan hüquqları, demokratiya tələb etmirlər, torpaq və erməni
məsələsi onları maraqlandırmır. Qarabağ məsələsi yenə həll
olunmayıb, daha ermənilər Azərbaycan torpaqlarını, kəndləri,
Dostları ilə paylaş: |