_____________Milli Kitabxana_____________
45
inkişafında dünyəvi meyllərin nəzərə alınması istiqamətində tədqiqat aparmaq
lazımdır.
1.3. Bəzi xarici ölkələrdə riyaziyyatın tədrisi
xüsusiyyətləri
İnkişaf etmiş ölkələrin təcrübəsində riyazi təhsildə yeni meyllərə həmişə
xüsusi əhəmiyyət verilmişdir. Təhsildə humanistləşdirmə əksəriyyət tərəfindən
qəbul edilir və geniş yayılır. Riyazi təhsildə inteqrallaşdırılmış, qarşılıqlı əlaqəli
metodik məsələlərin tam kompleks təhlilin aparılmasına daha çox diqqət verilir.
Belə kompleks təhlilə daxildir:
a) məktəb riyaziyyatında nəzəri məzmunun və onun tətbiqlərinin inikasının
əsas xüsusiyyətləri;
b) təlimdə məsələlərin rolu, onun şagirdlərə verilməsinin yeni metodik
vasitələrinin işlənməsi;
c) təlimdə insanın psixoloji və fizioloji mexanizmlərindən (görmə, sözlər,
motor qabiliyyətləri, verilənlərin dərki və çevrilməsi, diqqəti cəlb etmək və s.)
istifadə və onların inkişafı.
Görkəmli riyaziyyatçı-pedaqoq Polşanın Yagelon universitetinin fəxri
doktoru A.S.Kriqovskayanın (1904-1988) anadan olmasının 80- illiyinə həsr
edilmiş 1984-cü ildə Krakovda keçirilən beynəlxalq simpoziumda maraqlı
məruzələr edilmişdir. Burada təlimdə humanistləşdirməyə xüsusi diqqət
verilmişdir.
A.S.Kriqovsikayanın tədqiqatlarında riyazi təlimdə islahatlara və
humanistləşdirməyə, ümumiləşdirmə, xüsusiləşdirmə və mücərrədləşdirməyə geniş
yer verilir. Onun yubileyində görkəmli riyaziyyatçı-metodistlər T.Varqa,
E.Kastelnuova, X.Freydental və b. riyazi təhsildə kompleks, sistemli, inteqrasiyalı
yanaşmaların əhəmiyyətini əsaslandırmışlar.
X.Freydental “Riyazi strukturlar” anlayışının əhəmiyyəti və mahiyyəti,
ümumiləşdirmə mücərrədləşdirmədə didaktik prinsiplərin gözlənilməsi üzərində
_____________Milli Kitabxana_____________
46
daha çox dayanır. T.Varqa məsələlərin xüsusi bir sinfi olan birqiymətli olmayan
məsələləri daha faydalı hesab edir. Onun fikrincə belə məsələlər şagirdlərin
məntiqi mədəniyyətini inkişaf etdirməklə yanaşı, məqsədə çatmaq üçün xüsusi
qurma məsələlərinin araşdırılmasına hazırlıq baxımından faydalıdır. Polşa
riyaziyyatçısı K.Xartiq “İsbatlar və riyaziyyatın təlimində əsas anlayışlar” adlı
məruzəsində bir çox isbatları dərhal ümumi haldan başlamaqla deyil, müvafiq
misallar üzərində, sabitin dəyişdirilməsilə aparmağı məqsədəuyğun hesab edir. O,
məktəbdə isbatlarda riyazi induksiya metodundan istifadə imkanının
məhdudluğuna da toxunur. Çex pedaqoqu F.Kujin “Didaktika və təlim təcrübəsi”
və alman riyaziyyatçısı H.Y.Şteyner “İnkişaf ənənəsi və riyazi təlim problemləri”
adlı məruzələrində riyaziyyatın məktəbdə öyrənilməsinin məqsədlərini və təlim
metodlarının seçilməsi meyarlarının dəqiqləşdirməyin zəruriliyinə diqqətimizi cəlb
edir, habelə problemin həllindəki çətinlikləri göstərirlər. Onlar riyaziyyatın
tədrisində “necə” və “nə üçün” sualları üzərində şagirdləri düşündürməyə, analiz,
sintez, ümumiləşdirmə və xüsusiləşdirmə qabiliyyətinin inkişaf etdirilməsinə daha
çox fikir verməyi lazım bilirlər.
Bir çox məruzələrdə həndəsənin tədrisində intuisiya ilə məntiqin daima
inkişaf etdirilməsinin, həndəsi çevirmələrin, hərəkət və fəza anlayışlarının,
modelləşdirmənin, fiqurların xassələrinin, təfəkkür əməliyyatlarının, funksiyaların,
fiziki anlayışların, məktəb həndəsəsinin müxtəlif variantlarda qurulmasının, əyani,
mücərrəd, sintetik və analitik həndəsələrin şagirdlərin idrak fəaliyyətinin inkişa-
fında mühüm yer tutması göstərilir.
Məsələ, onun mahiyyəti, təsnifatı, riyaziyyatın didaktikasına eksprimental
yanaşma, şagirdlərlə müsahibəni stimullaşdırma vəziyyəti barədə K.Labur (Fransa)
söhbət açır.
Beləliklə, deyilənlərdən belə nəticə çıxarmaq olar ki, məktəbdə riyazi
təhsilin humanistləşdirilməsinə bu fənnin təlimi məqsədini dəqiqləşdirmək, habelə
onun öyrənilməsi metodlarını təkmilləşdirmək baxımından yanaşmaq lazımdır.
Riyaziyyatın tədrisi metodikasındakı sonrakı tərəqqi bu tərəflərin hər ikisinin nə
dərəcədə harmonik nəzərə alınması ilə müəyyən edilə bilər.
_____________Milli Kitabxana_____________
47
Müasir riyazi təhsilin inkişafı probleminin bir çox məsələlərinin həllində
YUNESKO-nun himayəsi ilə fəaliyyət göstərən riyazi təhsilin öyrənilməsi və
inkişafı üzrə beynəlxalq komissiyanın böyük rolu olmuşdur. Bir neçə onillikdə bu
komissiyanın rəhbərlərindən biri S.Kriqovskaya olmuşdur. O, riyazi fənlərin
formal və məzmunlu cəhətlərinə xüsusi fikir verməyin, tədrisdə dünyəviliyin
əhəmiyyətinə böyük diqqət yetirmişdir. Riyazi anlayışların tərifini vermək
şagirdlərin ümumiləşdirmə qabiliyyətinin tərkib hissəsidir. S.Kriqovskayanın
“Təriflərin şagirdlərin riyazi fəaliyyətində rolu” məqaləsində bu cəhət aydın
görünür. O, tərifə şagirdlərin bütün intuitiv müşahidələrinin məntiqi olaraq
ümumiləşdirilməsi kimi baxır. Anlayışın həcmini genişləndirməyən təsviri tərəfin
axtarılması, ümumiləşdirici və konstruktiv təsvirlərə, analogiyalar və köçürmələrə,
təsnifata, xüsusi halların axtarılmasına və məlum təriflərin ümumiləşdirilməsinə
əsaslanaraq tərif vermənin şagirdlərin məntiqi təfəkkürünün, o cümlədən
ümumiləşdirici mücərrədləşdirmə qabiliyyətinin inkişaf etdirilməsi xüsusiyyətləri
məqalənin əsas məzmununu təşkil edir. Burada göstərilir ki, riyazi anlayışların
təriflərinin müxtəlif yollarla verilməsi zamanı şagirdlər əks misallardan istifadə
etməyi, mühüm və mühüm olmayan xassələrin ayrılmasını, müqayisələr aparmağı,
növ və cins anlayışlarını, ümumi və xüsusi halları fərqləndirməyi, obyektlər və
münasibətlər arasındakı oxşar və fərqli cəhətləri müəyyənləşdirməyi öyrənirlər.
1984-cü ildə Avstriyanın Adelaide şəhərində keçirilmiş V beynəlxalq
konqresdə məktəbdə EHM-dən istifadənin vəziyyəti, hamı üçün riyaziyyatın
məqsədi və məzmunu, tədris proqramlarının təkmilləşdirilməsi istiqamətləri, ayrı-
ayrı metodik məsələlər (məsələ vasitəsilə təlim, funksiya anlayışının daxil
edilməsi, həndəsənin tədrisi, riyazi modelləşdirmə və s.) geniş müzakirə
olunmuşdur.
İndi bəzi xarici ölkələrdə riyaziyyatın tədrisinin ümumiləşdirmə baxımından
xüsusiyyətlərini göstərək.
ABŞ ümumtəhsil orta məktəbi üç pilləlidir: ibtidai siniflər (I-VI), aşağı orta
məktəb (VII-VIII), yuxarı orta məktəb (IX-XII). Şagirdlər məktəbə 6 yaşında daxil
olurlar. Burada orta məktəb üçün vahid dövlət proqramı yoxdur. Hər ştatın özündə
Dostları ilə paylaş: |