_____________Milli Kitabxana_____________
36
Tək, xüsusi və ümumi haqqında bu deyilənlərin məktəb riyaziyyat kursuna
tətbiqdə nə demək olduğunu ayrı-ayrı mövzuların öyrənilməsi ilə əlaqədar izah
edirik.
2) Qanun və qanunauyğunluq;
3) mahiyyət və təzahür
Bu kateqoriyaların mahiyyətinin izahı üzərində dayanırıq. [13]-də ümumi-
ləşdirmənin mahiyyəti belə verilir: “Ümumiləşdirmə – təkcədən ümumiyə, daha az
ümumi bilikdən daha çox ümumi biliyə keçiddən ibarət məntiqi proses, həmçinin
bu prosesin nəticəsi, ümumiləşdirilmiş anlayış, mühakimə, elm qanunu, nəzəriyyə.
Ümumiləşdirilmiş biliyin əldə edilməsi gerçəkliyin daha dərindən əks edilməsini,
onun mahiyyətinə nüfuz olunmasını göstərir. Formal məntiqdə anlayışın məzmunu
dedikdə növ anlayışından cins anlayışına keçid başa düşülür. Bu halda cins
anlayışının məzmunu məhdudlaşmış olur, çünki bu məzmundan növ əlamətləri
kənar edilib. Ümumiləşdirməyə əks proses məhdudlaşdırmadır”. Burada, habelə
“ümumi sistemlər nəzəriyyəsi – sistemlər təşkil edən obyektlərin tədqiqinin xüsusi
elmi və məntiqi – metodoloji konsepsiyası”-nın mahiyyəti, əhəmiyyəti və
yaradıcıları haqqında məlumat verilir. Fəlsəfədə ümumiləşmə əməliyyatı və ÜSN
haqqında deyilənlərdən riyaziyyatın və informatikanın tədrisi metodikasının
təkmilləşdirilməsi və yeniləşdirilməsində istifadə etmək lazımdır.
1.2. Riyazi təhsilin inkişafında dünyəvi meyllər
Girişdə hazırki dünyada təhsil sisteminin inkişaf proseslərinin əsas
istiqamətlərini [1)-4)], ümumi orta təhsilin inkişafının müasir mərhələsinin
xaratkerik cəhətlərini [1)-7)], ayrı-ayrı ölkələrdə təhsil müddətinin necə olmasını
göstərdik. Bunları nəzərə alaraq deyə bilirik ki, Azərbaycanda ümumi orta təhsilin
dünya üzrə qəbul edilmiş müddətinə keçmək iqtisadi cəhətdən inkişaf etmiş
ölkələrin texnologiyasından geri qalmağın qarşısını almaq, məzunların konqurent,
davamlı hazırlanmasını təmin etmək və fərdi təhsil proqramını yerinə yetirmək
üçün onlara əlavə imkanlar verməyə səbəb olardı.
_____________Milli Kitabxana_____________
37
Hazırda dünyada 12 illik məktəbdə tədris fənlərinin məzmununun dəyişməsi
istiqamətləri göstərilir. Biz burada riyazi təhsil konsepsiyasını göstərməklə (12 illik
məktəbdə) kifayətlənirik. Belə hesab edirik ki, riyaziyyatın tədrisində
ümumiləşdirməni reallaşdırmaq üçün ən azı bu konsepsiya lazımdır.
1. Riyazi təhsilin əhəmiyyəti. Bir çox yüzilliklərdə dünyanın bütün
ölkələrində riyaziyyat ümumi təhsil sisteminin ayrılmaz hissəsi olmuşdur. Bu,
tədris fənni kimi riyaziyyatın şəxsiyyətin formalaşmasında nadir əhəmiyyətə malik
olması ilə izah edilir. Riyaziyyatın təhsil, inkişaf etdirmə potensialı olduqca
böyükdür. Təfəkkürün hərtərəfli elementi məntiqdir. Müasir insanda özünü dərk
etməkdə və başqaları ilə ünsiyyətdə istifadə olunan təfəkkürün tam inkişafı,
mühakimələrin gedişində və təfəkkür nümunələri ilə tanışlıq, məlum məntiqi
mədəniyyəti formalaşdırmadan mümkün deyil. Hadisələrin məntiqi təhlilini
düzgün aparmağı, bu yolla məkan faktlardan nəticə çıxarmağı, tərif vermək və
təriflə işləməyi, məlumu məchuldan, isbat ediləni isbat edilməyəndən
fərqləndirməyi, təhlil etməyi, təsnifat aparmağı, fərziyələr irəli sürməyi, onları
inkar və təsdiq etməyi, analogiyadan düzgün istifadəni insanlar məhz riyaziyyatı
prosesində müəyyən səviyyədə mənimsəyə bilirlər. İntiusiya məntiqə gedən
yoldur. Riyazi məsələlərin həlli prosesində qazanılmış təcrübə, vərdiş kimi
səmərəli təfəkkürün və fikrin ifadə üsullarının (yığcamlıq, dəqiqlik, tamlıq,
aşkarlıq və s. ) inkişafına intiusiya isə nəticəni əvvəlcədən görməyə və həll
yolunun dərkinə kömək edir. Riyaziyyat bütün idrak proseslərini inkişaf etdirir,
həm də insanı elmi yaradıcılığının ilk təcrübəsinə, dünyanın elmi mənzərəsinin
öyrənilməsinə aparan yoldur. Riyaziyyat şəxsiyyətin ümumi inkişafına əhəmiyyətli
təsir etməkdən əlavə, xarakterin, mənəvi keyfiyyətlərin formalaşmasında mühüm
yer tutur. Riyazi məsələnin tam həllini başa çatdırmaq üçün kifayət qədər uzun
şaxəli yollar keçmək lazımdır. Bu zaman səhvləri gizlətmək mümkün deyil –
nəticənin düzgünlüyünü və həllin əsaslandırılması üçün obyektiv meyarlar vardır.
Riyaziyyat insanda doğruluq, obyektivlik, inadkarlıq, əməksevərlik kimi key-
fiyyətlərin formalaşmasına, dünyanın estetik qavranılmasına, estetik komponentlər
daxil olan emosional hisslərin güclənməsinə kömək edir. Fikirlər aləmi, mücərrəd
_____________Milli Kitabxana_____________
38
obyektlər, formalar, münasibətlər, məntiqi konstruksiyalar aləmin estetik əsası
kimi olduqca mühüm keyfiyyətlərdir. Nəhayət, riyaziyyat xüsusi əhəmiyyətə malik
təcrübi utilitar (istifadə edilmək, işlənilmək) tərkibə malikdir. Müasir aləmdən baş
çıxarmaq üçün hər kəsə riyazi xarakterli bilik və bacarıqlar lazımdır (hesablama
vərdişləri, EHM-dən istifadə, həndəsi kəmiyyətlərin ölçülməsi, həndəsi fiqurları
tapmaq və təsvir etmək, funksiyalarla və qrafiklərlə işləmək, tənasüblər, tənliklər,
bərabərsizliklər, onarın sistemini qurmaq və həll etmək, çoxluqlar və stoxastik
biliklər və s.). Riyaziyyatın əhəmiyyətini ümumiləşdirmələr aparmaq prosesində
daha yaxşı başa düşmək olar.
2. Riyazi təhsilin məqsədi aşağıdakılardan ibarətdir:
- Təcrübi fəaliyyətdə tətbiq etmək, digər fənləri öyrənmək, təhsili davam
etdirmək üçün konkret riyazi bilik, bacarıq və vərdişləri mənimsəmək;
- Şagirdlərin əqli inkişafı, riyazi fəaliyyəti üçün səciyyəvi və insanda
cəmiyyətdəki həyatında lazım olan təfəkkür keyfiyyətləri formalaşdırmaq;
- Riyaziyyatın və riyazi fəaliyyətin mənimsənilməsi prosesində şəxsiyyətin
tərbiyə edilməsi;
- Riyaziyyatın ideya və metodları haqqında varlığın təsviri və dərk edilməsi
kimi, riyaziyyat haqqında təsəvvürlərin formalaşdırılması.
3. Ümumi prinsiplər. 1) Müasir şəraitdə riyaziyyatın əsaslarının öyrənilməsi
gənc nəslin ümumtəhsil hazırlığının olduqca mühüm sahəsidir. Hazırda dünyanın
əksər ölkələrində məktəb riyazi təhsilinə diqqət artırılır. Dünya təcrübəsinin təhlili
üç əsas meyli ayırmağa imkan verir: a) riyazi təhsilin bütün məktəblilər üçün
zəruriliyinin başa düşülməsi və uyğun tədqiqatların genişləndirilməsi; b) Tədris
planında tədrisin bütün mərhələlərində riyaziyyatın ümumtəhsil kursunun daxil
edilməsinə cəhdin olması; c) məktəbin yuxarı pilləsində riyazi hazırlıqda dərin
diferensiallaşdırma.
2) 12 illik məktəbin riyazi təhsil konsepsiyası 11 illik məktəbin hazırki
konsepsiyasına əsaslanır. Bu konsepsiya riyaziyyatın öyrənilməsinin metodik
sistemində məktəb riyazi təhsilin iki general funksiyası ilə reallaşmağı nəzərdə
tutur: a) riyaziyyatın köməyi ilə təhsil; b) riyaziyyatın özünün öyrənilməsi.
Dostları ilə paylaş: |