_____________Milli Kitabxana_____________
105
Əqlin inkişafının qanunauyğunluqları didaktik prinsiplərin əsasıdır. Odur ki,
riyaziyyatın tədrisinin müxtəlif mərhələlərində aparılan ümumiləşdirmələr didaktik
prinsiplərə uyğun olmalıdır.
Əyaniliyin düzgün tətbiqi şagirdlərin diqqətini obyekt və münasibətlərdəki
məhz ümumiləşdirmək-mücərrədləşdirmək lazım gələn cəhətləri ayırmağa
yönəldilmiş, müəllimin idarəedici sözləri ilə əlaqədardır. Şüurluluq və fəallıq
prinsipi tələb edir ki, müəllim idrakda olan bütün mürəkkəb əlaqələr sisteminin, o
cümlədən ümumiləşdirmələrin, şagirdlər tərəfindən başa düşülüb anlaşılması kimi
daxili proseslərə nüfuz etsin. Elmilik prinsipi demək olar ki, bütün təlim fənlərinin,
o cümlədən riyaziyyatın, strukturunu və məzmununu daima nəzərdən keçirib
dəyişməyi mümkün sayır. Ümumiləşdirmədə müəyyən sistem olmalıdır, çünki
elmin müəyyən sistemini öyrənmədən, ona sahib olmaq mümkün deyil. Təlimdə
sistematiklik prinsipi şagirdlərin biliklərini ardıcıl olaraq genişləndirmək və dərin-
ləşdirməyi, onların təhlil etmə, ümumiləşdirmə və xüsusiləşdirmə bacarıqlarını
inkişaf etdirməyi tələb edir. Sistematiklik materialın ardıcıl surətdə yerləşdirilməsi
ilə təmin edilir. Biliklərin ümumiləşdirilməsi və xüsusiləşdirilməsində, təlimin təş-
kilində, onun başlıca vəzifələrinin (öyrətmək, inkişaf etdirmək, tərbiyələndirmək)
yerinə yetirilməsində, idrak fəaliyyəti üçün şagirdlərin bütün daxili psixoloji
imkanlarından istifadə olunmasında elmilik, ardıcıllıq, sistematiklik təmin
edilməlidir. Biliklərin möhkəmləndirilməsi prosesində müqayisə, təsnifat, təhlil,
sintez, ümumiləşdirmə, xüsusiləşdirmə zehni əməliyyatların böyük rolu vardır,
bunlar yadda saxlama prosesinin intensivliyinə kömək edir. Müyəssərlik tələbi
idrakı və əməli fəaliyyətdə müxtəlif şəkildə təzahür edən fərdi xüsusiyyətləri
müəyyənləşdirmək və təlimdə istifadə ilə əlaqədardır.
Təlim prinsiplərinin hər birinin riyaziyyatın tədrisində ümumiləşdirmə üçün
əsas götürülməsi lazımdır. Lakin bu didaktik kateqoriyaların mənası ondan
ibarətdir ki, bunlar yalnız sistem şəkildə və bir-birini şərtləndirmiş halda
götürüldükdə həm riyaziyyatın tədrisində ümumiləşdirmənin məzmunu, həm də
bununla əlaqədar şagirdlərdə müvafiq idrak fəaliyyətinin inkişaf etdirilməsi yolları
baxımından təlim prosesinin aydın istiqamətini təmin edə bilər.
_____________Milli Kitabxana_____________
106
2.5.Riyaziyyatın tədrisində ümumiləşdirmə və anlayışın formalaşdırılması
sistematik idrak əməliyyatlarıdır
2.5.1. Ümumiləşdirmənin və anlayışın mahiyyəti, onların yaranmasında
iştirak edən məntiqi əməliyyatlar. Obyektiv gerçəkliyin dərk olunmasında
istifadə edilən təfəkkür formalarından biri də obyekt və münasibətlərin mühüm
əlamətlərini göstərən anlayışlardır. Məlumdur ki, hər bir anlayışın məzmunu və
həcmi vardır. Anlayışın məzmunu və həcmini dəqiq müəyyənləşdirmək üçün
ümumiləşdirmə və xüsusiləşdirmədən istifadə olunur. Ümumiləşdirmə (latın
dilində - generalisatio) təkdən ümumiyə, az ümumidən daha çox ümumiyə
keçməkdir. Anlayışın ümumiləşdirilməsi (ingilis dilində: concept generalisation)
elə məntiqi əməliyyatdır ki, onun köməyi ilə fikir prosesi az həcmli anlayışdan
geniş həcmli anlayışa doğru gedir. Eyni zamanda ümumiləşdirmədə fikir geniş
məzmunlu anlayışdan az məzmunlu anlayışa keçir. Ümumiləşdirmə və
xüsusiləşdirmə sonsuz, hüdudsuz proses deyildir. Ümumiləşdirmənin son həddi,
geniş həcmli anlayışlarda, yəni kateqoriyalarda (materiya, şüur, imkan, zaman,
məkan və s.), xüsusiləşdirmənin son həddi isə fərdi anlayışlarda qurtarır.
Kateqoriyalar üçün cins anlayışı yoxdur, ona görə də onları ümumiləşdirmək
olmaz. Anlayışın ümumiləşdirilməsinin əksinə olan proses xüsusiləşdirmədir.
Anlayışın xüsusiləşdirilməsi prosesində həcmi geniş olan anlayışdan dar həcmli
anlayışa, başqa sözlə cins anlayışından növ anlayışına keçilir. Fərz edək ki,
verilmiş iki uyğun anlayışların, məntiqi quruluşlarını təşkil edən, həcmləri A, B,
məzmunları isə uyğun olaraq
β
α
,
-dır. Onda ümumiləşdirmə və xüsusiləşdirmənin
riyazi-sxematik olaraq belə ifadə etmək olar:
(ü-x)
(
) (
)
α
β
⊂
⇔
⊂ B
A
Ümumiləşdirmə
Xüsusiləşdirmə
_____________Milli Kitabxana_____________
107
Anlayışın xüsusiləşdirilməsi prosesi bu prosesdə vahid anlayış alınana qədər
davam etdirilə bilər. Məsələn, “Kompleks ədəd” anlayışının xüsusiləşdirilməsi: 1)
kompleks ədədlər (K), 2) həqiqi ədədlər (R), 3) rasional ədədlər (Q), 4) tam
ədədlər (Z), 5) natural ədədlər (N), 6) 5 ədədidir. (ü-x) sxemini bura tətbiq etsək
yazarıq (Şəkil 1.).
Riyaziyyatın tədrisində hər iki
əməliyyatdan geniş istifadə edilir.
Məsələn, məktəbdə ədəd anlayışının
inkişafı ümumiləşdirmə (şəkil 1)
çoxbucaqlı anlayışı isə xüsusiləşdirmə
(çoxbucaqlı – müstəvi çoxbucaqlı –
qabarıq dördbucaqlı – paraleloqram –
düzbucaqlı – kvadrat).
Hər bir hadisə, hər bir əşyanın sonsuz
sayda xassələri vardır və başqa əşya və hadisələrlə, bütün maddi aləmlə əlaqədədir.
Təfəkkürümüz bütün bu xassə və əlaqələri dərhal əhatə edə bilməz. Odur ki, əşya
və hadisələri öyrənərkən zərurət üzündən öyrənilən obyektin yalnız bir və ya bir
neçə mühüm xassələrinə, onun başqa obyektlərlə bir və ya bir neçə mühüm əlaqə-
sinə diqqət yetiririk. Başqa xassə və əlaqələrə, onları mühüm hesab etməyərək fikir
vermirik, başqa sözlə onlardan sərf nəzər edirik, mücərrədləşdiririk. Bu isə riyazi
anlayışlar yaratmaqda və ümumiləşdirmədə olduqca mühüm yer tutur. Konkret
əşyanın bütün sonsuz xassələri və əlaqələrini nəzərə almayıb və bu sonsuzluqdakı
yalnız ayrı-ayrı xassələri götürməklə, elmi mücərrədləşirmə, bilavasitə canlı
müşahidəyə nisbətən ayrılmış mühüm xassələri daha dərin, aydın, aşkar əks edir.
İxtiyari riyazi modelin qurulması mücərrədləşdirmə ilə bağlıdır. Riyaziyyatda
mücərrədləşdirmənin ən çox yayılmış formaları bunlardır: eyniləşdirmə
K
R
Q
Z
N
⊂
⊂
⊂
⊂
⊂
5
u
x
1)
2)
3)
4)
5)
6)
5 ədədi
Şəkil 1.