Vaqif Sultanlı
132
– Növbəsiz keçmək olmaz, - dedi.
Qoca:
– Mən Sarı dərvişin əmanətini gətirmişəm. Şəxsən
özüm təqdim etməliyəm, - dedi.
Sarı dərvişin adını eşidincə mühafizəçilərdən biri ça-
dırların arasında gözdən itdi. Xeyli keçəndən sonra qayı-
daraq qocaya Ağ dərvişin ruhlarla təmasda olduğunu və
mərasim bitənə qədər gözləməyi bildirdi.
Qoca mühafizəçinin göstərdiyi ağ, yastı daşın üstündə
oturub gözləməyə başladı.
Bir azdan mühafizəçi təkrar Ağ dərvişin çadırına baş
vuraraq qayıtdı və qocaya ardınca gəlməsini söylədi. Qövs
şəklində sıralanmış alaçıqların arasından keçərək qübbəli
çadıra yaxınlaşdılar.
Ağ dərviş qocanı gülərüzlə qarşıladı.
Qoca:
– Sizə Sarı dərvişin əmanətini gətirmişəm, - dedi.
– Sarı dərvişdən soraq gələcəyi dünən gecə yuxuda
ayan olmuşdu mənə, - deyincə qoca təəccübləndi, ancaq bir
söz söyləmədi.
Qoca Sarı dərvişin verdiyi düyünçəni ona uzatdı.
Ağ dərviş düyünçəyə gözünün ucu ilə belə baxmadan
onu bayaqdan bəri başının üstündə müntəzir dayanan, saq-
qalı az qala dizlərinə qədər uzanmış arıq, şümərək bir
kişiyə ötürdü.
Qoca:
– Mən gələcəkdən imtina etdim, keçmişə sarı
gedirəm.
Ağ dərviş:
Səhra savaşı
133
– Hər şeyi bilirəm, söyləmənə ehtiyac yoxdu, - dedi
və sonra qocanı başdan-ayağa süzərək: - Sən vücudunda
ölü ruh gəzdirirsən. Ruhunu diriltmək lazımdı, - əlavə etdi.
– Bu, mümkün olacaqmı?
– Qabaqcadan söyləmək olmaz.
– Nə qədər zaman aparacaq sizcə?
– Bunu da bilmək olmaz.
– ...
– Öncə ruhunu vücudundan çıxarıb müayinə edəcə-
yəm. Yalnız bundan sonra dəqiq vaxtı söyləmək olar.
Qoca mərasimdən qabaq ruh bazarını gəzib dolaşmaq
istəyirdi. Bayaqdan bəri dərgahın bazara çevrilməsi ilə
bağlı eşitdikləri zehnini məşğul etməkdəydi. Ona görə də
Ağ dərvişdən icazə istədi.
– Sizdən bir ricam var, baba dərviş. Rüsxət
verərsəniz, bir neçə saatlığa bazarı gəzib dolaşmaq
istəyirəm.
Ağ dərviş:
– Peşman olacaqsan, - dedi.
Ancaq qoca içini bürüyən maraq duyğusunu boğa bil-
mədiyindən bir daha üz vurdu:
– Bunca ağır yolçuluqdan sonra ruh bazarını görmə-
dən getməyimi özümə bağışlaya bilmərəm. Sizdən israrla
icazə vermənizi rica edirəm.
Ağ dərviş:
–
Bu qədər təkid edirsənsə, yoluna sədd çəkməyim in-
safdan olmaz, - dedi.
Dərvişin sözlərindən qocanın çöhrəsinə ilıq bir təbəs-
süm yayıldı.
Sonra dərviş çadıra keçərək bir azdan əlində gümüş
sini geri döndü və sinidən dolu kasanı alaraq qocaya uzatdı:
Vaqif Sultanlı
134
– Əvvəlcə bunu iç, - dedi.
Qoca təəccüb dolu nəzərlərlə dərvişi süzərək:
– Bu nədir belə, baba dərviş? - sordu.
– Qorxa, iç, - dedi. - İksirdi, öz əllərimlə hazırlamı-
şam.
Qoca kasanı ağzına apararaq bir-iki qurtum uddu, an-
caq maye dadsız və ürəkbulandırıcı olduğundan ögüdü, içə
bilmədi.
Ağ dərviş:
– Saxlama, sona qədər iç.
– İçə bilmirəm, ürəyim ağzıma gəlir.
– İçməsən, bazara getməyinin bir faydası olmayacaq.
– Nə səbəbə?
– Çünki iksiri içməsən ruhları görə bilməzsən.
Dərvişin sözləri sanki təkan oldu, qoca iradəsini top-
layaraq kasanı başına çəkib son qətrəsinə qədər içdi.
Kasanı əlindən yerə qoymamış bədəninin sürətlə sus-
taldığını, canından nəyinsə qopub ayrıldığını, havasız mə-
kandaymış kimi çəkisizləşdiyini duydu. Vücudu o qədər
yüngülləşmişdi ki, indicə ayaqlarının yerdən üzüləcəyini,
quş kimi səmaya qalxacağını hiss edirdi. Başı hərləndiyin-
dən müvazinətini saxlamaq üçün gözlərini yumdu.
Ağ dərviş:
– Özünü necə hiss edirsən?
– Yer ayaqlarımın altından qaçır, qanadlanıb uçmaq
istəyirəm.
– İndi bazara gedə bilərsən.
Ağ dərviş çadırın ətrafında dolaşan mühafizəçilərdən
birini səslədi. Mühafizəçi gəlincə:
Səhra savaşı
135
– Qonağı apar, bazarı görsün. Tələsdirmə, qoy ürəyi
istəyən qədər gəzib dolaşsın. Ancaq yanından ayrılma, gö-
zün üstündə olsun.
Bazara girəndə vücudunda bir əsinti, çalxantı duyma-
ğa başladı. Özünü tanıya bilmirdi, sanki əvvəlki adam de-
yildi, dönüb bambaşqa bir canlıya çevrilmişdi. Ruhların
çevrəsində olduğundanmı, ya ilk dəfə belə bir bazara düş-
düyündənmi özünü, sözünü bilmirdi.
Bu gördüyü, gəzdiyi bütün bazarlardan, hətta bundan
xeyli öncə qədəm qoyduğu vaxt bazarından da seçilirdi.
Vaxt bazarı ilk baxışda nə qədər qəribə görünsə belə, orda
bunca həyəcanlandığını xatırlamırdı.
Bazar qarışqa yuvası kimi qaynayır, insan selinin ucu-
bucağı görünmürdü. O qədər nəhəng idi ki, günlərlə gəzil-
səydi belə bazarın sonuna varmaq mümkün deyildi.
Qoca mühafizəçinin ardınca tələsmədən, ehtiyatla, bö-
yür-başına göz gəzdirə-gəzdirə addımlayır, içərisi ilə keçib
getdiyi bazarın cikini-bikini, sirrini, incəliklərini öyrənmək
istəyirdi.
Bazarda kimi satır, kimi alır, kimisi isə nə istədiyi
bəlli olmadan eləcə aşağı-yuxarı gəzib dolaşırdı. Ancaq ba-
zar əhlinin sir-sifəti, çöhrəsi ona son dərəcə qəribə gəlirdi.
İndiyədək bu çöhrədə, bu sir-sifətdə insanlarla üzləşdiyini
xatırlamırdı.
Bazarın bir tərəfində sıra ilə qəfəslər düzülmişdi. Qo-
ca mühafizəçidən bunun nə olduğunu soruşdu. Mühafizəçi
dərindən köks ötürərək:
– Bunlar əsir ruhlardı, - dedi.
–
Əsir ruhlarmı?
Mühafizəçi başı ilə təsdiq etdi.
Dostları ilə paylaş: |