29-rasm. Bomiyondagi Budda haykali
200
Buddizm jamoalari begona din, madaniyat va urf-odatlar ustun
bo‘lgan sharoitlarda asrlar mobaynida o‘zlarini saqlab qolish, fursat
kelganda, ularga o‘z ta’sirlarini o‘tkazish qobiliyatiga egadirlar.
Ularning bu xususiyatlari Hindistonda musulmon hukmdorlari
davrida, Shri Lankada portugallar, gollandlar va inglizlar
mustamlakasi davrida, Xitoy va Yaponiya konfusiychilari davrida
mazkur hududlarga buddizmning yoyilishida yaqqol namoyon
bo‘ladi.
Buddizm ta’limoti bir qator kitoblar shakliga keltirilgan
to‘plamlarda bayon qilingan. Ulardan eng asosiysi Tripitaka (yoki
Tipitaka) — «uch savat» ma’nosini anglatadi. U uch qismdan iborat
bo‘lganligi uchun shunday nom bilan atalgan. Bu manbaning
qo‘lyozma nusxasi Shri Lankada saqlanib qolgan. U milodning
boshlarida kitob shakliga keltirilgan. Ular Budda targ‘ibotining
haqiqiy bayoni hisoblangan sutra matnlari — Sutra-pitaka, rohiblik
axloqi, xonaqohlar nizomlariga bag‘ishlangan vishya matnlari –
Vinaya-pitaka, buddizmning falsafiy va psixologik muammolarini
bayon qilib berishga bag‘ishlangan abxidxarma matnlari –
Abxidxarma-pitakadan iborat. Keyinchalik shakllangan sanskrit,
xitoy, Tibet, kxmer va yapon tillaridagi buddizmga oid adabiyotlar
ancha keng tarqalgan, ammo ularning ilk buddizm tarixi uchun
ahamiyati ozroq. Budda hayotiga tegishli rivoyatlarning asosiysi
Tripitakada jamlangan
59
.
Shunday qilib, buddizm mil. av. birinchi ming yillik oxirlarida
Markaziy Osiyoni o‘z ichiga olgan Kushon imperiyasiga kirib keldi.
Bizning diyorimizda olib borilgan arxeologik qazilmalar asnosida
O‘ratepa, Dalvarzintepa, Quva, Zartepa, Qorovultepa, Ayritom
mavzelaridan topilgan Shakyamuni sanamlari, hayvon haykalchalari,
ramziy g‘ildiraklar va stupa qoldiqlaridan Kushon imperiyasida
buddizmga katta ahamiyat berilganini anglash mumkin.
O‘rta Osiyoda dinlar tarqalganligi manzarasi rang-barang va
tadqiq qilish uchun o‘ta qiziqarli. Bu mintaqada boshqa qadimiy
dinlar bilan bir qatorda buddizmning ham keng yoyilganligini
kuzatamiz.
59
William J. Duiker, Jackson J. Spielvogel .The Essential World
History,Volume I: To 1800: Boston, 2007.
Р
. 45
201
Bir guruh tadqiqotchilar mazkur din O‘rta Osiyoga kirib
kelishini Kushonlar shohi Kanishka xukmronligi davriga taalluqli deb
biladilar (I asrning oxiri – II asrning boshlari). Ikkinchi guruh esa bu
jarayonning boshlanishini biroz ertaroq, deb hisoblaydi. Tadqiqotchi
B.A. Litvinskiyning fikricha, buddizm Shimoli-G‘arbiy Hindiston va
Janubiy Afg‘oniston (Qandahor) orqali taxminan mil. av. III asrda
Baqtriyaga (O‘zbekistonning janubiy hududlari) tarqala boshlagan.
Baqtriyaga buddizmning kirib kelishi va yoyilishi haqida
boshqa fikr ham mavjud. Tadqiqotchi R.Ch. Bagchi bu jarayon
podshoh Ashoka (mil. av. 273-232 yillar) hukmronligi davrida yuz
bergan, deb hisoblaydi. Ammo bu fikrni tasdiqlovchi arxeologik
materiallar yetarli emas. Shuning uchun ham buddizm bu hududga
Kushonlar davrida kirib kelgan, degan fikr haqiqatga yaqinroq.
Chunonchi B.Ya. Staviskiy bu fikrni Kushonlar hukumatining hind
viloyatlari va buddist jamoalarning homiylari bilan aloqalari
mustahkam bo‘lganligi bilan isbotlaydi. Ammo shu bilan bir qatorda
baqtriyaliklarning Kanishkaga qadar buddizm bilan tanish
bo‘lganliklarini tasdiqlovchi ma’lumotlar ham mavjud.
Mil. av. I asr va milodning IV asrlari oralig‘ida Kushon
imperiyasida buddizmning Maxayana yo‘nalishi davlat dini deb e’lon
qilindi. Bungacha buddizm Hindistonda uzoq tarixga ega bo‘lsa-da, u
yerda asosiy yo‘nalish bo‘lgan Xinayana ham bunday mavqega
erishmagan edi. Kanishka, Vima, Kadfiz va ulardan keyingi Kushon
imperatorlari buddizmni keng yoydilar. Ular bu din an’analarini
amalda rivojlantirish, boshqa xalqlar o‘rtasida tarqatish uchun Balx,
Marv, Termiz, Samarqand, Buxoro, Shosh, Turkiston, Quva, Koson,
O‘sh, Bolosog‘un, Qoshg‘ar va boshqa shaharlarda buddizm
takyagohlari va xonaqohlari, ibodatxolarini qurib, buddizmning
muqaddas kitoblari, sutra va pastrilarni o‘rganish, tarjima qilish va
sharhlash uchun sharoit yaratib berdilar.
Buddizm Markaziy
Osiyoni hind madaniyati bilan
tanishtirishda xuddi “ko‘prik” xizmatini ado etgan. Bu dinning keng
tarqalishi bilan Hindiston va O‘rta Osiyo xalqlari o‘rtasida o‘zaro
munosabatlar rivojlanib ketdi. Bu o‘zaro aloqalar bir yoqlama
bo‘lmasdan, balki Hindistonda ham Markaziy Osiyo madaniyati
izlari borligi namoyon bo‘lmoqda. Masalan, Hindistondagi ko‘pchilik
qo‘shin, harbiy va ma’muriy amaldorlar o‘rta osiyoliklardan
tayinlangan. Yana bu madaniyatning izlari – Yunon alifbosiga
202
asoslanib Kushon yozuvida bitilgan Baqtriya tili, kiyim-kechak
xillari, cholg‘u asboblari va raqslari ham kirib bordi.
Yodgorliklarda tangalar ibodatxonaning Kushon podsholaridan
Kadfiz I (eramizning I asri) davrida zarb qilinganligidan darak beradi.
Xonalar ichida ganchdan tayyorlangan haykallar maydalanib,
markaziy qismi “shohlar zali” deb nomlangan, chunki u yerda
haykallar buddaning izzatlovchi podsho xonadonidagi va unga yaqin
kishlarni ifodalaydi. Bu xonaga maxsus yo‘laklar orqali kirilib, qolgan
xonalarda oziq-ovqat saqlangan va ba’zilarida kohinlar (monaxlar)
istiqomat qilganlar.
“Shoxlar zali” yonida Budda haykali o‘rnatilgan supaning
poydevori saqlanib qolgan, u asosan xom g‘isht va paxsadan
ishlangan. Haykallar aksariyat “shoxlar zali” va unga boradigan
yo‘lakdan topilgan, bizgacha yetib kelgan haykallar bir-biridan ajoyib
va nodir. Ularda podshoh, shahzoda, amaldorlar, Budda, uning
muxlislari, shogirdlari va izdoshlari tasvirlangan.
Shahzodaning haykalida uning qimmatbaxo toshlar qadalgan
maxsus tayyorlangan och ko‘k rangli uzunchoq kulohi va yuz tuzilishi
ustalik bilan ishlangan kushon podsholaridan biri II asrda hukmronlik
qilgan Vasudeva o‘zi zarb qildirgan mis tangalarda xuddi shunday
kulohda tasvirlangan edi. Ikkinchi haykal esa kattaroq, uzunligi 1
metrga teng, uni aslida bo‘lak-bo‘lak holda xonaning u yer-bu yeridan
topilib, San’atshunoslik institutining tajribali haykaltarosh
ta’mirchilari uni avvalgi holiga qaytardilar. Uning ustki kiyimi
Kushon imperiyasi amaldorlarining libosini ifodalab, yuzi va shalvari
qip-qizil rangda, mo‘ylovi, sochi, osilib turgan belbog‘i qora rangda.
Jahon sivilizatsiya tarixida alohida ahamiyatga ega bo‘lgan
budda dini va uning keng tarqalishi hamda Budda e’tiqodlarining
keng yoyilishida Dalvarzin shahri muhim o‘rin egalladi. Keng
tarqalgan dinlardan bo‘lgan Buddaviylik
inshootlari Dalvarzin
shahari devoridan yarim chaqirim uzoqlikda joylashgan, Budda dinini
Kushon hukmdorlari o‘z homiyligiga olishgan. Shuning uchun bo‘lsa
kerak, Dalvarzin shahridagi bu ikkala budda inshooti juda
hashamatli va dabdabali bo‘lib, shaharni dushman qamal qilib
turganda ham.
Kanishka ko‘plab budda inshootlarini qurdirdi, poytaxtda
buddaviylarning diniy yig‘ilishini o‘tkazdi. Uning zarb qilgan
tangalarida boshqa xudolar bilan bir qatorda, Buddaning tasviri va
203
BOODOO degan yozuv ham bitilgan edi. U hatto davlat boshqarish
apparatida maslahatchi sifatida budda koxinlaridan ham foydalandi.
Kushon podsholari bu dinni qabul qilish va boshqalarni shu dinga
bo‘ysundirish uchun o‘t qo‘yib, qilich o‘ynatib, boshqa dinlarga oid
ibodatxonlarni yer bilan yakson qilmadilar. Bu ishni juda ustalik bilan
ishontirish yo‘li bilan amalga oshirib, kohinlar o‘z ilmi va harakati
bilan xalqni o‘z ta’siriga o‘tkazdilar. Ana shunday budda
tashviqotchilaridan biri termizlik (ya’ni “tarmitalik”) Dxarmamitra
boshliq tashviqotchilar, hatto bu dinni sharqiy Turkiston va Xitoyga
va boshqa joylarga tarqatdilar. Kushonlar imperiyasida Budda dini
yagona davlat dini bo‘lmasdan, balki har qaysi elatning o‘zi hohlagan
dinlari bo‘lib, ular o‘z xudolariga ishonar va sig‘inar edi.
Buddizmning qulayligi yana shundaki, budda ibodatxonalariga
yangi kelganlar nafaqat diniy risolalar va kitoblar o‘qishar, balki shu
bilan birga, dunyoviy adabiyotlar – tibbiyot, grammatika, musiqa, yer,
osmon, shamol va yulduzlar haqida, rassomlik va she’riyat ilmlarini
o‘rganishar edi. Shuning uchun ham, buddizm tadqiqotchilarining
fikricha, buddizm o‘zining 2500 yillik tarixi davrida ibodatxonalarni
qurishda, haykaltaroshlik va rassomlik sohasida, diniy-falsafiy
risolalar yaratishda, targ‘ibotchilikda va ziyoratchilikda, yirik
buddizm mutafakkirlari sonining ko‘pligi jihatidan Kushon
imperiyasidek yuqori darajaga erishmagan. Hatto xorazmlik alloma
Abu Rayhon Beruniy ham buddizm haqida quyidagilarni yozib
qoldirgan: “O‘tmish zamonlarda Xuroson, Fors, Eron va Mosuldan to
Suriyaning chegarasigacha yashagan aholi buddaviy diniga sig‘inar
edi. Ammo keyinchalik Zoratushtra (Zartushtra) ta’limoti Gushtaspga
yoqib, uni mag‘rib va mashriqda tarqata boshladi. Chin mamlakatidan
to Rum yerlariga qadar otashparastlik ibodatxonalari qurildi”.
Buddaviylikning O‘zbekiston va Xindiston xalqi o‘rtasida o‘z
davrida ma’naviy ko‘prik bo‘lib xizmat qilganligi aniq. Xalqlarimiz
orasidagi do‘stlik va birodarlikning ildizlari u davrga borib taqaladi
va bugungi kunda aksariyat kishilar, ayniqsa, yoshlarimizning hind
xalqi, uning madaniyat va san’atiga qiziqishi tasodifiy emas.
Dostları ilə paylaş: |