5
olan durğun suların qurudulması;
c) yarımsəhra, tapdanmış və seyrəkləşmiş otaqlarda qara
heriyin tətbiqi;
ç) əkin sahələrində biçindən sonra dərhal dərin şum
aparılması;
d) ocaqları tapılmış və dəqiqləşdirilmiş yerlərə aldadıcı yemlər
səpilməsi;
e) zərərvericinin miqdar dinamikasının öyrənilməsi və onun
inkişafının nəzarətdə saxlanılması üçün bölgə mütəxəssislərinin
vaxtaşırı müşahidələr keçirməsi.
2. İntensiv inkişaf və zərərvurma dövründə tətbiq edilən
metodlar:
Çəyirtkənin inkişafı nəzarətdən çıxdıqda və onların başqa
yerlərdən kütləvi surətdə gələrək zərər vurduğu dövrdə kimyəvi
mübarizə metodları tətbiq edilir. Bu məqsədlə aldadıcı yemlərin və
insektisidlərin birbaşa səpilməsindən istifadə edilir. Əgər zərər-
verici sürü şəklindədirsə, bu zaman aviaçiləmələrdən və aviasiya
vasitəsi ilə aldadıcı yemlərin səpilməsindən istifadə çox yüksək
səmərə verir. Aviasiyadan istifadə mümkün deyilsə, yerüstü
çiləyicilərdən və aldadıcı yemlər səpən mexanizmlərdən istifadə
edilməlidir.
Aldadıcı yemlər bir neçə formada quru və yaş halda hazırlana
bilər. Bu məqsədlə yaşıl qarğıdalı yarpağı, kəpək, ağac kəpəyi,
jımıx, at və ya qoyun peyini, şrot və b. vasitələrə Arriban 55 EC
(Chlorpyrifos-ethyl), Deltharin 2,5 EK (Deltamethrin), Redsunny
250 (Lyamda-Cyhalothirin 50 qr/l) preparatlarından müvafiq
normada qatılaraq aldadıcı yem hazırlanır və hər hektara 20-25 kq
hesabı ilə səpilir.
Çəyirtkələr sürü halında hücum edərkən onların hərəkət
istiqamətinə perpendikulyar olaraq 1-1,2 metr enində dərin
xəndəklər qazılmalı və onlara aldadıcı yemlər tökülməlidir. Bu
halda xəndəklərə tökülmüş çəyirtkələri torpaqla örtüb basdırmaq
da olar.
6
Ziyankar bağacıq
Yarımsərtqanadlılar (Hemipteria) dəstəsinə mənsubdur,
Eurygaster integriceps Puta adlanır. Azərbaycanın başlıca taxıl-
çılıq bölgələrindən Şəki-Zaqatala, Qəbələ-İsmayıllı, Gəncə-Qazax,
Mil-Qarabağ regionlarında, Cəlilabad, Masallı və Lənkəran rayon-
ları ərazisində geniş yayılıb. Zərərli taxıl bağacığının yetkin
fərdinin üzəri qalxanvari yarımsərt qanadla örtülür. Adi halda
bağaya oxşadığına görə belə adlanır. Bədənin uzunluğu 8-12 mm,
eni 5-8 mm-dir, rəngi bozumtul, açıq yaşıl, tutqun-darçını rəngdə
olur (Şəkil 3).
İlkin yazda havanın orta temperaturu 10-12°C, xəzəllərin
altında isə temperatur 16-17°C olduqda yetkin halda qışlamış
ziyankar bağacıqlar qışlama yerlərindən uçaraq taxıl zəmilərinə
gəlir. Bir neçə gün qidalandıqdan sonra erkək və dişi fərdlər
çütləşir. Yetkin dişi fərdlər 200-ə qədər yumurta qoyduqdan sonra
ölür. Yumurta mərhələsindən 8-15 gün sonra sürfələr çıxır, 30-40
gün taxılın şirəsini sormaqla qidalanır və 5-6 yaş dövrü keçirir.
Sürfələr xarici görünüşlərinə görə yetkin böcəklərə oxşayırlar,
lakin ölçüləri yaş dövrlərindən asılı olaraq 2 mm-dən 6-9 mm-ə
qədər dəyişir.
Ziyankar taxıl bağacığı kütləvi inkişaf etdiyi illərdə 25-35%
məhsul itkisinə səbəb olur.
Mübarizə tədbirləri. Ziyankar taxıl bağacığının Azərbay-
canda geniş yayıldığı və taxıl əkinləri məhsuldarlığını xeyli aşağı
saldığı üçün ona qarşı mübarizə aparılması vacibdir.
Aqrotexniki mübarizə. Əkinlərdə seyrəkiliyə yol verilmə-
məlidir. Səpin normasına düzgün riayət olunmalıdır. Alaq otlarına
qarşı müntəzəm mübarizə aparılmalıdır. Taxıl vaxtında və itkisiz
toplanmalı və taxıl biçinindən sonra sahədə dərhal dərin şum (20-
25 sm) aparılmalıdır.
Zərərvericiyə qarşı mübarizənin düzgün təşkil edilməsi üçün
onun iqtisadi ziyanlı həddə (İZH) çatdığı öyrənilməlidir. Yəni 1 m
2
sahədə müşahidə edilən bağacığın sayı 2 və daha artıq olarsa,
mübarizə aparılmalı, 2-dən az olarsa, ona qarşı mübarizə iqtisadi
7
cəhətdən səmərəsiz hesab edilir.
Kimyəvi mübarizə. İqtisadi ziyanlı həddə çatmış sahələrdə
Deltharin 2,5 EK (Deltamethrin), preparatının 0,25 l/ha məsarif
norması 300 l/ha işçi məhlulu sərf olunmaqla çiləmələr
aparılmalıdır. Çiləmələr kiçik sahələrdə (1-5 ha) əl çiləyiciləri ilə,
böyük sahələrdə isə (10 ha və daha çox) çiləyici mexanizmlərin
traktora qoşulması yolu ilə keçirilməlidir.
Taxıl böcəyi
Taxıl böcəyini Zabrus tenebriodes eleqantus Men., Z. Mori-
men., Z. Trinii Fish, Z. Spinipes ruqosus Men. növləri Azərbay-
canın ayrı-ayrı bölgələrində, əsasən, dəmyə şəraitdə becərilən
sahələrdə geniş yayılaraq, taxıl əkinlərini zədələyir.
Taxıl böcəyinin yetkin fərdləri qara rənglidir, uzunluğu
13-16 mm olub, gecələr aktiv fəaliyyətdə olur. Gecə həyat tərzi
keçirmələri onlara qarşı mübarizəni çətinləşdirir. Yetkin böcəklər
gizləndikləri yerlərdən çıxaraq axşam düşəndən səhərə qədər yeni
əmələ gələn sünbüllərdə dolmaqda olan dənlərdə qidalanır. Yayın
isti vaxtlarında taxıl böcəklərinin fəaliyyəti zəifləyir, əksər vaxt-
larda torpağın 25-30 sm dərinliklərində diapauza halına keçirlər.
Payızın sərin havaları başlayanda (təxminən sentyabr ayının axı-
rında) taxıl böcəkləri diapauzadan çıxaraq dərin şum aparılmayan
sahələrdəki kövşənlərin, quru alaq otları, ot və saman topalarının
altına yığışırlar. Cütləşdikdən sonra torpağın 3-7 sm dərinliyində
yumurta qoyurlar. 15-18 gün sonra yumurtadan çıxan sürfələr taxıl
çürüntüləri ilə, onlar olmadıqda isə birillik alaq otları ilə qida-
lanırlar. Taxıl böcəyinin kiçik yaşlı sürfələri bozumtul ağ rəngdə,
3-cü yaş dövrü sürfələri isə qonurlaşmış rəngdə olur (Şəkil 4).
Qış sərt keçən illərdə taxıl böcəyi sürfə mərhələsində
diapauzaya gedir. Havalar qismən mülayimləşən kimi onlar
diapauzadan çıxaraq payızlıq taxıl əkinlərinə güclü ziyan vurmağa
başlayır. Onların zədələdiyi kolların aşağı və orta yarpaqları
tarpağa dartılaraq spiralvari burulmuş və ya deformasiyaya uğra-
mış kimi görünür. Sürfələr tərəfindən zədələnmiş yarpaqlar
Dostları ilə paylaş: |