8
inkişafdan qalaraq, saralır və soluxur. Zərərvericinin intensiv
qidalanması yeni cücərtilər əmələ gələn vaxtlara təsadüf edərsə
(səpin vaxtı gecikdikdə), sahədə seyrəklik 35-40%-ə çatır.
Mübarizə tədbirləri. Taxıl böcəyinə qarşı başlıca aqrotexniki
tədbirlər düzgün və vaxtında tətbiq edilməlidir. Bunlar aşağıda-
kılardır:
1.
Taxıl sahələri səpinə hazırlanarkən forfor gübrəsi torpaq
altına bölgə üçün optimal normada verilməlidir;
2. Torpaq ön kotancıqlı kotanla 25 sm dərinlikdə şumlanmalı
və malalanmalıdır;
3. Səpin vaxtında və normaya uyğun aparılmalıdır;
4. Taxıl böcəyi yayılmış sahələri suvarmaq mümkündürsə,
suvarma kollanma dövrünə yaxın aparılmalı, suvarma ilə azot
gübrəsi verilməli, taxıl qısa müddətdə və itkisiz yığılmalıdır;
5. Biçindən dərhal sonra sahə 20-25 sm dərinlikdə şum-
lanmalı, səpinə qədər 40-45 gün müddətində şum altında olmalıdır;
6. Növbəli əkin sistemi tətbiq edilməlidir. Dənli paxlalılar,
günəbaxan və yonca əkinləri sələf kimi daha səmərəlidir.
Taxılın aqrotexniki becərmə qaydalarına daxil olan yuxarıdakı
tədbirlərin tətbiqi taxıl böcəyinin əhəmiyyətli dərəcədə azalmasına
səbəb olur.
Göstərilən tədbirlərin yerinə yetirilmədiyi və taxıl böcəyinin
kütləvi çoxaldığı illərdə onun qarşısının alınmasında kimyəvi
mübarizə vasitələrindən istifadə olunmalıdır.
Taxıl bitkilərinin kollanma mərhələsində zərərvericilərin
sürfələrinə qarşı (əgər 1 m
2
sahədə 6-10 ədəd zərərverici tapılırsa)
Arrivo 25 EC (Sipermethrin 250 qr/l) insektisidi 0,3 l/ha, Santer
OD 300 (Beta-cyflutyna) 0,3-0,5 l/ha, Deltharin 2,5 EK
(Deltamethrin), Redsunny 250 (Lyamda-Cyhalothirin 50 qr/l) 0,4-
0,6 l/ha məsarif normasında olmaqla, bu insektisidlərin hər hansı
birindən 300 l/ha işçi məhlulu çiləməklə mübarizə aparılmalıdır.
Bu preparatların taxıl böcəyinə qarşı səmərəliliyi 90-95% olur.
Kimyəvi mübarizə zamanı fərdi mühafizə vasitələrindən istifadə
edilməsi vacibdir.
9
Taxıl sümürtgən böcəkləri
Azərbaycanda sümürtgən böcəklərin nümayəndələrindən ən
geniş yayılanlar Ağqalxanlı sümürtgən (Anisoplia Cast.), tarla
sümürtgəni (Anisoplia segetum Hlbst), taxıl sümürtgəni (A.
Austriymca major Roiff), xaçlı sümürtgən ( A. Farraria Eq.) və çöl
sümürtgənidir (A. Desetticola Fisch.). Qeyd olunan növlərin yayıl-
ması və vurduğu zərər fərqli olmasına baxmayaraq, onlar ayrı-ayrı
illərdə yetkin halda olanda dənli taxıl bitkiləri sünbüllərini ciddi
zədələyərək dənlərin sünbüllərdən tökülməsinə səbəb olur.
Ağqanadlı sümürtgən böcəyinin qanad üstlüyü yuxarı
tərəfdən parlaq narıncı və qonur rənglərdə olan tükcüklərlə örtül-
müş olur. Qanad üstlüyünün ön tərəfində yumru ağ tükcüklərlə
örtülmüş ağ ləkə vardır. Böcəyin döş və qarıncığının alt hissəsi ağ
tükcüklərlə sıx örtülür. Zərərvericinin adı da buradan götürül-
müşdür. Böcəyin uzunluğu 10-15 mm arasındadır (Şəkil 5).
Taxıl sümürtgən böcəyi 15-20 mm ölçülərində, tünd şabalıdı,
qonur rənglərdə olan qanadüstlüyünün tikişi boyu tünd qara xətt
uzanır. Qanadların əsasında, qalxancığın ətrafında dördkünc
formada qara ləkə vardır. Baş, qarıncıq və ayaqları qara rəngdədir
(Şəkil 6).
Xaçlı sümürtgən böcəyinin yetkin fərdləri 10-14 mm-dir.
Böcəyin sərt qanad üstlüyündə eninə olmaqla, qara xətt gedir.
Qanadüstlüyünün birləşən orta yerindən uzununa qədər qara xəttə
perpendikulyar olan xətlər kəsişərək xaç şəklini alır. Zərərvericinin
adı da buradan götürülmüşdür. Böcəyin qanadüstlüyünün ümumi
fonu sarımtıl-qəhvəyi rəngdədir (Şəkil 7).
Taxıl sümürtgən böcəklərinin həyat tərzi elə qurulmuşdur ki,
puplardan çıxma vaxtı arpa və buğdanın sünbülləmə dövrünə
düşür. Böcəklər süd və mum yetişmə dövründə dənlərlə qidalanır.
Onlar sünbülü başı ilə eşir. Buna görə də sünbüldə olan dənlərin
bir hissəsi yerə tökülür. Hər bir böcək bir neçə gün qidalanma
dövründə 10 qrama yaxın dəni korlayır. Qidalanmanı başa çatdıran
hər bir dişi böcək torpağın 10-20 sm dərinliyinə 140-a qədər
yumurta qoyur.
10
Sümürtgən böcəklərinin yumurtadan çıxan sürfələri 2 il torpaq
altında müxtəlif bitkilərin kök və kök boğazlarını gəmirərək
yaşayır. Bəzən bitki olmadıqda peyin və bitki qalıqları ilə qida-
lanır. İlkin yaşda olan sürfələr taxıl əkinlərində cücərtilərin kök
boğazını gəmirir. Kütləvi yayılma illərində taxıl sahələrində 25%-ə
qədər seyrəklik yaradır.
Mübarizə tədbirləri. Torpaqda olan ehtiyyatlarını və sürfə-
lərini məhv etmək üçün məhsul yığımından sonra dərin dondurma
şumu aparılmalı, taxıl əkiləcək sahələr alaq otlarından təmiz
saxlanmalıdır.
Yetkin sümürtgən böcəklərin yalnız taxıl bitkiləri ilə qida-
landıqlarına görə növbəli əkin sistemi tətbiq edilməlidir. Sələf kimi
dənli paxlalılar, texniki bitkilər də yüksək səmərəlilik verir.
Sümürtgən böcəklərinin kütləvi yayıldığı sahələrdə səpindən
qabaq şum altında Hektaş Diazinon 63 EM (Diazinon) 40-60 kq/ha
məsarif normasında verilməlidir.
Taxıl əkinləri düzgün aqrotexniki qaydada becərilərsə,
sümürtgən böcəklərin inkişafı minimuma enir və əlavə mübarizə
tədbirlərinə ehtiyac qalmir.
Taxıl mənənələri
Aphidinea yarım dəstəsinin nümayəndələridir, ölçüsü 1-4 mm
həşəratlardır. Azərbaycanda taxıl bitkilərinə mənənələrin bir neçə
növü zərər vurur. Bu qrupa daxil olan mənənələr köçəri və oturaq
həyat tərzi keçirirlər.
Taxıl bitkilərini müxtəlif vegetasiya dövrlərində zədələyirlər.
Ən geniş yayılmış nümayəndələri
- Adi taxıl mənənəsi (Schizaphis qraminum Rond.) (Şəkil 8) ;
- Arpa mənənəsi (Brachycolus noxius Mordv.) (Şəkil 9).
- Böyük taxıl mənənəsi (Sitobion avenae F.) (Şəkil 10).
Mənənələr deşib soran ağız aparatına malikdirlər. Bundan
istifadə edərək taxıl bitkilərinin, eləcə də başqa bitkilərin yarpaq,
gövdə, çiçək, sünbül və başqa orqanlarının şirəsini sormaqla
qidalanırlar.
Dostları ilə paylaş: |