|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 42/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
ümidinə göz dikən,
balasına mehriban,
özünə düşmən olan,
insanların içində
ən böyük insan olan
anaya kimdir əvəz?!
Hər sevgi, hər məhəbbət
ana səbirli olmaz.
Hər dərdə tab gətirən
ana dözümlü olmaz.
Heç kəs, heç kəs dünyada
ana diləkli olmaz,
ana ürəkli olmaz.
ZƏLİMXAN YAQUB
ANA LAYLASI
Hardan aldın bu sehri,
Bilim, ana laylası!
Sənsiz açılardımı
Dilim, ana laylası?!
Bax könlümün halına,
Düşüb xəyal dalına,
Bu yaşımda çalına
Həlim ana laylası!
Baxmır amana, aha,
Zaman baş əymir şaha,
Yox, sənə çatmaz daha
Əlim, ana laylası!
Gül çəmənsiz olmasın,
Sünbül dənsiz olmasın,
Bir gün sənsiz olmasın
Elim, ana laylası!
GÖZÜMÜN ÜSTƏ
Ana, məhəbbətin ocağa dönsə,
Közünü saxlaram gözümün üstə.
Qoymaram bircə gün çatıla qaşlar,
Туркестанская Библиотека - www.turklib.ru – Turkistan Library
Gözünü saxlaram gözümün üstə.
Ürəyim eşqinlə doluduür, dolu,
Dəyməz bu sevgiyə nə qar, nə dolu.
Öpərəm hər axşam keçdiyin yolu.
İzini saxlaram gözümün üstə.
Sən ki bağbanısan körpə güllərin,
Qəm yemə ağarsa qara tellərin.
Yetmişi, səksəni azdır illərin,
Yüzünü saxlaram gözlərim üstə.
OFELYA BABAYEVA
UCALAN ANAM
Gözəllər səfindən düşüb aralı,
Bu qəm ürəyimi edib yaralı.
O ötən günləri gəzir xəyalı,
Bir vaxt bu dünyadan bac alan anam,
İndi yavaş- yavaş qocalan anam.
Qara saçlarına dən düşdü erkən,
Gülüşü, sevinci gen düşdü erkən,
Bahar, yaz ömrünə çən düşdü erkən,
Oldu taleyiylə barışan anam,
Gözləri yol çəkən pərişan anam.
Nəvələr yoluna çıraq olubdur,
Neçə mərəkədən qıraq olubdur.
İndi özü dönüb uşaq olubdur
Bir ömür qayğıya aşiyan anam,
Qəmli dünyasını yaşayan anam.
Adı tək özü də günəşdi, aydı.
Camalı qüdrətdən bəxşişdi, paydı,
Bir vaxt gözəllərə sirdaşdı, taydı,
İndi yavaş- yavaş qocalan anam.
Qocala- qocala ucalan anam.
Туркестанская Библиотека - www.turklib.ru – Turkistan Library
VAQİF İBRAHİM
ANALAR
Bir insan sevinsə… bir ana gülər,
Gözündə büsbütün dəyişər aləm.
Hardasa bir insan qəmlənsə əgər,
Min ana gözləri dolar deyirəm.
Həmişə döyüşdə ilkin güllədən
Ana rahatlığı güllələnibdir.
Cəbhə yollarının tozundan bəzən
Min ana saçına qar ələnibdir.
Bu odlu, alovlu doğma Vətənin
Ana ürəyində özgə yeri var.
Döyüşdə oğluna dəyən güllənin
Ana ürəyində qəlpələri var.
Dünyanın taleyi hər vaxt, hər zaman
Min - min övladının əlindən keçir.
Eh, bəzən birinin səhvi ucundan
Dünyanın dərdini analar çəkir.
Eşidə bilərsən ana səsini
Bu ulu dünyanın hər bir yerində.
Mənə elə gəlir, yer kürəsini
Analar saxlayır çiyinlərində…
MiR SABİR
ANA LAYLASI
Təmiz arzuların, saf ürəklərin
Ən şirin səsidir ana laylası.
Vətənə, insana, həyata, sülhə
Sevgi nəğməsidir ana laylası.
Könüllər oxşayan xoş sədası var,
Dinlə, gör nə dərin bir mənası var?!
Onda hər ananın öz dünyası var,
Ana nəfəsidir ana laylası.
Туркестанская Библиотека - www.turklib.ru – Turkistan Library
Sehrli bir səsdir o, bu həyatda,
Verir könlümüzə qol da, qanad da.
Şair oğulların köksünün altda
Şer həvəsidir ana laylası.
O xoş zümzüməni saldıqca yada,
Dinləmək istərəm bu yaşımda da,
Bütün nəğmələrin qoca dünyada
Ən müqəddəsidir ana laylası.
ALI MUSTAFAYEV
ƏSGƏR ANASI
Gecələr yatmaz o, pis yuxu görər,
Artırar qəlbinin şübhələrini.
Gah kilim toxuyub, gah corab hörər,
Fikrinin dolaşıq ilmələrini.
Gözləyər səhəri səbri tükənər,
Kəsər samovar da dığıltısını…
Elə bil nə varsa, sükuta dönər,
Eşidər qəlbinin pıçıltısını.
Xəyallar qoynuna alar ananı,
Heç bilməz ki, nə vaxt açılar səhər.
Əriyib şam kimi getsə də canı,
Oğlu gələnədək yaşamaq istər.
AĞASƏN BƏDƏLZADƏ
ANA KAİNATDIR
Çaşdırmaz yolunu nə ölüm, nə qəm,
Bir inad bilmirəm bu inad kimi.
Bir yandan mən səni əzbər bilirəm,
Bir yandan sirlisən kainat kimi!
Min sevinc ödəməz bir həsrətini,
Nəsillər yaşadar sədaqətini.
Dünyalara dəyən məhəbbətini
Salmısan üstümə qol- qanad kimi.
Dostları ilə paylaş: |
|
|