|
Microsoft Word turklib ru docТуркестанская Библиотека - www.turklib.ru – Turkistan Library
|
səhifə | 38/46 | tarix | 25.06.2018 | ölçüsü | 1,12 Mb. | | #51945 |
|
Туркестанская Библиотека - www.turklib.ru – Turkistan Library
Yaman darıxmışam səninçün, ana.
ANA ƏLLƏRİ
Qabarlar barmağına
Taxılan üzük olub.
Öz zəhməti bir yana,
Döyüşlərə yollanan
Atamın zəhmiəti də
Bu əllərə yük olub.
Bu əllər od götürüb,
Bu əllər su götürüb
Bizə ağ gün gətirən
Ağ əllər,
yumşaq əllər
Ağlığını itirib.
O əllərin hər yeri
Ayazdan çat - çat olub.
İtirdiyi qara gün,
Tapdığı həyat olub.
O, istiyə düşübdür,
O, soyuğa düşübdür.
Üstünü şaxta alan
Gül kimi bürüşübdür.
Gəzəndə kürəyimdə
Dağa dönüb ürəyim.
Heç bilmirəm onlara
Ana əlləri deyim,
Ata əlləri deyim?!
MƏSTAN GÜNƏR
MEYNƏLƏR, ANALAR
Soruşsaydım: meynələr
nələri xatırladır?
Biri deyərdi: onlar
kiçik, zümrüd taladır.
Biri deyərdi: qumlar
çökəlmiş nimçələrdir.
Orda yatan meynələr
yaşıl gölməçələrdir.
Туркестанская Библиотека - www.turklib.ru – Turkistan Library
Üstünə gün düşəndə
biri deyərdi: oddur.
Başqası söyləyərdi:
- Bölük- bölük buluddur.
Mən deyərdim: onların
anaya bənzəri var.
Bu ana meynələrin
göz üstündə yeri var.
Qoşa qanadlar kimi
açılmış budaqları.
Sinəsində qızdırır,
böyüdür uşaqları.
Anasına sığınan
gilə boy atır orda,
Bol qayğılar möhtacı
salxımlar yatır orda.
Qayğılı anamın da
belə günləri vardı.
Qanadları altına
körpələri yığardı.
Küləklərlə döyüşdə
özü düşərdi əldən.
Daldalardı bizləri
tufandan, qara yeldən.
Meynələr analardır,
soyuq, xəzrili günlər
acı hərb illəridir.
Salxımları qoruyan
titrək yarpaqlar deyil,
anamın əlləridir.
ANAMIN ŞER PAYI
Səndən ötrü qəribsədim,
A saçları yovşan anam.
Yaş ötdü, yaşın hökmünə
Öyrəşən, uyuşan anam.
Туркестанская Библиотека - www.turklib.ru – Turkistan Library
Əylə gələn bir qatarı,
Çapsın yuxumda çarxları.
Şəhərə köçməyən qarı-
Elinə bağlaşan anam.
Yeri taxıllı, tənəkli,
Zər naxışlı, gül döşəkli.
Göyü göyərçin bəzəkli
Çöllərə yaraşan anam.
Sellər ilə süpürləşən,
Çətin günlərdə kürləşən,
Göyçək əli kömürləşən,
Birçəyi qarlaşan anam.
Nə inciyən, nə kin bilən;
Ürəyini tez- tez silən,
Ağladığı dəmdə gülən,
Küsüb, tez barışan anam.
İgidlər ilə ünləşən,
Şilləsinə, papaq düşən,
Gəliniylə mehirləşən,
Bir az fağırlaşan anam.
Zəng eləyən yüzlər ilən,
Əhvallaşan bizlər ilən,
Telefonçu qızlar ilən
Sözləşib, qorlaşan anam.
Fikirli yatsa gecələr,
Yuxusunu qatsam əgər,
Gördüyünü səhər- səhər
Sulara danışan anam.
Yola çıxıb köç görəndə,
Uçmaq istər quş görəndə,
Qollarını boş görəndə,
Hərdən qubarlaşan anam.
Gül düzərdi telbağına,
Tellərinin hər tağına,
Gəlinlərin yığnağına,
Cığırı darlaşan anam.
Туркестанская Библиотека - www.turklib.ru – Turkistan Library
Sərt yollara düşdü yönü,
Yüyürdü, qovdu ömrünü.
Yüyürməkdən qalan günü
Yolu hamarlaşan anam.
İLYAS TAPDIQ
ANALAR, AY ANALAR!..
Ən şərəfli ad alsaq,
Çələngimiz sizsiniz!
Bu dünyada ən nadir,
Saf incimiz sizsiniz!
Həyatımız, ömrümüz,
Sevincimiz sizsiniz!
Analar, ay analar,
Əziz, gözəl analar!
Vətənin istəyini
Könlünüzdə görürəm,
Dünyanın taleyini
Üzünüzdə görürəm.
Qəlbinizin nurunu
Gözünüzdə görürəm,
Analar, ay analar,
Əziz, gözəl analar!
Ömrünüz qayğılarla
Ləpələnən dənizdir.
Müharibə kəlməsi
Qatı düşməninizdir.
Ürəyiniz günəşli…
Niyyətiniz təmizdir,
Analar, ay analar,
Əziz, gözəl analar!
Ana sözü deyəndə
Həm də Vətən deyirik,
Qoşa qanad gətirib
Biz günəşə dəyirik.
Sizə ömrümüz boyu
Hörmətlə baş əyirik,
Dostları ilə paylaş: |
|
|