Vaqif Məmmədov xatirələrdə
153
Vaqif müəllim dedi ki, bu şeir kimindi?
Dedim ki,
Vallah bilmirəm.
Dedi ki,
Bu şeiri keçən əsr qələmə almışdım.
Üzrxahlıq etdim, ona görə ki, həmin şeirin o ana qədər
müəllifinin Vaqif müəllim olduğunu bilmirdim.
Çoxtərəfli tədqiq olunmuş, şəxsiyyətinə, yaradıcılığına on-
larca alim, professor, elm xadimi qiymət vermiş V.Məmməd-
ovun dilçilik görüşünə, daha doğrusu, əsərlərinin dil və üslub
xüsusiyyətləri az tədqiq olunub. Yəqin ki, bundan sonra gör-
kəmli dilçilər, dilsevər alim-müəllimlər bu bənzərsiz şairin əsər-
lərinin dil və üslub xüsiyyətlərini araşdıracaq, tədqiq edəcəklər.
Mən də bir dilsevər müəllim kimi, xeyli müddətdir ki, onun
şeirləri üzərində apardığım təhlillərdən sonra bu qənaətə gəldim
ki, o, şair olmaqla yanaşı, həm də gözəl dilçi, Azərbaycan dili-
nin kamil bilicisidir. Əsərlərinin dil xüsusiyyətlərinə nəzər
saldıqda görürük ki, onun şeirlərində demək olar ki, dilimizin
bütün fonetik, leksik, morfoloji və sintaktik xüsusiyyətləri geniş-
liyi ilə əks olunub.
Düşünən olar ki, bütün şairlərin əsərləri dil vahidləri ilə
zəngindir. Təkcə V. Məmmədov deyil ki? Bu sualın bir neçə
cavabı var, daha doğrusu, mən belə cavab verərdim:
Birincisi, V. Məmmədovun şeirlərində dil xüsusiyyətləri ilə
az məşğul olunub.
İkincisi, onun poeziya aləmində öz dəsti-xətti var.
Üçüncüsü, V. Məmmədovda söz kasadlığı yoxdur, mənaya,
məzmuna uyğun söz “oynatmağı” ustalıqla bacarır. Bu da şairin
şeir dilinin üslubu imkanlarını öyrənmək üçün daha çox imkan
verir.
Dördüncüsü, şair var riyaziyyatçıdır, şair var həkim, şair var
coğrafiya müəllimi, şairdə var ədəbiyyatçıdır. Mübaliğəsiz desək,
Vaqif müəllim həm informasiya tutumunda, həm peşəsində, həm
də şairliyində, ədəbiyyatçıdır, publisistdir, tarixçidir, nasirdir,
ustad müəllimdir, coğrafiyaçıdır. Bir sözlə, o, hərtərəfli ustaddır.
Vaqif Məmmədov xatirələrdə
154
Beşincisi, Vaqif Məmmədov ömrünün çox hissəsini kənddə
yaşayıb, kənd həyatına, torpağa, yurda bağlıdır. Vətənin torpa-
ğından, dağından, daşından, qayasından, gülündən, çiçəyindən
ilham alıb. Şübhəsiz ki, Vətən eşqi, yurd məhəbbəti, müvəqqəti
itirilmiş torpaq həsrəti onu şair edib, ata-ana ocağına hörmət və
ehtiram, Vətənə məhəbbət onu bütövləşdirib, saflaşdırıb, büllur-
laşdırıb. Buna görə də, o, vətənin uca dağlarına, özündə tarix
yaradan, tarix yaşadan sərt qayalarına, sal daşlarına çevrilib,
düşmənə qarşı sərtləşib, dosta qarşı mərdləşib. Onun qələmindən
çıxmış saysız- hesabsız şeirlərindən bir bənd:
Ürəyimsiz ağlamıram, gülmürəm,
Hər istəyim ürəyimdə birləşir.
Böyükmüdür, kiçikmidir, bilmirəm,
Ürəyimə təkcə Vətən yerləşir.
Yuxarıdakı sıranı daha da artırmaq olar. Çünki, onun şəx-
siyyətini, bənzərsiz şairliyini, vətən məhəbbəti ilə yoğrulmuş
şeirlərini araşdırmaq, tədqiqat aparmaq üçün oğul istəyirəm cild-
cild əsər yazsın. O, buna layiqdir. İnşallah, o tədqiqat əsərlərini
də yazıb gələcək nəsillərə ərmağan edəcəklər.
Sonda qeyd edim ki, bənzərsiz şair, müdrik insan, tanınmış
alim, peşəkar jurnalist, naşir, tarixçi, gözəl insan, qayğıkeş ata,
səmimi yoldaş, təvazökar şəxsiyyət Vaqif Məmmədov haqqında
cürət edib bir necə söz yazmaq, böyük məsuliyyət tələb edir.
Və nəhayət, sözdə cəsarətli, işdə məharətli, əqidədə pak,
əməldə büllur, uzun illər kənddə yaşayıb xarüqələr yaradan,
təkcə Azərbaycanda deyil, türk dünyasında və dünyanın bir sıra
ölkələrində tanınan Vaqif müəllim vaxtsız ölümü ilə ölüm-
süzlüyə qovuşdu. Ruhu şad olsun!
Vaqif Məmmədov xatirələrdə
155
Orhan Aras
Almaniya
Yazıçı-publisist
BİR DOSTUN ARDINDAN
Fevral ayı aylar içində ən qısa ay və qış mövsümünün baha-
ra doğru gedən yolunda son dayanacağı... Bəlkə də buna görə
həmişə fırtınalı, yorucu keçir.
Anam da fevral ayını sevməzdi. Fevral gələndə: “kiçik çillə
girdi, artıq qış özünü göstərəcək” – deyərdi. Bir il əvvəl 17
fevralda vəfat etdi. Qar yolları bağladı, külək, fırtına yolumuzu
kəsdi, dəfninə yetişə bilmədim.
İki il əvvəl əziz dostum Tofiq Abdin də fevralın 24-də vəfat
etdi. Bu il fevral ayı yenə dostlarımızın ürəyinə yas olaraq
düşdü. Dostum Rəşad Məcidin atası da fevral günlərinin birində
torpağa verildi. Şair Cahit Sıtkı Tarancı dediyi kimi: – Həyata
birlikdə başladığımız dostlarla da yollar ayrıldı bir-bir;
Getdikcə artır yalnızlığımız...
Artan təklik, ölümlərlə gələn ağrılar və dünyanın faniliyi
hamımızın başında... Muhiddin Ərəbi demiş, “Qaçıb can qurtar-
mağa yer yoxdur!” – Tək çarə xatirələrin qoynunda təsəlli axtar-
maq və həyatın fərqli məkanlarında yeni ümidlərə doğru getmək...
Tanıdığım ən ümidli və gülərüz insanlardan biri şair Vaqif
Məmmədovdu. Hündür boylu, yaraşıqlı, xoş söhbət və ürəyi
insanlıq, türklük sevgisi ilə dolu bu dostumu da vəfasız fevral
ayında itirdik. Keçən il Bakıdan İğdıra getdiyimdə, məni Naxçı-
van hava limanında qarşılayıb, bütün gün yanımdan ayrılma-
mışdı. Naxçıvan universitetindəki kiçik, amma duyğu və kitab
dolu otağında məni rahatlamaq üçün əlindən gələni etmişdi.
Onunla qiyabi tanış idik, birgə dostlarımız var idi. Naxçıva-
na gedən dostlar mütləq ona uğrayar, ondan kömək alardılar. 67
yaşında, amma gənc bir ürəyin sahibi idi. Türkiyədən gələnlərə
səmimi bir sevgisi vardı. Oradan Naxçıvana gələn tələbələrin
Vaqif həm müəllimi, həm də abisiydi. İğdırda dostlarımla söhbət
Dostları ilə paylaş: |