Vaqif Məmmədov xatirələrdə
142
Vaqif Məmmədov həm də vətənpərvər ictimai-siyasi fəaliy-
yəti ilə onu tanıyanların qəlbində silinməz iz qoymuşdur. Əbəs
yerə deməyiblər ki, “vətən daşı olmayandan olmaz ölkə vətən-
daşı”. Doğma Azərbaycan, eləcə də onun bir parçası olan
Sədərək rayonu, onun üçün hər şeydən qiymətli idi. Sədərəyin
üzləşdiyi ağrılı-acılı hadisələr bir vətəndaş kimi onu hər zaman
narahat etmiş, taleyüklü məqamlarda xalqının mənafeyi baxı-
mından ən doğru, dürüst olanı seçərək, qətiyyət, cəsarət nümayiş
etdirmiş, Naxçıvan Muxtar Respublikasının ərazi bütövlüyünün
təmin edilməsi və sərhədlərinin təhlükəsizliyinin qorunmasında
yaxından iştirak etmişdir.
Vaqif müəllim acılı-şirinli, enişli-yoxuşlu, sevincli-kədərli,
şərəfli və mənalı bir ömür yaşamaqla, bütün səy və bacarığını
ədəbiyyatımızın zənginləşməsinə həsr etmişdir. Çox gözəl qə-
ləm təcrübəsinə malik olan Vaqif müəllimin dil, üslub və poetik
təfəkkürü bir-birini tamamlayir. Şəxsiyyəti ilə sənəti, elmi dü-
şüncəsi ilə bədii düşüncəsi vəhdət təşkil edən Vaqif Məmmədov
elmyönümlü yaradıcı bir ziyalı idi. Vaqif müəllimin şeirləri
onun iç dünyasını əks etdirməklə, oxucuya əhəmiyyətli ibrəta-
miz tövsiyələr bəxş edir. Onun yaradıcılığı çoxşaxəli olmaqla,
bütün mövzulara müraciət edilir və poetik rəng qatılmaqla ob-
razlı düçüncə ilə məna verilir.
Vaqif Məmmədov ictimai-siyasi, elmi fəaliyyəti ilə kamil
şəxsiyyət olmaqla yanaşı, həm də son dərəcə qayğıkeş və diq-
qətcil ailə başçısı idi. Onun böyüdüb boya-başa çatdırdığı, cə-
miyyət üçün layiqli vətəndaş kimi yetişdirdiyi övladları Vaqif
Məmmədov şəxsiyyətinin ucalığını əməllərində qoruyur.
Vaqif müəllim aramızdan çox tez, vaxtsız və qəfil ayrıldı.
Ömür ona həqiqətən vəfa etmədi. Biz hər zaman, Naxçıvan
Dövlət Universitetinin kollektivi olaraq, xalq və dövlət yolunda
təmənnasız xidmət göstərmiş Vaqif müəllimlə qürur duymuşuq
və duyuruq. Bütün həyatını xalqına fəda etmiş Vaqif Məmmədo-
vun əziz xatirəsi qəlbimizdə daim yaşayacaqdır. Allah rəhmət
etsin! Məkani cənnət olsun!
Vaqif Məmmədov xatirələrdə
143
Arzu Abdullayev
NDU “Tarix” kafedrasının müəllimi,
Azərbaycan Tələbə Gənclər Təşkilatları
İttifaqının sədr müavini
GƏNCLİYƏ HƏSR OLUNMUŞ ZİYALI ÖMRÜ
Müdriklərdən biri yazırdı ki, ciddi işlərdə insanlar necə
görünmək lazımdırsa, elə görünürlər, xırda məsələlərdə isə necə
vardırlarsa, elə. Qəribədir, haqqında söhbət açacağım insan
yaşadığı mənalı həyat yolunda ciddi işlərdə də, xırda məsə-
lələrdə də necə vardırsa, eləcə görünüb, yəni olduğu kimi. O,
ömrünün sonuna kimi nə əqidəsindən dönüb, nə ətrafındakılara
qarşı münasibəti dəyişib, nə də kiməsə nədən ötrüsə minnətçi
düşüb. Dəyişən yalnız onun gördüyü gərəkli və əhəmiyyətli işlər,
xeyirxah əməllər olub. Bu xeyirxah əməllərin nəticəsidir ki,
haqqında danışdığım dəyərli ziyalı Vaqif Məmmədov hər bir
tələbəsinin, hər bir dostunun, hər bir tanıdığı inasanın qəlbində
yer alıb.
Belə insanlar dünyasını dəyişdikdən sonra sanki daha artıq
bir əzəmətlə vətəndaşların qəlbində yaşamağa başlayırlar. Sanki
onlara qarşı yeni bir maraq oyanır, mübarizə tarixi, fəaliyyət və
əməlləri, həyat yolu nəinki yalnız elmi məşğul edir, hətta onu
tanıyan adi insanlar belə geriyə dönərək bir daha bu yola nəzər
salır, onu daha böyük məhəbbət və diqqətlə xatırlayırlar. Evlər-
də, idarələrdə, küçələrdə, ictimai yerlərdə və ailələrdə onların
həyat və fəaliyyətindən danışırlar. Vaqif Məmmədov kimi əsl
ziyalıların ölümü ilə qüssələnənlərin də sayı çox olur. Sənət və
peşəsindən asılı olmayaraq bütün vətəndaşlar onların ölümünə
təəssüf edir və kədərlənirlər. Bu isə uzun illərin zəhməti nəticə-
sində yaranmış, bütün məhəbbətlərdən yüksəkdə duran və fəthi
çox çətin olan bir məhəbbətin-həqiqi insan məhəbbətinin ifadə-
sidir. Əsil ölməzlik, əbədi həyat da budur: insanların məhəbbəti!
Xalqın ürəyində qaldırılan heykəl əbədi və yıxılmazdır. Xoşbəxt
Vaqif Məmmədov xatirələrdə
144
o adamdır ki, öz həyat və mübarizələri ilə belə bir məhəbbəti
qazanır. Onu tanıyan insanların ürəyinə yol tapan hər kəs gələ-
cəyin qapısını açır. Görkəmli tarixçi alim, yazıçı, pedaqoq Vaqif
Məmmədov da belə insanlardandır. Zəngin elmi, pedaqoji
fəaliyyəti sayəsində şərəfli bir ömür yolu keçən tarix üzrə fəlsəfə
doktoru, dosent Vaqif Məmmədovun saldığı izlər də elə bir
zirvəyə çatır ki, bu zirvə biz tələbələri üçün bütöv bir məktəbdir.
Maarifçilik məktəbi. Milli təəssübkeşlik məktəbi.
O müəllim xoşbəxtdir ki, öz şagirdlərinin qəlbində xoş duy-
ğularla xatırlanır. Öz biliyini, ürəyinin hərarətini, gözünün nuru-
nu böyük xeyirxahlıq və qayğıkeşliklə dərs dediyi şagirdlərinin
qəlbinə hopdura bilir. Şagirdlərinin uğuru ilə uşaq kimi sevinir,
bu şərəfli yolda saç ağardır. Bax, beləcə gənclikdən müdriklik,
ahıllıq dövrünə qədər bir müqəddəs yol keçən mehriban və qay-
ğıkeş müəllimlər ən xoşbəxt insanlardır. Onlar dünyagörüşləri,
dərin zəkaları, bilikləri və zəngin həyat təcrübələri ilə hamıya
nümunə olur və əməlləri ilə gənc nəslin tərbiyəsində mühüm rol
oynayırlar. Vaqif müəllim də elə bu amala xidmət etdi.
Vaqif müəllimi ilk dəfə tələbəlik illərimdə tanımışam. 2006-
cı ilin sentyabr ayı idi. Universitetin birinci kursunda təhsil
almağa başlamışdım. Şagird vaxtı bir çox məqalələrim işıq üzü
görmüşdü, ən böyük arzularımdan biri də bu ənənəni davam
etdirmək idi. Hələ heç kimi tanımırdım, kənd həyatından gəlib
böyük bir ziyalı mühitinə düşmüşdüm. Nəhayət, mənə dərs
deyən müəllimlərə cəsarət tapıb fikrimi bildirirdim, ən maraqlısı
isə, kimə müraciət edirdimsə eyni cavabı verirdilər- Vaqif müəl-
limlə məsləhətləş. Beləliklə, ilk dəfə Vaqif müəllimin adını
eşidirdim özünü tanımasamda... maraqlanıb Vaqif müəllimin
otağını öyrəndim, salam verib içəri daxil olub fikrimi qısaca
çatdırdım... söhbətimizdən neçə saat keçdiyini bilmirəm, bir onu
bilirəm ki, səhər universitetə gələndə fərqli mövzuları əhatə
edən iki məqalə ilə Vaqif müəllimin qapısı önündə dayanmış-
dım. Bəli, Vaqif müəllim belə bir ziyalı idi-gəncliyə dəstəy olan,
onlara yol göstərən, hər çətinliyində yanında olan ziyalı.
Dostları ilə paylaş: |