Microsoft Word Vaqif Memmedov xatirelerde doc
Yüklə 21,11 Mb. Pdf görüntüsü
|
Vaqif Məmmədov xatirələrdə 135 Kimsənin yazığı gəlməsin mənə, Sanmayın qəlblərə dəyib gedirəm. Atımı sürmədim dumana-çənə, Şərəfli bir ömür qoyub gedirəm. “Xəstəxana şeirləri”nizdə 67 illik bir ömür yaşamağınıza baxmayaraq, hələ də həyat dolu olduğunuzu, məhsuldar yaradı- cılıq taleyi yaşadığınız halda, hələ də yazmaq istədiyiniz nə qədər şeirin var olduğunu duymamaq mümkün deyil: Bu qədər ömrü də tez sayıram mən, Yarımçıq arzular çox qalır hələ. Hələ yazdığımı az sayıram mən, Hələ neçə şeirim var – düşəcək dilə. Bax, buna təkcə siz yox, hamımız inanırıq. Sizin yazdıqları- nız dillərə düşdüyü kimi, bundan sonra yazacaqlarınız da yad- daşlara həkk olunacaqdı. Amma hər kəsin ömür yolunun son dayanacağında bir “Ölüm” mənzili var. Lakin ömrünü xalqının, vətəninin taleyinə bağlayanlar, “Ellə gələn bəla toy-bayramdı” inamıyla yaşayanların vəfatından sonrakı ömürlərində “ölüm”ə yer olmur. Bu gün Vaqif Məmmədov doğulub boya-başa çatdığı Sədərəyin hər bir sakininin ürəyində xeyirxah, vətənpərvər, səmimi, əsl ziyalı kimi yaşadığı kimi, çoxsaylı oxucularının ürəyində də ən dəyərli şairlərdən biri kimi yaşayır. Şairi yaşadan onun şeirləridir. Təkcə mənim yaddaşımda sizin o qədər şeirləriniz yurd salıb ki. “Yaşadacaq bu yol məni”, “Sədərək harayı”, “Qeyrət qalası”, “Salam, Oğuz elləri”, “Mənə çiçək borclusan”, “Bu dünyanın sevinci nə, qəmi nə”, “Vətən sığır ürəyimə”, “Ömrümün yarpaqları”, iki cildlik “Seçilmiş əsərləri”niz, Ankarada nəşr olunan “Özüne dön halkım”, “Dənizə qar yağırdı”, “Kərkinin taleyi”, “Zirvədən baxanda”, “Dəniz də nigaran, sən də nigaran”, “Bura Naxçıvandır”, “Sədərəkdə yazılan gündəlik” və adalarını xatırlamadığım bir çox kitabınızdan yadımda qalan şeiriniz, onlarla müdrik məna Vaqif Məmmədov xatirələrdə 136 daşıyan misra və bəndləriniz dilimin əzbəridir. Ən çox isə bu iki bəndi tez-tez öz-özümə pıçıldayıram: Dar qəfəsdə qala bilməz ürəyim, Hər arzumu qalsa, ora yığmazdım. Yumruq boyda ola bilməz ürəyim, Belə olsa Vətən ora sığmazdı. Ürəyimsiz ağlamıram, gülmürəm, Hər istəyim ürəyimdə birləşir. Böyükmüdür, kiçikmidir bilmirəm, Ürəyimə təkcə Vətən yerləşir... Vaqif müəllim, ilk məktubumda da xatırlamışdım. Mənə xitabən yazığınız beş bəndlik, bütün sözləri “Y” hərfi ilə başlayan şeiriniz tanınmış bir şairin gənc həmkarına bəlkə də ən böyük və qiymətli hədiyyəsi kimi daim xatırlanacaq. Bu Vaqif Məmmədo- vun Elxan Yurdoğluna ağsaqqal xeyir-duası olmaqla bərabər, həm də gənclərə inamın ifadəsi, onlara sevginin nəticəsi idi: Yorğun yolun yüyəni yox, yalı yox, Yay yetişdi, yağışı yox, yeli yox... Yaşa, yarat, yorğunların yolu yox, Yol yoxuşdu, yorularsan, Yurdoğlu. Özünüz də bu şeirdə çox yaxşı vurğulamısız ki, yaradıcılıq yolu yoxuşludu, yorur insanı. Amma bizə həm də yorulmamağı siz öyrətdiniz. Sizdən öyrəndiklərimiz bundan sonra da ömrü- müzün son mənzilinə qədər qulağımızda sırğa olacaq. Elə mənə aftoqrafınızla verdiyiniz kitabları da dəyərli kitab- lar kimi saxlayıram. Həmin kitablarda yazdıqlarınızın bir neçəsi- ni oxuyuram: “İstedadına inandığım və güvəndiyim gənc şair dostum Elxan Yurdoğluna xatirə olaraq”, “Şeir-sənət yolunu əbədi olaraq ömür yolu kimi qəbul edən istedadlı şair dostum Elxan Yurdoğluna”, “Şeir-sənət xiridarı kimi böyük ümid bəslə- Vaqif Məmmədov xatirələrdə 137 diyim Elxan Yurdoğluna xoş arzularla müəllifdən”, “İstedadına və şəxsiyyətinə böyük hörmət bəslədiyim şair dostum Elxan Yurdoğluna müəllifdən xatirə olaraq” və s. Vaqif müəllim, Allah sizə rəhmət eləsin, ulu türk dünyasın- da ən əziz insanlar üçün söylənən “Məkanın uçmaq olsun” alqışını bu məktub vasitəsiylə sizə çatdırsınlar deyə, mələklərə pıçıldayıram. Bilirəm ki, onlar bu məktubumu sizə çatdıracaqlar. Sizə üçüncü məktubumda yenə yazacağam, siz də bizi unutmayın. Məktubunuzu mələklərə verin. Onlar fiziki mənada olmasa da, mənəvi mənada düşüncələrinizi bizə çatdıracaqlar. İnanıram ki, siz haralardasa ucalardan, zirvələrdən bizə baxırsınız. Bəlkə elə buna görə çoxsaylı kitablarınızın arasından qeyri-ixtiyari olaraq “Zirvədən baxanda” kitabınızı götürüb bu bəndi təzədən oxuyuram: Qayalar səsimə səs verər dinsəm, Mahnı tək daşlara hoparam yenə. Əgər bu zirvədə qartala dönsəm, Uçub insanları taparam yenə. Vaqif Məmmədov xatirələrdə 138 Gülşən Vəliyeva Şirvan şəhər Tarix-diyarşünaslıq Muzeyinin direktoru HƏYAT FORMULU VƏ YAXUD XOŞ TƏSADÜF Fəlsəfə elmi bizim həyatımıza qanunauyğunluq və təsadüf kimi anlayışlar gətirib. İnsan həyatında məqsədini bilirsə, onun gələcəyi də məhz qanunauyğunluq xətti ilə inkişaf edir. Təsadüf isə təsadüfdür. Düzdür, hərdən təsadüf özünü qanunauyğunluq kimi də aparır. Bu tip mülahizələri buraxaq filosofların öhdəsinə. 2014-cü il idi. Ölkə Naxçıvan Muxtar Respublikasının yaran- masının 90 illik yubileyini qeyd etməyə hazırlaşırdı. Respublika- mızın Şirvan şəhərində fəaliyyət göstərən Tarix-diyarşünaslıq muzeyi də bu hadisəni keçirtmək üçün geniş tədbirlər planı hazır- lamışdı. İlk tədbir “Azərbaycanın qədim diyarı-Naxçıvan” möv- zusunda dəyirmi masa formasında keçirildi. Bütün hadisələr də elə bu tədbirdən sonra başladı. Dəyirmi masaya tək şəhərin ziya- lıları yox, eyni zamanda əslən Naxçıvandan olan nümayəndələr də dəvət olunmuşdu. İnternet əsrində yaşayırıq. Bu səbəbdən hadisələr də ildırım sürəti ilə yayılır. Keçirilmiş tədbirin sorağı Naxçıvana da çatdı və orda xoş bir rezonansa səbəb oldu. “Azər- baycan” qəzetinin bölmə müdiri Elxan Yurdoğlu, Naxçıvan MR- ın elm adamları, Naxçıvan Muxtar Respublikası Ali Məclisinin mətbu orqanı olan “Şərq qapısı” qəzeti tərəfindən yüksək dəyər- ləndirildi. Əlbəttə, burada şəhərimizin tanınmış jurnalisti, Naxçı- van Dövlət Universitetinin məzunu və Vaqif müəllimin tələbəsi olmuş Yaqut xanımın zəhməti böyükdür. Məhz bu hadisələrdən sonra biz ilk dəfə mərhum Vaqif Məmmədovun özünü şəxsən tanıdıq. Vaqif müəllimlə münasibətlərimiz getdikcə sürətlə inki- şaf edirdi. Onun muzeyimizə etdiyi ən qiymətli hədiyyəsi ümum- milli lider Heydər Əliyevin anadan olmasının 90-illik yubileyinə həsr edilmiş “Qalib gəldi, qalib getdi” adlı altı cildlik miniatur kitab dəsti oldu. Biz bu hədiyyəni Tarix-diyarşünaslıq muzeyinə xüsusi diqqət və Şirvan şəhərinə göstərilən hörmət əlaməti kimi Yüklə 21,11 Mb. Dostları ilə paylaş:
|