Microsoft Word Vaqif Memmedov xatirelerde doc
Yüklə 21,11 Mb. Pdf görüntüsü
|
Vaqif Məmmədov xatirələrdə 145 Vaqif müəllim həm də bir neçə şeirlər kitabının və tarixi əsərlərin, müəllifidir. O şeirlər kitabının ki, əlinə qələm alıb yazdığı ilk şerindən son şeirlərinə qədər elinə, obasına, vətəninə bağlı vətəndaş duyğularının tərənnümündən ibarətdir. Şairə bu duyğuları, vətənə məhəbbətini, el-oba sevgisini isə doğma Nax- çıvanımızın əsrarəngiz təbiəti, saf bulaqları, məğrur qayaları, əsrlər qocaldan zirvələri aşılayıb. Yazdığı tarixi əsərlər, qeydlər hər zaman real hadisələrə, tarixi faktlara əsaslanmaqla qələmə alınırdı. Hər dəfə işıq üzü görən kitablarının ilk oxucularından biri olmağımla qürur hissi keçirirdim. Beləcə, nəinki təkcə mənim, onu deyə bilərəm ki, minlərlə tələbəsinin həyat yolunu, Vaqif müəllimin dəyərli fikirləri, məs- ləhətləri, geniş əhatəli mühazirələri işıqlandırıb. Bəhmənyar deyirdi: “Elə adamlar axtarın ki, onlarla söhbət yaxşı kitaba bərabər olsun, elə kitablar da axtarın ki, mütaliəsi filosoflarla söhbətə dəysin”. Elə mən də vaxt tapan kimi Vaqif müəllimin söhbətlərini dinləməyə, tövsiyyələrini eşitməyə tələsirdim, 100-lərlə tələbəsi də mənim kimi. Bu gün Vaqif müəllimin çiyin-çiyinə çalışdığı pedaqoji kollektiv, dostlar və tələbələr yaxşı bilirlər ki, tələbələri Vaqif müəllimin hər bir dərsini böyük maraq və həvəslə gözləyirdi. Çünki, Vaqif müəllim hər bir tələbəsinin əsl vətəndaş kimi mənəvi cəhətdən formalaşmasına çalışırdı. Onlarda milli şüurun, milli düşüncənin bütövlükdə azərbaycançılıq ideyasının təşəkkül tapmasına öz töhvələrini verirdi. Onun həm də iş yoldaşlarına, dostlarına, tələbə və magistrlərinə səmimi və mehriban dav- ranışı, bir valideyn qayğısı ilə yanaşması bütün təhsil işçiləri üçün layiqli bir örnək idi. Vaqif müəllimin vətəndaşlıq mövqeyi, vətənpərvərliyi özünəməxsus idi. Lazım olanda əsgər, lazım olanda şair, lazım olanda müəllim, lazım olanda alim idi. Onu tanıyan insanlar yaxşı bilirlər ki, Vaqif müəllim yüksək mənəvi keyfiyyətlərə malik şəxsiyyət idi. O qədər sadə, səmimi, müdrik insan idi ki, onunla ünsiyyətdə olmaq insanı sanki kamilliyə səsləyirdi. Vaqif Məmmədov xatirələrdə 146 Böyük şairimiz Nizami Gəncəvinin: Həmişə dünyada yaxşılıq axtar, Yaxşı ad almaqda əbədiyyət var! – misraları Vaqif Məmmədovun keçdiyi ömür yoluna çox gözəl yaraşır. Dostluqda sədaqətli, qohumluqda mehriban, yaşadığı ömür payında xeyirxah, tələbələrinə qayğıkeş müəllim olmağı bacaran əsl ziyalı... Tam əminliklə deyə bilərik ki, Vaqif Məmmədovun yarat- dığı mükəmməl tədqiqqat əsərləri, mənalı həyat yolu hər bir gəncin yoluna hələ uzun illər işıq salacaq. Vaqif Məmmədov xatirələrdə 147 Mirələkbər Seyidov AQRA EİDİB-nin idarə heyyətinin sədri GÖRKƏMLİ ZİYALI VAQİF MƏMMƏDOV VƏ SƏDƏRƏK KƏNDİ BARƏDƏ DÜŞÜNCƏLƏRİM... Mən Vaqif müəllimi uşaq vaxtlarımdan, Naxçıvan şəhər internat məktəbində 1961-1967-ci illərdə qardaşı Vidadi ilə bir yerdə oxuduğum dövrlərdən tanımışam. Sədərəkdən o dövrlər bizim məktəbdə oxuyanlar çox idi. Bizim sinifdə Vidadi, Həsən Abbasov, rəhmətlik Əli Nəcəfov, bizdən yuxarı siniflərdə İslam Kazımov, İslam Səlimov, Rəsul və.s aşağı siniflərdə qardaşı Məmmədlə bərabər digər uşaqlar var idi. O illər mən ara-sıra Sədərək kəndinə babamgilə gedərdim. Mənim anam Qüdrət Cəfər kişinin və Qara Cənnətin böyük qızı olduğundan və atam 1959-cu ildə vəfat etdiyindən, yay tətilində və dərsdən kənar başqa boş vaxtlarımızda mənim qardaşımın və bacımın gedəcəyi əsas yer elə Sədərək idi. Cəfər babam gildən hazırlanmış səhəng, bardaq, çölmək və.s gətirib yaxın kəndlərdə satardı. Arabamız Cəfər əminin, Vaqif müəllimgilin evlərinin yanından keçərdi. Onların da kənd içinə keçən yolu nənəmgilin evinin yanından keçdiyindən, ara sıra bir-birimizi görərdik. Atası Cəfər Cəfərovu da çox yaxşı xatırlayıram. Ziyalı, işıqlı insan idi. İnstitutu bitirə- nə kimi Vaqifin yaradıcılığı ilə o qədər də məlumatım olmayıb. Əsas tanışlıq və görüşlərin bir hissəsi Vidadi memar kimi Rusiyada işləyib Naxçıvana qayıtdığı dövrdən sonraya təsadüf edir. Vidadinin yaşadığı ev o vaxt mən işlədiyim "Naxtorq" adlı ticarət idarəsinin yanında idi. Hərdən onlara gedəndə də orada görmüşəm. Bəzən dayıları Cabbar və Orucla, qohumları Vəli ilə bir yerdə görüşlərimiz olub. Lakin onun elmi və ədəbi yaradı- cılığı ilə əsil tanışlığım, rəhmətlik Muşfiqin vəfatına ithaf etdiyi "Səni kim unudar" kitabından sonra başlayıb. Doğrudan, o vaxt o ailəyə ağır itki üz vermişdi, 41 yaşında Müşfiq dünyasını dəyişmişdi. Mən də Vidadinin dostu və bir Vaqif Məmmədov xatirələrdə 148 Sədərəkli kimi həmin məclisə dəfələrlə getmişdim. Lakin həm Vaqiflə, həm də ailənin digər üzvləri ilə əsil tanışlığım yasdan sonra rəhmətlik Müşfiq haqqında 2009-cu ildə nəşr olunan həmin kitabla yenidən başladı. Həmin ailənin üzvlərini yenidən tanımağa başladım. Kitabın ilk səhifəsində verilən Mikayıl Müşfiqin şeiri, Müşfiq adını ürək qırıqlığı ilə qardaşına Şəhriyar və Müşfiq adları arasında tərəddüd içərisində qalan Vaqifin 1967-ci ildəki yaşantıları gətirib 20.08.2008 ci ildə yazdığı üç bayatıya və... Bu karvan rəvan gedir, Yağlı da yavan gedir. Nədirdisə bilmirəm Müşfiqlər cavan gedir... yaşantısına çıxardı. Dediyim kimi, Vaqif Məmmədovun yaradıcılığı ilə az-çox tanışlığım, rəhmətlik Müşfiqin haqqında çap olunan kitabla başladı. Onunla əsas elmi-ədəbi məna daşıyan görüşlərimiz cəmi bir neçə dəfə olsa da, sanballı və mənalı olub. 2009-2010 cu illər də bir il Naxçıvanda işlərimlə əlaqəli çalışdığım dövrdə bir neçə dəfə rəhbəri olduğu nəşriyyatda görüşmüşəm. Bir neçə kitabını mənə hədiyyə edib: "Zirvədən baxanda", "Ömrümün yarpaqları", rus dilində nəşr olunan bir neçə kitabı, "Sədərəkdə yazılan gündəlik" kitabını da verəcəkdi, nə isə görüşüb ala bilmədim. “Ömrün payız nəğməsi” kitabını da oğlu Səbuhi verdi mənə. Təsadüf elə gətirdi də deyə bilərəm, ancaq, mən təsadüfə yox, zərurətə inanıram. O zərurət baş verdi ki, ictimai birliyin qeydiyyatdan keçməsini mən evdən çıxıb aereporta Naxçıvana uçmaq üçün hava limanına gedərkən edilən telefon zəngindən öyrəndim. Ona görə də NDU-da elmi müzakirəsi planlaşdırılan əslən naxçıvanlı Fikrət Rzayevin (1936-2013) "Söz və “Söz konstruktorluğu” kitabının təqdimatını “Aqra” EİDİB adından keçirilən tədbir kimi rəsmiləşdirmək qərarına gəldik. Yüklə 21,11 Mb. Dostları ilə paylaş:
|