54
ortalarına qədər xaçpərəst dinini qəbul etməmişlər, yepiskop
Yunan isə Albaniyadan gəlib, bu dini Hun ölkəsində təbliğ
edənlərdən biri olmuşdur. IV yüzilliyin 30-cu illərində bu
çarlığa Sanatruk (Sanesan) başçılıq edirdi. Sanatruk Paytakaran
şəhərini ələ keçirmişdi. O, dəfələrlə Albaniya və Ermənistana
hücumlar etmişdi. Orta əsrlərdə yaşamış bir müəllif Sanesanın
“öz sərhəddini, böyük Kür çayını keçərək” yürüşlər etməsini
yazır. Onun atlı alaylarının sayı-hesabı yox idi. Onlar özləri də
qoşunlarının sayını müəyyənləşdirə bilmirdilər. Həmin müəllif
yazır ki, Sanesan bütün ölkəni (Ermənistanı - M. İ.) bir il öz
əllərində saxladı” (48, s. 62).
Sasanilər II Yezdəgirdin (438 – 457) vaxtında hunları Hun
Darvazasından (Beşbarmaq səddindən) şimala sıxışdıra bilsələr
də tezliklə bu ərazini tərk etmişlər. Sasanilər I Kavadın (438 –
531) və I Xosrov Ənuşirəvanın (531 – 579) dövründə də Hun
çarlığı ərazisində arabir uğurlar qazana bilmişlər. Dərbənddən
cənubda yerləşmiş Çola şəhərinin ətrafına sədd də çəkdikləri
söylənilir. Bütün bunlara baxmayaraq, Sasanilər hunların,
xəzərlərin qarşısında həmişə aciz qalmış və daim qorxu altında
olmuşlar.
532-ci ildə hunlar Kür çayını keçib Albaniyaya, İberiyaya və
Armeniyaya basqınlar etməyə başladılar. Həmin ildə Albaniya
hunların hakimiyyəti altına keçdi. Xristianmeylli qaynaqlar hə-
min hücumları ancaq qarətçiliklə bağladığından bu etnosların
əvvəlki dini etiqadını saxlayan əhaliyə köməyi kölgədə qalmış-
dır (12, s. 189). Hun çarlığının şimalında (Dərbənddən şimal-
da), M.Kalankatuklunun Türküstan adlandırdığı türk xaqanlı-
ğında tez-tez daxili çəkişmələrin baş verməsindən, təbii olaraq
Hun çarlığının əsas diqqətinin şimala yönəlməsindən istifadə
etmiş I Xosrov Ənuşirəvan Dərbənddən cənubda yerləşmiş
Çola şəhərinin ətrafına sədd də çəkdirmişdi. Tarixçilər Çola
şəhərinin Samur çayı yaxınlığında yerləşdiyini yazırlar (12, s.
187).
55
Sasanilərin əsarəti altında olan Albaniya katalikosluğunun
taxtı Çola şəhərinə köçürülmüşdü. Albaniyanın dini mərkəzinin
zorla Çola şəhərinə köçürülməsi hiyləgər bir siyasət güdürdü.
Böyük qismi türkmənşəli tayfalar olan Albaniya əhalisi hunlara
qarşı döyüşmək istəmirdilər və bunu bilən Sasani hökmdarları
hər cür məkrli hiyləgərliyə əl atırdılar. Bu hiylələrdən biri də
Albaniya katalikosluğunun taxtını, Sasanilər tərəfindən qısa bir
müddətə də olsa, zəbt edilmiş Hun dövləti ərazilərinə köçürmək
idi. Lakin 551-ci ildə hunlar hücum edərək Kür çayına qədər
ərazini azad etdilər və Albaniya katalikosluğunun taxtı yenidən
Bərdə şəhərinə qaytarıldı (60, s. 76).
Ümumiyyətlə, Çar Rusiyası və sovet dövründə yazılmış “ta-
rix”də qədim türklər həmişə vəhşi, qaniçən, xaçpərəstləri qarət
etməkdən başqa heç bir məqsədi olmayan insanlar kimi təsvir
edilirlər, Sasanilər isə az qala xaçpərəst dininin qoruyucuları ki-
mi qələmə verilirlər. Halbuki, Hun çarlığının qədim türk tayfa-
ları həm öz dinlərini, həm də Albaniyada kütləvi şəkildə məs-
kunlaşmış soydaşlarını xaçpərəstlərdən, İran atəşpərəstlərindən
qorumaqdan ötəri Albaniyaya və sasanilərin ərazisinə basqınlar
edirdilər. Digər tərəfdən, Sasanilərin Albaniya və Ermənistan
xaçpərəstlərinə etdikləri zülmlər, onlara zorla atəşpərəstliyi
qəbul etdirmək adəti heç kim üçün sirr deyildir. Hunlar öz
dinini atıb başqa dini qəbul etmiş soydaşlarına pis gözlə
baxırdılar, onları xəyanətkar hesab edirdilər. Bu bütün dövrlər
və bütün xalqlar üçün xarakterik və təbii haldır. V əsrdə Hun
çarı Albaniyaya, İberiyaya və Ermənistana hücumlar edir və bir
müddət bu əraziləri öz tabeliyində saxlayır. Albaniyanı nəzarəti
altında saxlayan hun qoşunlarının sərkərdələrindən biri
xaçpərəst dininə keçir və bundan sonra “Teofil” adlandırılır.
Onun iki oğlu və otuz nəfər silahdaşı da bu dini qəbul edirlər.
Teofil Albaniya ərazisində, Kürün sağ sahilində, ona tabe olan
qoşunu ilə düşərgə qurur. Onun başqa dini qəbul etməsini
eşidən Hun dövlətinin çarı ordusu ilə Kür çayını keçir,
Albaniya ərazisində düşərgə salmış Teofilə yaxın yerdə düşərgə
56
salır. Hun hökmdarı sərkərdə Teofili, onun iki oğlunu və otuz
silahdaşını hüzuruna çağırıb deyir: “Sən çaldığın qələbələr və
şücaətinə görə bizim məmləkətdə ən istəkli adam idin. Biz sənə
çoxlu mükafatlar verib başqa sərkərdələrə üstün qoyduq və
ordumuzun üçdə birinin başçısı təyin etdik. Bəs nə üçün öz
xalqının döyüşlərdə bizə qələbə gətirən nəcib ilahilərini
atırsan? Nə üçün sən öz döyüşçülərinlə mənim əleyhimə üsyan
edirsən?” (60, s. 36). Ona göstərilən böyük sayqı və etibarın
müqabilində xalqına xəyanət etmiş sərkərdə ilə bu qədər
təmkinlə söhbət edən hökmdarın ədaləti və dərin kökləri olan
mədəniyyəti göz önündədir. Hələ bu da onun ədalətinin son
həddi deyilmiş. Hun çarı xəyanətkar sərkərdəyə düşünmək və
özünü doğrultmaq üçün vaxt və imkan verir. Bu hadisə qədim
türkləri mədəniyyətsiz, qaniçən və qəddar kimi qələmə verən,
“mədəniyyəti” aşıb-daşan siyasi qeybətçilərə tutarlı bir cavab-
dır.
Hun çarının ona verdiyi imkandan Teofil ən pis şəkildə
istifadə edir. İki oğlu və otuz nəfər yeni əqidə tərəfdarı ilə
düşərgədən cənuba doğru qaçır. Çar onların ardınca qoşun
dəstəsi göndərir. Çarın adamları satqınları haqladıqda belə,
ehtimal ki, çarın tapşırığı ilə, yenə də seçim imkanı verirlər və
hətta onlara yalvarırlar. Qaçanlar bu son təklifi də qəbul
etmədikdə təqib edənlər onların hamısını öldürdülər (60, s. 37).
Kalankatuklu yenə də xaçpərəst mövqeyindən çıxış edərək
satqınları “müqəddəs”, hunları bütpərəst adlandırsa da hadisəni
təfərrüatı ilə təsvir etmişdir.
664-cü il dekabrın 21-də hunlar yenə də Kür çayını keçərək
cənuba yürüş etdilər. Bu yürüş haqqında Kalankatuklu yazır:
“Hunlar çarı çoxminli atlı qoşunları ilə Albaniyaya basqın etdi.
Cavanşir bu hadisəyə qədər öz ölkəsinin əhalisini ehtiyatlı
olmağa çağırırdı. Lakin hücuma keçmiş hunlar Kür çayının bu
sahilinə keçib Araz çayına çatdılar və nəinki Albaniyada, hətta
Ayrarat vilayətində və Sünik ölkəsində aldığı əsirləri və qışlaq
otlaqlarında olan qoyun və mal-qara sürülərini öz düşərgələrinə
Dostları ilə paylaş: |