63
belə iş tutma və onları heç bir şeyə təhrik etmə, ələ keçirdikləri
şeyləri geri almağa çalışma. Mən peyğəmbərdən eşitmişəm ki,
onlar yovşan bitən yerə qədər gedəcəklər”.
Müaviyənin bu fikri ilə uyğunluq təşkil edən digər sözləri də
maraq doğurur: “Nə qədər ki, türklər bizlərə toxunmurlar,
onlardan uzaq gəzin”. Beləliklə, gətirdiyimiz iqtibasdan ən azı
iki nəticə çıxarmaq olar. Əvvəlan, Müaviyəyə gəlmiş məktubda
söhbət şübhəsiz ki, Azərbaycandan gedir. Belə ki, Azərbaycan
ərazisi ərəb müəllifləri tərəfindən təşkil edilib Ərməniyyə
adlanmış inzibati bölgəyə daxil idi və Ərməniyyə canişininin
başqa yerlərdə yaşayan türklər barəsində xəlifəyə yazmasına nə
hacət? İkincisi isə, VII yüzillikdə türk dillərinin Azərbaycanda
nə qədər böyük qüvvə olmasına əyani sübutdur. Azərbaycan
ərazisində qədimlərdən türkdillilərin məskunlaşmasını nümayiş
etdirən başqa bir dəlil: ən ilk ərəbdilli qaynaqlardan olan
“Əxbər Abid ibn Şəriyə əl-Cümhuri”də (Abid ibn Şəriyədən
qabaqkı dövr) Azərbaycanın islam dininin yayılmasından
qabaqkı vəziyyəti öz əksini tapmışdır. Bu qaynaqdan məlum
olur ki, ərəb xəlifəsi I Müaviyə Azərbaycana qoşun göndərməz-
dən qabaq öz saray alimini çağırıb soruşmuşdu:
– Azərbaycan barəsində nə bilirsən?
Azərbaycanla yaxşı tanış olan alim belə cavab vermişdi:
– Azərbaycan qədimdən türklərin ölkəsidir və onlarla məs-
kundur” (48, s. 99).
IX yüzilliyin ortalarında ərəb xilafəti zəifləmiş, ona tabe
edilmiş ölkələrdə müstəqillik meyli xeyli güclənmişdir. Vila-
yətlərə çevrilmiş bu ölkələrin başında duran feodallar mərkəzi
hakimiyyətə tabe olmur, topladıqları vergiləri dövlət xəzinəsinə
verməkdən imtina edirdilər. Xilafətin zəfləməsindən Azərbay-
can feodalları da istifadə etdilər (48, s. 116).
VII əsrin sonlarında müstəqilliyini itirmiş, ardıcıl olaraq Xə-
zər Xaqanlığının, Ərəb Xilafətinin əyalətinə çevrilmiş Hun çar-
lığının ərazisində IX əsrdə müstəqil Şirvanşahlar dövləti yaran-
dı. Şirvanda IX yüzillikdə hakimiyyətə gəlmiş Məzyədilər,
64
Ərəb Xilafətinin hakimiyyəti altında bu yerdə vali olmuş,
xilafət zəiflədikdən sonra isə müstəqilləşmiş, özlərini Şirvanşah
elan etmişdilər (48, s. 116). Şirvanşahlar dövlətində məzyədilər
sülaləsi 861-ci ildən 1027-ci ilə qədər hakimiyyətdə olmuşdur.
1027 – 1382-ci illərdə Şirvanşahlar dövlətini kəsranilər idarə
etmişlər.
XI yüzillikdə Səlcuq türkləri kütləvi şəkildə Azərbaycan əra-
zilərinə gəldilər. Şirvanşahlar dövləti Səlcuqların yaratdığı bö-
yük imperiyadan asılı vəziyyətə düşdülər.
Şirvanşahların sərhədlərinin cənubda Kür çayı, şimalda Dər-
bənd və Samur çayı, qərbdə Göyçay və Şəki, şərqdə Xəzər
dənizi ilə əhatə edildiyi, cənub sərhədlərinin bəzən Araz çayına
qədər uzandığı qeyd edilir. Məzyədilərin uğurlu siyasəti
nəticəsində müxtəlif dövrlərdə Şəki, Beyləqan və Bərdə Şirvan-
şahların tabeçiliyinə keçmişdi. Lakin dövlətin sərhədləri sabit
deyildi. Müxtəlif dövrlərdə baş vermiş siyasi hadisələrlə
əlaqədar olaraq dəyişirdi. Dövlətin paytaxtı əvvəlcə Şirvan, X
əsrin birinci rübündən etibarən Yəzidiyyə (Şamaxı) şəhəri
olmuşdu. Ölkədə şah ailəsinə məxsus sarayların, xəzinənin,
ordunun və həbsxanaların yerləşdiyi bir sıra mötəbər şəhər-
qalalar vardı (12, s. 274). Şirvanşahlar dövləti üçün Dərbənd-
Beşbarmaq keçidindəki sədlərin əhəmiyyəti böyük idi. Bu
səbəbdən də Şirvanşahlar daim Dərbənd şəhərini öz əllərində
saxlamağa çalışıblar.
Səlcuqlar dövlətinin hökmdarları Sultan Məhəmməd Toğru-
lun (1040 – 1063), Sultan Alp Arslanın (1063 – 1072) və Sul-
tan Məlikşahın (1072 – 1092) dövrlərində də Dərbənd-Beşbar-
maq keçidinin qorunmasına çox böyük əhəmiyyət verilmişdir.
Belə ki, Dərbənd Səlcuqlar dövlətinin şimal sərhəddində idi və
Dərbənddən şimalda kütləvi şəkildə məskunlaşmış qıpçaq
tayfalarının hər an Azərbaycan ərazisinə hücum etməsi təhlü-
kəsi var idi.
E.ə. XIII əsrdən, yəni inşa olunduqları vaxtdan başlayaraq
As-ər ölkəsi, e.ə. VII əsrdən eramızın VII əsrinin ortalarına qə-
65
dər Hun çarlığı, qısa bir müddətdə Sasanilər, VII əsrin sonların-
dan IX əsrin birinci yarısına qədər Ərəb Xilafəti, IX əsrin
birinci yarısından XI əsrin ortalarına qədər Şirvanşahlar və XI
əsrin ortalarından sonlarına qədər Səlcuqlar dövləti, XI əsrin
sonlarından XII əsrin sonlarına qədər yenə də Şirvanşahlar
Dərbənd-Beşbarmaq keçidinin sədlərindən vahid müdafiə
sistemi kimi istifadə etmişlər. 1192-ci ildə Şirvanda baş vermiş
güclü zəlzələ nəticəsində Şirvan şəhəri, Beşbarmaq istehkamı
(Xız qalası), Şamaxı, Şabran və Bacərvan şəhərləri, Gilgilçay
və Beşbarmaq sədləri tamam dağılmış, Şirvanşahlar dövlətinin
paytaxtı Bakıya köçürülmüşdür. Zəlzələnin nəticələri o qədər
dəhşətli olub ki, Beşbarmaqdan indiki Şabrana qədər ərazi uzun
müddət “Qəbiristan” adlandırılıb.
1.3. Sədlərin və Beşbarmaq qayanın adları ilə
bağlı açıqlamalar
Tarixin müxtəlif mərhələlərində, Azərbaycanın şimal-şərqin-
də, Dərbənd şəhəri ilə Beşbarmaq qayası arasında beş səddin
mövcud olması barədə məlumatlar vardır. Mənbələrdə sədlər
Dərbənd səddi, Hun səddi, Çola səddi, Çola keçidi, Cora
keçidi, Sul keçidi, Beşbarmaq səddi, Bərmək səddi, Hun
qapıları, Hun Darvazası, Xursan səddi, Gilgilçay səddi kimi
qeyd edilir. “Dərbənd səddi” deyildikdə, dəfələrlə qarət
edilmiş, dağıdılmış, əldən-ələ keçmiş, lakin qədim zamanlardan
bu günə qədər varlığını qoruyub saxlamış Dərbənd şəhərinin
hasarları başa düşülür.
“Gilgilçay səddi” deyildikdə isə mənbəsini indiki Xızı rayo-
nunda olan Kolanı (xəritədə Dübrar) dağından alıb indiki Siyə-
zən rayonu ərazisindən keçərək Xəzər dənizinə tökülən Gilgil-
çay boyu mövcud olmuş sədd başa düşülür.
“Çola səddi”, “Çola keçidi”, “Cora keçidi” kimi mənbələrdə
adı çəkilən keçid Dərbənddən Beşbarmaq dağına qədər olan dar
keçidin qədim adlarındandır. Yuxarıda qeyd etdik ki, m.ö. XIII
Dostları ilə paylaş: |