72
adasının indiki Penzans şəhərinin sahilinə qədər davam etmiş
və eyni qaydada geriyə, Xəzər dənizinə dönmüşdür; 3. Türk
qövmünün peyğəmbəri Xızır e.ə. II minillikdə Azərbaycanda,
indiki Xızı rayonunda dünyaya gəlmişdi. Adı Bəlyadır. Bəlya
qədim türkcədə “suyun bilicisi” deməkdir. Əslən Xız (ğız, quz,
oğuz) tayfasından olduğu üçün Xızır (xız-ər, oğuz-ər) kimi
tanınmışdır. Xızır peyğəmbər e.ə. 1235-ci ildə, Beşbarmaq
qayada Musa peyğəmbərlə görüşmüşdür. Musa peyğəmbər
Aralıq dənizi sahillərindən başlayaraq Xəzər dənizinin qərb
sahilləri ilə Qara və Azov dənizinin birləşdiyi yerə, Taman
yarımadasına qədər getmiş, oradan geri qayıtmış və səfərinin
65-ci günündə, Beşbarmaq qayada Xızırı tapmışdır. Musa
peyğəmbərin bu uzaq səfərə çıxmaqda məqsədi həm Allahın
böyük hikmət bəxş etdiyi Xızırdan elm, həm də yenicə azad
olmuş qövmünün dirçəlişi üçün vacib olan dövlət və ordu
quruculuğunu öyrənmək, eyni zamanda o dövrdə iqtisadi
inkişaf üçün çox əhəmiyyətli olan qalayın əldə edilməsi idi; 4.
Ən qədim zamanlardan xalqımızın əfsanələrində, nağıllarında
yer almış, dahi Nizaminin “İskəndərnamə”-sinin qəhrəmanına
çevrilmiş Zul Qar Neyn tarixi şəxsiyyətdir, e.ə. 1244-cü ildə
taxta çıxmış Assuriya hökmdarı Tukulti Ninurtadır. İlk dəfə
dəmir filizini əritmək üsulunu kəşf etmişdir. E.ə. 1215-ci ildə
Urmiya gölü və Xəzərin qərb sahilləri ilə hərəkət edərək Şirvan
ərazisindən keçmişdir; 5. E.ə II minilliyin ikinci yarısında Çin
ərazisində məskunlaşmış yəcuc-məcuc tayfaları As-ər ölkəsinə
basqınlar etmişlər. As-ərlər bu tayfaları Xəzərin şərqinə, oradan
da Çinə qədər qovmuşlar. Bu dövrdə Dərbənd-Beşbarmaq
sədləri və istehkamları tikilməyə başlamışdır. Hun-Çin mühari-
bələri, təxminən 1500 il davam etmişdir. E.ə. XII əsrin ilk
yarısında qüdrətli As-ər ölkəsi süqut etmişdir; 6. E.ə. XIII
əsrdən, yəni inşa olunduqları vaxtdan başlayaraq As-ər ölkəsi,
e.ə. VII əsrdən eramızın VII əsrinin ortalarına qədər Hun
çarlığı, qısa bir müddətdə Sasanilər, VII əsrin sonlarından IX
əsrin birinci yarısına qədər Ərəb Xilafəti, IX əsrin birinci yarı-
73
sından XI əsrin ortalarına qədər Şirvanşahlar və XI əsrin ortala-
rından sonlarına qədər Səlcuqlar dövləti, XI əsrin sonlarından
XII əsrin sonlarına qədər yenə də Şirvanşahlar Dərbənd-Beş-
barmaq keçidinin sədlərindən vahid müdafiə sistemi kimi istifa-
də etmişlər. 1192-ci ildə Şirvanda baş vermiş güclü zəlzələ
nəticəsində Şirvan şəhəri, Beşbarmaq istehkamı (Xız qalası),
Şamaxı, Şabran və Bacərvan şəhərləri, Gilgilçay və Beşbarmaq
sədləri tamam dağılmış, Şirvanşahlar dövlətinin paytaxtı
Bakıya köçürülmüşdür.
74
II FƏSİL
BEŞBARMAQ DAĞI ƏTRAFINDA
MƏSKUNLAŞMIŞ AZƏR – TÜRKLƏRİN
(DAĞLILARIN) TARİXİ
2.1. Ən qədim zamanlardan oğuz türklərinin
yurdu olmuş Xızıya 1044 və ya 1045-ci ildə
səlcuq oğuzlarının – Arslan Yabqunun
elatının gəlişi və məskunlaşması tarixi
Çar Rusiyası və Sovet imperiyası dövründə yazılmış tarixin
güddüyü məqsəd tamamilə aydındır: qədim türk yurdu Azər-
baycanın etnik köklərini unutdurmaq; xalqı mənsub olduğu
türk millətindən təcrid etmək; “Parçala və hökm sür!” şüarına
uyğun olaraq xalqı mümkün qədər etnik hissələrə parçalamaq,
gələcəkdə süni şəkildə yaradılmış etnik qrupları siyasi və digər
məqsədlər üçün istifadə etmək; ölkənin əsl sahibləri olan azər-
türkləri əsli-kökü bilinməyən xırda tayfalara çevirərək mənəvi
cəhətdən sarsıtmaq; Azərbaycanı Türkiyədən ərazi, etnik, həm
də dini cəhətdən ayırmaq; qondarma Ermənistanı “sənədləşdir-
mək” və erməni tarixini qədimləşdirərək onları Qafqazın
aborigen xalqına çevirmək.
Məkrli tarix siyasətinin düsturu qorxunc olduğu qədər də bə-
sit idi: Azərbaycanın qərbini əvvəlcə guya erməni əlifbası ilə
yazmış və guya indiki udinlərin dilində danışmış alban yurdu
kimi qələmə verməli, sonra tədricən “erməniləşdirməli”; Azər-
baycanın şərqini isə əvvəlcə “tatlaşdırmalı”, sonrakı mərhələdə
“farslaşdırmalı” idi. Belə olan təqdirdə sovet tarixçilərinin
qarşısına sual çıxdı: “Heç bir istisna olmadan, bütün Azərbay-
75
can xalqının mükəmməl danışdığı türk dili haradan gəlib?!”
Cavab da özünü çox gözlətmədi: “Türk dilini Azərbaycana XI-
XII əsrlərdə kütləvi şəkildə gəlib məskunlaşmış Səlcuq
oğuzları gətirmişlər”. Həqiqət isə tamam başqadır-Azərbaycan
xalqının dili qədim zamanlardan türk dili olmuşdur, Səlcuq
türklərinin isə XI-XV əsrlərdə qurduqları əksər dövlətlərdə,
bəyliklərdə dövlət dili fars və ya ərəb dili olmuşdur. Bunun
səbəbləri barədə bir qədər sonra danışacağıq.
Oğuzlar dünyada ən cəsur xalq kimi tanınmış Türk milləti-
nin təşəkkülündə, inkişafında böyük rol oynamış ən şərəfli,
qüdrətli qollarındandır. Miladdan minillərcə əvvəl, bütün
dünyada Az və ya Az-ər kimi tanınmış, dünya xalqlarının
əfsanələrinə adları “nəhəng As”, “As tanrıları” kimi həkk
olunmuş ulu babalarımız özlərinə “oğuz” demişlər. Eynən
şumerlər kimi – bütün dünya onları “şumer” adlandırsa da,
şumerlər özlərinə “kanqir” (kenqir) demişlər.
Beşbarmaq qaya ən qədim zamanlardan “Xızır qayası”,
ətraflarında məskunlaşmış oğuzlar isə “Xızır övladları” adlan-
dırılmışlar. Tanrının bəşər övladına bəxş etdiyi müqəddəs
İncildə və Quranda bu qaya haqqında məlumat verilir. Xızır
Bəlya Məlkan oğlu dünya tarixinin böyük şəxsiyyətlərindəndir.
Xızır peyğəmbərin elmi haqqında Quranın “Kəhf” surəsinin
65-ci ayəsində deyilir: “Öz dərgahımızdan mərhəmət əta
etdiyimiz və Öz tərəfimizdən elm öyrətdiyimiz bəndələrimiz-
dən birini (Xızırı) tapdılar”. “Kəhf” surəsinin 66-cı ayəsində
Musa peyğəmbər Xızır peyğəmbərdən soruşur: “Öyrədildiyin
doğru yolu göstərən elmdən mənə öyrətmək şərtilə sənə tabe
olummu?” Misirin fironu II Ramzes kimi qüdrətli bir hökmdara
imanı və elmi ilə qalib gəlmiş Musa peyğəmbərin elm almaq
üçün Xızıra “... sənə tabe olummu?” deməsi Xızırın nə qədər
elmli və böyük peyğəmbər olduğunu göstərir. Xızır peyğəmbər
Türk millətinin peyğəmbəridir. Peyğəmbərin adı Bəlya, atası-
nın adı Məlkandır. “Xızır” sözü isə onun məxsus olduğu Xız
(ğuz, quz) qövmünün adıdır. “Xızır”, “xəzər”, “hazar”, “hazer”
Dostları ilə paylaş: |