233
hücumlarından qorumaq idi. Elat 1044-cü və ya 1045-ci ildə
Beşbarmaq dağı ətrafında, əsasən indiki Xızı rayonu ərazisində
məskunlaşdı. Səlcuq oğuzları buradakı xız, quzman, içquz,
peçeneq, savir, xəzər, qazaq, gimiçi, bizlər, şiroğuz tayfaları ilə
qaynayıb qarışdılar. 1066-cı ildə Hələb ilə indiki Türkiyənin
Maraş şəhəri arasında, o dövrdə Qars adlandırılmış ərazinin
mahalında məskunlaşmış qədirli oğuz tayfalarından böyük bir
qol ayrılıb Xızı ərazisinə gəldi. Qədirli tayfalarının bir qismi
Xızının indiki Qars, Əngilan, Altıağac və Baxşılı kəndlərinin
ərazisində yurd saldı. Bu tayfaların əsas qismi Xızının
Göyxan mahalının şərqində, dağətəyi ərazidə məskunlaşdı. XI-
XII əsrlərdə Beşbarmaq və Quşçu mahallarına Anadoludan,
İraqdan və Cənubi Azərbaycandan gəlmiş əfşar oğuz boyuna
aid saru (saruqlu, sarıoğlu), küş, nişapurlu, zəngi, çaruq
adlanan tayfalar yurd salmışlar.
XIII əsrin ilk yarısında monqol yürüşləri ilə əlaqədar Azər-
baycanda məskunlaşmış oğuzların bir qisminin Anadoluya get-
məsini də bilirik. Eyni zamanda, Xızıya Anadoludan Gərmi-
yanlılar (gərmiyanoğulları, gədiklilər) adlanan oğuz tayfaları
gəlmişlər və Xızının Gədik (Gədi, Gədük) mahalında məskun-
laşmışlar.
Tarixdə “Sultan Səncəri əsir etmiş oğuzlar” kimi yadda qal-
mış oğuzların da bir qismi Beşbarmaq və Quşçu mahallarının
bir-birinə yaxın olan kəndlərində məskən salmışdır. Onların bu
əraziyə XII əsrin sonlarında XIII əsrin əvvəllərində gəlmələri
ehtimal edilir. XVII əsrdə şahsevənlərdən olan əfşar tayfaları
əsasən Qasımkənd, Şıx-Xızı, Dizəvər, Zərgərli, Acı, Əmbizlər
kəndlərinin ərazilərində məskunlaşdılar. Səfəvilər dövründə
Anadoludan, indiki Yozqat şəhəri yaxınlığındakı Əlişar elindən
Cənubi Azərbaycana, oradan da Xızıya gəlmiş Hacı Yusif
bəyin eli XVII əsrin ortalarında indiki Qasımkənd ərazisində
məskunlaşmışdır.
Xızı ən qədim zamanlardan Göyxan, Qomişər, Gədik, Quş-
çu, Beşbarmaq mahallarına bölünmüş oğuz yurdudur. Quşçu və
234
Beşbarmaq mahalları indiki Siyəzən rayonunun da böyük
qismini əhatə edirlər. Xızı Türk qövmünün peyğəmbəri Xızır
Bəlyanın dünyaya gəldiyi müqəddəs məkandır. Xızının ən
böyük mahalı Göyxandır. Göy xan Oğuz xanın oğludur. Xızı
və Siyəzən sakinləri əsrlər boyu “dağlı” adını şərəflə yaşat-
mışlar, dağlılar Oğuz xanın digər oğlu Dağ xanın nəslidir.
Göründüyü kimi, indiki Xızı və Siyəzən ərazilərində məs-
kunlaşmış, “dağlılar” adlandırılan əhali, üç mərhələdə, əsasən
oğuz kökləri üstündə formalaşmış, ən azı dörd min illik tarixi
olan azər-türklərdirlər. Xızı camaatının Anadolu, Cənubi Azər-
baycan və İraq oğuzları ilə əlaqəsi, gediş-gəlişi XVIII əsrə
qədər davam etmişdir. Bu üç mərhələ ümumiyyətlə Azərbay-
can xalqının təşəkkülünə aid olan mərhələlərdir.
235
III FƏSİL
AZƏRBAYCAN TARİXİNİN
ÖYRƏNİLMƏSİNDƏ DƏRBƏND-
BEŞBARMAQ SƏDLƏRİNİN ROLU
3.1. Sədlərin yerləşdiyi coğrafi şərait və ölçüləri
Qara və Azov dənizlərinin birləşdiyi Taman ərazisindən baş-
layan Böyük Qafqaz dağ silsiləsi, Dağıstan Respublikasının Ma-
haçqala şəhəri ilə Azərbaycan Respublikasının paytaxtı Bakı
şəhərinin cənubunda yerləşən Ələt qəsəbəsi aralığında, Xəzər
dənizinin sahillərinə qədər uzanır. Dərbənd şəhərinin və Beşbar-
maq dağının yerləşdiyi ərazilər Böyük Qafqaz dağlarının Xəzər
dənizinə ən yaxın yerləridir. Dərbənd tərəfdə Xəzər dənizinin
sahillərindən dağlara qədər məsafə təxminən 3000 m, Beşbar-
maq dağına qədər isə təxminən 1700 m-dir. Dərbənd şəhəri ilə
Beşbarmaq dağı arasında, Xəzər dənizi sahilləri boyu geniş
düzənlik (çöl) təxminən 135 kilometrdir. Şərqdən Xəzər dənizi,
şimaldan, qərbdən və cənubdan Böyük Qafqaz dağları əhatə
olunmuş bu çölə (düzənliyə) çala da demək olar və ən qədim
zamanlardan bu ərazilərin sakinləri olmuş hunların (iç-oğuzla-
rın, maskutların və s.) bu düzənliyi həm çöl, həm də çala adlan-
dırmalarına heç bir şübhə də yoxdur. Belə ki, ən azı üç min
ildən bəri, demək olar ki, bütün türk dillərində yer almış çöl və
çala sözləri məhz bu ərazidə yaranmışlar. Çünki, e.ə. II minil-
liyin ikinci yarısında, Dərbənddən Beşbarmağa qədər çəkilmiş
sədlər As tayfalarının yurdunu – iç el (iç an) və dış el (dış an)
adlanan iki hissəyə bölmüşdür. Dərbənd-Beşbarmaq arasındakı
ərazinin adından, yəni “İç el”dən çöl və çala sözləri yaranmış-
236
dır. Məhz bu səbəbdən də Dərbənd-Beşbarmaq keçidi, yerli
əhalinin İç el, çöl (çala, çola) kimi də adlandırdığı ərazinin adı
mənbələrdə bəzən “Çola keçidi” kimi verilmişdir. Mənbələrdə
bəzən ərazi “Çora” (cora) kimi də adlandırılıb ki, bu da “iç ara”
ifadəsinin türk dilindən digər dillərə keçərək təhrif olunmuş
formasıdır.
“Azərbaycan tarixi” kitabında yazılır: “Hazırda Dərbənddə
dağlardan başlayaraq Xəzərin içərilərinə doğru uzanan beş hasar
məlumdur: Abşeronun şimalından keçən Beşbarmaq hasarları,
bu hasarlardan 23 km şimalda Gilgilçay (Şabran) hasarları, Tor-
paqqala yaxınlığında, Samur çayının şimalındakı hasar, Dər-
bənd hasarları, bir də Dərbənddən şimaldakı hasarların qalıqları.
Mütəxəssislər belə hesab edirlər ki, bu hasarların hamısını Sasa-
ni hökmdarları cənubdan başlayaraq şimala doğru uzatmışlar”
(48, s. 56). Artıq bizə məlumdur ki, hörmətli tarixçimiz Mah-
mud İsmayılın dediyi “mütəxəssislər” kimlərdir və onlar hansı
məqsədləri güdmüşlər. Sovetlər dövründə yazılan “tarixdə” Sa-
sanilərin indiki Azərbaycan ərazisində hakimiyyəti həddindən
artıq şişirdilmişdir. Təsəvvür edin ki, hündürlüyü 12-15 metrə
çatan, qalınlığı 3 metrdən 8 metrə qədər olan, on kilometrlərlə
Böyük Qafqaz dağlarına doğru, 300-500 m Xəzərin içinə daxil
olan, 135 km məsafə daxilində qurulmuş beş səddin inşası üçün
nə qədər böyük işçi qüvvəsi, nə qədər tikinti materialı və nə
qədər vaxt lazımdır. Bu möhtəşəm beş səddən yalnız birinin
tikilmə tarixi Sasanilərin ümumi tarixindən dəfələrlə böyük
olardı. Hələ üstəlik Dərbənd və Çola qala-şəhərlərinin də inşası-
nı Sasanilərin adı ilə əlaqələndirirlər. Sasanilər Albaniyanı asılı
vəziyyətə salsalar da yalnız I Xosrov Ənuşirəvanın (531-579)
vaxtında bu ölkənin müstəqilliyini ləğv edərək öz imperiyaları-
nın tərkibinə daxil etmişlər. Hunlar bu dövrdə də Albaniya əra-
zisinə hücumlar etmişlər. I Xosrovun Hun çarlığı ərazisində
böyük miqyaslı tikinti işləri aparması tamamilə mümkünsüz idi.
Hunlar, Dərbənddən şimalda olan Türküstanda tez-tez baş verən
daxili çəkişmələrdə, bu xaqanlığın digər tayfalarla döyüşlərində
Dostları ilə paylaş: |