Milli Kitabxana
188
оlmayacaq. Gəlsənə bir bunun barmağını dişləyəsən hə? Hеç
оlmazsa başqalarına da ibrət dərsi оlar». Pələng оğlanın
barmağını dişləməyə hazırlaşırdı ki, sarısaç, qırmızıköynək
оğlan əlini оnun ağzından çəkdi.
Bəli, düz yüz əlli iki ildir ki, bu pələng uşaqları
qоrхutmaq üçün fürsət aхtarır, hеyf ki, bеlə bir fürsət hələ də
əlinə düşməyib. Yüz əlli iki ildir ki, оnun ağ mərmərdən
düzəlmiş ağzı açıla qalıb. Bu pələng nə qədər bеləcə qalacaq?
Оnu bilən yохdur. Mən isə оnu bilirəm ki, pələng uşaqları
qоrхutmaq üçün məqam gözləyir. Uşaqlarsa оndan bir damcı
da qоrхmur.
Milli Kitabxana
189
AĞACLARIN SUYA DÜŞƏN KÖLGƏSİ
ğacların suya düşən kölgəsi dərin fikrə getmişdi.
Hətta onlar demək olar ki, tərpənmədən fikirləşir-
dilər ki, görəsən nə dadırlar və nə üçün balıqlar
yosun yemək üçün onları tapdalayıb keçir, amma bu
gözəllikdə söyüd kölgəsinə əhəmiyyət belə vermirlər. Bu,
əlbəttə tam ədalətsizlik idi və yəqin kı, belə bır özbaşınalığa
dözmək olmazdı.
—Ehey, Xəşəm, bəlkə bir mənim də dadıma baxasan
hə?! — deyə salxım söyüdün kölgəsi dilləndi.
Xəşəm isə onun yanından elə sürüşüb keçdi ki, eləbil bu
boyda ağacın kölgəsi ondan heç nə soruşmamışdı.
Bu zaman külək başladı. Külək söyüdə nə deyirdisə,
ağac qəti etiraz edərək başını bulayırdı. Bundan hirslənən külək
bir az da şiddətləndi ki, bəlkə söyüdü yola gətirə. Amma söyüd
daha böyük qəzəblə onu rədd edirdi.
Kölgələr isə eynilə öz sahiblərini yamsılayır, başlarını
bulayır və beləliklə balıqlara yandı-qındı verirdilər. Bir sözlə
aləm bir-birinə dəymişdi.
—Eybi yoxdur, yaramazlar, deyə kölgələr balıqları
hədələyirdilər. İndi görərsiniz!
Bir azdan doğrudan da maraqlı bir iş oldu. Hardansa
ördəklər bu gölə qondular. Bu zaman kölgələr heç bilirsinizmi
neylədilər? Onlar başlarını qaldırıb ördəklərin ayaqlarını
sığallamağa başladılar. Ördəklər isə bədənlərində xoş bir sığal
hiss etdikləri üçün xoşbəxt-хоşbəхt üzməyə başladılar. Bax bu
zaman həmin ördəklərin xoşbəxtliyinin bir hissəsi kölgələrin
payına düşdü. Aхı onlar kimisə xoşbəxt edə bilmişdilər.
Milli Kitabxana
190
KAĞIZ PARÇASI
ir kağız parçası çoxdan bəri göyə uçmaq istəyirdi.
Amma əlinə bir fürsət düşmürdü. Günlərin birində
burulğana oxşar bir külək onu göyün yeddinci
qatına qaldırdı və kağız parçası gözünü açıb özünü
buludların yanında görəndə fikirləşdi:
—Nəhayət ki, ədalətli bir gün gəlib çatdı.
Külək isə təkcə onu uçurmamışdı. Yarpaqları, köşkləri,
hətta bəzi avtomaşınları da havaya qaldırmışdı. Bir sözlə
dünyada hələlik belə bir tufan görünməmişdi. Onunla birlikdə
az qala bütün şəhərin göyə qalxdığını görən kağız parçası
coşmuşdu:
—Bax buna deyərəm səyahət!
Kağız parçası bir də ona görə sevinirdi ki, göyə
uçanların demək olar ki, hamısı ondan aşağıda idi. O isə gah
buludun içində yox olur, gah da yoldaşlarına baxmaq üçün
arabir aşağı enib qışqırırdı:
—Yolumuz mavi dənizin üstündən keçir. Ehtiyatlı olun,
aşağı çox enməyin.
Əslinə qalsa uçanların komandiri elə bu Kağız parçası
idi və burada ədalətsiz bir şey yox idi. Çünki o, hamıdan
yuxarıda uça bilirdi. Amma heç kəs ona əhəmiyyət vermirdi.
Hər kəs öz başının hayında idi.
Kağız parçası bircə şeyi başa düşə bilmirdi ki, axı nə
üçün adamlar bu qədər narahatdır. Onların rəngi saralmış,
özlərini itirmişdilər. Uçmağın nəyi pisdir ki? Uçuruq,
vəssalam.
Milli Kitabxana
191
Xoşbəxtlikdən külək yavaş-yavaş azalmağa başladı və
uçanlar eynilə təyyarə kimi yavaş-yavaş torpağa düşdülər. Heç
kəsin burnu belə qanamadı. Təkcə kağız parçası havada xеyli
ləngər vurduqdan sonra yerə düşdü. Xeyli heç kəs ona
əhəmiyyət vermədi. Nəhayət bir uşaq götürüb ondan quş
düzəltdi və havaya atdı. Amma nə qədər göyə tulladısa kağız
uçmadı ki, uçmadı. Kağız parçası isə ürəyində fikirləşirdi:
«Görünür qocalmışam. Heç elə bil dünən buluda kimi uçan
mən deyildim. Eh namərd qocalıq». Kağız parçası beləcə
qocalıb bu dünyadan köçdü. Amma heç kəs bilmədi ki, o,
göyün yeddinci qatına kimi qalxa bilmişdi.
Milli Kitabxana
192
PƏNCƏRƏ PƏRDƏSININ ÜSTÜNDƏKI
DOVŞAN
əncərə pərdəsinin üstünə bir dovşan şəkli çəkil-
mişdi. О, səhərdən axşama kimi küçəyə baxırdı.
Pərdə nazik olduğu üçün dovşan çölü əla
görürdü. Pəncərə qalın meşəyə baxırdı.
Bir dəfə səhərə yaxın bir tülkü gəlib çıxdı və ağzının
suyunu axıda-axıda gözünü pəncərəyə zillədi.
—Nə var? — deyə dovşan ona gözlərini ağartdı.
Tülkü dovşanın ondan qorxmadığını görüb çaşdı və
qorxusundan bir az geri çəkildi. Sonra ürəklənib quyruğunun
üstündə şöngüdü. Adətən canavarlar belə oturur. Tülkü qəsdən
belə əyləşmişdi ki, bəlkə dovşan qorxa və pərdənin üstündən
düşüb qaçmağa başlaya. Onda onu tutmaq olardı. Amma
deyəsən o, pərdənin üstündən düşmək istəmirdi.
—Məndən qorxmursan? Bir bax, Uuuuuuu!
—Bu nədir? Sən çaqqalsan, yoxsa tülkü! Məgər tülkülər
belə ulayır?
«Yox deyəsən dünya tamam dəyişir. İndi dovşanlar
tülküyə ulamaq öyrədir. Bundan sonra acından ölmə görüm,
necə ölmürsən».
Tülkü beləcə fikirləşib dovşanı qorxutmaq üçün başqa
yollar axtardı.
—İstəsəm, qarı bu saat sənin gözünə sovuraram!
—Bunun sənə elə bir xeyri olmaz, — deyə dovşan çox
sakitcə dilləndi.
Dostları ilə paylaş: |