Milli Kitabxana
223
Gecədən xeyli keçməsinə baxmayaraq ev əşyalarını
yavaş-yavaş qəbiristanlığa daşıdı. Qəbiri o qədər enlətdi ki,
bütün əşyaları oraya sığışdırdı. Ancaq televizoru yerləşdirmək
üçün yalan olmasın az qala səhərəcən əlləşdi. Axırı ki, hər şeyi
qəbrin içində gizlədə bildi. Öz aramızdı, onu da deyim ki, Bəşir
hətta Sənəm qarının axşamdan çöldə qalan səhəngini,
qəbirqazanların burda qoyub getdikləri iki bel və bir külüngü
də gətirib qəbirdə basdırdı ki, lazım olar. Sonra tərini silib, yaş
torpağın üstündə oturdu və bərkdən güldü.
—Hi-hi-hi... Sənəm qarı, bax indi rahat ölə bilərəm.
Lakin hər şeyi basdırandan sonra Bəşir yuxusuzluq xəstəliyinə
düşdü. Axı onun gözlərinə yuxu necə getsin? Var-yoxun
qəbiristanlıqda, özün get, evdə yat görüm, necə yatırsan.
Gözlərini basdırdığı əşyalara zilləyib şirin xəyallara dalırdı.
Bəli, onun var-dövləti hətta öləndən sonra da, özününkü
olacaqdı. Ancaq bu ölüm zəhrimara qalmış hardaydısa gəlib
çıxmırdı ki, çıxmırdı. Bəşir nə qədər pencəyini çıxarırdı,
qəbirin yanında lap lüt otururdu ki, ona soyuq dəysin, amma
soyuq ona kar eləmirdi. Günlərin bir günü Bəşir
yuxusuzluqdan öldü. Qəbirin yanında o qədər yuxusuz qalıb
şirin xəyallara daldı ki, bir də baxdı ki, daha ölüb. Amma
ədalətsiz bir iş oldu. Bəşir ölməmişdən bir az qabaq
qəbiristanlığa təzə ölmüş bir adam gətirdilər və xahiş etdilər ki,
adamı hazır qəbirlərdən birinə basdırsınlar. Həmin adamı
Bəşirin qəbrində basdırdılar. Qəbirqazanlar Bəşirin öldüyünü
sonra eşitdilər və bərk əl-ayağa düşdülər:
—Kişinin yanında xəcalətli olduq. Tez olun, ona lap
dərin bir qəbir qazaq.
Bəşirə ürəyi istəyəndən də dərin bir qəbir qazdılar və
basdırdılar.
Yazıq Bəşir...
Milli Kitabxana
224
SİÇANLARIN PADŞAHI PİŞİK
ir ölkə vardı və bu ölkədə siçanlar yaşayırdı.
Siçanların ölkəsi o qədər sakit idi ki, ağac budağı
qırılsaydı səsi eşidilərdi. Əlbəttə siçanlar bu sakit
ölkədə çox rahat yaşayırdılar. Di gəl ki, bir iş
həmişə çətinlik törədirdi. Onlar qazandıqlarını bölə bilmirdilər.
Siçanlar fikirləşdilər-fikriləşdilər axırda belə qərara gəldilər ki,
özlərinə bir padşah seçsinlər. Amma padşah seçmək məsələsi
çox çətin oldu. Sən demə Siçanların özlərindən layiqli bir
padşah tapmaq mümkün deyilmiş. Buna görə də onlar Pişiyi
özlərinə padşah seçməyi qərara aldılar. Dünyagörmüş siçanlar
yığıb saxladıqları bir qab yağı Pişiyə aparıb dedilər:
—Ey dünyanın ağıllı Pişiyi, bu yağı qəbul elə və bizim
padşahımız ol!
Pişik yağı yeyib, bığlarını yaladı və qapısına gələnlərə
dedi:
—Əgər bir qab da yağ gətirsəniz bu barədə fıkirləşmək
olar.
Daha dayanmaq olardımı? Siçanlar əl-ayağa düşdülər.
Kəndə hücum edib, daha iki cam yağ gətirdilər. Pişik həmin
yağı da aşırıb dedi:
—Bir halda ki, zəhmət çəkib gəlmisiniz, daha sizin
sözünüzü yerə salmayacağam ki. Gedəyin!
Görəydiniz ki, siçanlar bu işə necə sevinirdilər. Onlar
bir-birinin quyruğundan tutub atıla-atıla gedir və qışqırırdılar:
—Yol verin, siçanlar ölkəsinin padşahı Pişik gəlir. Pişik
fıkirləşdi ki, əgər o elə əvvəlki kimi yerisə padşaha oxşamaz.
Buna görə də arxa ayaqlarının üstündə yeridi. Onun qabaq
ayaqlarını iki siçan çiynində saxlamışdı. Əlbəttə, padşahın
ayaqlarını çiynində saxlamaq üstündə bərk basabas düşdü.
Milli Kitabxana
225
Hamı belə bir səadətə çatmaq istəyirdi. Amma hər yerdə
olduğu kimi burada da zirəklər qabağa düşdü və Pişiyin qabaq
ayaqlarını çiyninə götürüb, aramla irəliləməyə başladılar.
Pişik əlinin altında irəliləyən kök siçanlara baxıb
ağzının suyunu güclə saxlayırdı.
—Bura bax, — deyə o düşünürdü. — Bu qədər siçanın
hamısını tək necə yeyəcəksən, hə?
Pişik beləcə şirin xəyallara dalmışdı ki, yuvasının
ağzında dayanıb gözləri qamaşa-qamaşa siçanlara baxan bir
porsuq soruşdu:
—Ay camaat, bu nə vur-çatdasındı belə?!
—Geri çəkil, ayaq altında qalıb əzilərsən! Görmürsən
padşah gəlir?!
Porsuq yuvasına çəkilib yox oldu.
Pişik siçanlar ölkəsinin padşahı olandan sonra doğrudan
da hər şey ədalətlə bölünməyə başladı. Məsələn siçanlar bir
sərnic yağ tapıb gətirmişdilər. Pişik onu ədalətlə belə böldü:
—Yarısı mənim, yarısı da sizin hamınızın.
Siz görəydiniz siçanlar bu ədalətli bölgüdən sonra necə
sevinirdilər. — Bax, padşah buna dеyərəm. Yoxsa indiyə kimi
tapdığımızı bölə də bilmirdik, — deyə onlar atılıb düşürdülər.
Siçanlar öz paylarını yuvalarına aparana qədər Pişik
payını yeyib qurtardı və qışqırdı:
—Bura baxın bəs öz payımzdan padşaha verməyəcək-
siniz?
Siçanlar əl-ayağa düşdülər. Doğrudan da bu qədər
axmaqlıq olmazdı. \Necə olub ki, onlar bu barədə fıkirləşmə-
yiblər. Axı hər kəs gərək öz payından padşaha da verəydi, ya
yox?!
Yenə də zirəklər hamıdan qabağa düşdü. Onlar
paylarının çoxunu pişiyə verib padşahın onu necə yediyinə
baxıb ləzzət alırdılar. Siçanlar böyük pişiyin padşahlığı altında
beləcə yaşayırdılar. Amma vəziyyətləri gündən-günə
Dostları ilə paylaş: |